ھمارے دو ٹیچر ماسٹر حشمت علی اور ماسٹر قطب الدین ھ…

ھمارے دو ٹیچر ماسٹر حشمت علی اور ماسٹر قطب الدین ھُوا کرتے تھے – ساتھ رھنا , اکٹھے کھانا ، ایک دُوسرے کے گھر کے ساتھ گھر ، سیر کو اکٹھے جانا ، اکٹھے اسکول آنا. کبھی ھم نے انھیں الگ الگ نہیں دیکھا تھا – اُن کے درمیان اتنی گہری دوستی تھی کہ آپ جتنا بھی اُس کو ذھن میں تصور کریں وہ کم ھے۔

پھر اچانک یہ ھُوا کہ ماسٹر حشمت علی کی بدلی ھو گئی – اور وہ ھمارے ضلعے کی کسی اور تحصیل میں چلے گئے – دونوں دوستوں کے درمیان اِس تبدیلی سے جو خلیج پیدا ھُوئی ، وہ تو ھُوئی ، ھم جو طالب علم تھے یا جو دُوسرا اسٹاف تھا ، ان کے لیے بھی بہت تکلیف دہ صورتحال تھی –

میں نے ماسٹر قطب الدین سے پُوچھا ، آپ کی حشمت علی صاحب سے بڑی دوستی تھی ؟

کہنے لگے ، ھاں ٹھیک ھے.

میں نے کہا اُن کے جانے سے آپ کی طبیعت پر بوجھ پڑا ؟

کہنے لگے ھاں پڑا ھے ، مگر زیادہ نہیں –

میں نے کہا یہ آپ حیران کن بات کرتے ھیں – وہ تو آپ کے بہت عزیز دوست تھے ، قریب ترین تھے –

کہنے لگے ، لیکن آپ اِس کو ایک اعلیٰ درجے کی معیاری دوستی قرار نہیں دے سکتے – بیشک ھمارے معمُولات اکٹھے تھے – اکٹھے کھاتے پیتے تھے اور کوئی لمحہ بھی ایک دُوسرے کے بغیر نہیں گزرا لیکن یہ دوستی کی نشانی نہیں ھے –

دوستی کی نشانی یہ ھے کہ جب تک آدمی اکٹھے بیٹھ کر روئے نہ ، اُس وقت تک دوستی نہیں ھوتی ، اورھم کبھی بھی اکٹھے بیٹھ کر روئے نہیں تھے اس لیے آپ نہیں کہ سکتے کہ ھم بہت اچھے دوست تھے –

”اَشفاق احمد“

زاویہ ١ – ”دوستی اور تاش کی گیم“ سے اقتباس

بشکریہ
https://www.facebook.com/Inside.the.coffee.house