جمالِ نسترَنی، رنگ و بُوئے یاسمنی
گُلوں نے سیکھ لئے تم سے ذوقِ پیرَہنی
گُلوں نے سیکھ لئے تم سے ذوقِ پیرَہنی
زمانہ ساز نہ ہو گر بُتوں کی سیم تَنی
تو عزمِ بُت شِکَنی بھی ہے عین برہمَنی
سوادِ کوہ و بیاباں میں شامِ بے وطنی
ہمیں لُبھا کے کہاں لائے آہوئے خُتَنی
ہزار رنگ میں پنہاں ہے آرزُوئے حیات
دعائے نیم شبی تا جنونِ کوہ کنی
بنامِ دولتِ حُسن و جمالِ بے پایاں
سمجھ کے کیجئے اہلِ طلب کی دل شکنی
مجالِ آہ نہ تھی دل کو بزمِ جاناں میں
یہ احتیاط بھی تھی مُقتضائے گُل بدنی
وہ رنجِ راہِ تمنّا میں یادِ یارِ عزیز
وہ دُور بجتے ہوئے سے ربابِ انجمنی
(وارث کرمانی)
المرسل :-: ابوالحسن علی ندوی
کمال کی کلاسیکل غزل