( غیــر مطبــوعــہ )
یہ فکر چھوڑ کہ آخر کہاں کشــادگی ہے
جہاں کُھلے کُھلے دل ہیں ‘ وہاں کشــادگی ہے
بُلائے تنگ لبی صِرف اپنے فرقے کو
اسے دماغ نہیں ہے’ اذاں کشــادگی ہے
خدا کرے کہ لب ِ شہر پر وہ دن آئے
یہ کہہ سکے کہ مِری داســـتاں کشِــادگی ہے
انھیں خبر ہے کہ رستے کہاں نکلتے ہیں
جنھیں سلیقہ ء عمرِ رواں کشــادگی ہے
اُدھر گریز ۔۔۔۔ جدھر احترام ذات نہیں
اِدھر ۔۔۔۔۔ قیام جدھر مہرباں کشــادگی ہے
کُھلے گا جلد یہ ناصـــرؔ علی رعایا پر
کہ شہر دل کا صحیح حُــکم راں کشــادگی ہے
( ناصِــرؔ عـلــی )
