( غیــر مطبــوعــہ )
ہزار حســـــرت و رنج و الم سے بنتا ہے
یہ اشکِ گِریہ کہاں بیش و کم سے بنتا ہے
جواں لہو کو کہاں فرصـتِ ملال ‘ میاں !
تپیــــدہ جســــم خیــــاِل عدم سے بنتا ہے۔
ہماری آنکھ پہ کُھلتا ہے منظرِ دُنیــــــا
ہماـــرا ربط کسی جـــامِ جم سے بنتا ہے
ستارے چومنے آتے ہیں اُس کی مٹّی کو
جو راســـــتہ ترے نقشِ قدم سے بنتا ہے
خیالِ یار ہے ‘ کوزہ نہیں کہ تجھ سے بنے
یہ دل کی خاک سے ۔۔۔ آنکھوں کے نم سے بنتا ہے
( ریـاض رُومـــانیؔ )
