غم کا دریا سُـــوکھ نہ جائے’ اِس کی روانی کم نہ پڑے
خونِ جگر بھی شامل کر لوں’ آنکھ میں پانی کم نہ پڑے
اُس کے بدن کی خوشبو کا ‘ کچھ توڑ نکالو آج کی رات
اور کوئی خُـــوش بُو لے آؤ ‘ رات کـی رانی کم نہ پڑے
سال دو سال کی بات نہیں ہے’ عمر بہت درکار ہے ہاں
سوچ رہا ہوں ۔۔عشق کی خاطر’ عہدِ جوانی کم نہ پڑے
آئینــے کا دل نہیـں ٹُـــــوٹے اِس کا بھـــــرَم آباد رہــے
چہـــرے پر کچھ اور بڑھــــاؤ ‘ یہ حیرانی کم نہ پڑے
کارِ جہاں میں اپنی وُسعَِت سے یہ خود حیــران سـا ہے
آدم زاد کو میـرے مـــــــولا ! عـــــــالمِ فانی کم نہ پڑے
درد کـے ســــارے ہـی قصّـــوں کـی یـاد دہانی کـر لینا
ہجـــــر کی رات بہُت لمبی ہے’ ایک کہانی کم نہ پڑے
راز بہُت سے ۔۔ ایسے بھی ہیں’ جو اُس کو معلوم نہیں
میرے یار کی صُحبت تجھ کو’ دشمنِ جانی ! کم نہ پڑے
( ضِیــــا ضـــمیـرؔ )
