( غیـــر مطبــوعــہ )
جنوں کی ایک رمَــق دل پذیردیکھتا ہوں
سو ‘ دشتِ قیس کی کوئی نظیر دیکھتا ہوں
مجھے ستارہءِ قسمت کو رہ سُجھانی ہے
میں اپنے دستِ ہنر کی لکیر دیکھتا ہوں
میں ڈھال دیکھ رہا تھا تو گر پڑا پھر بھی
سو ‘ اب کمان اٹھاتا ہوں’ تیر دیکھتا ہوں
خدا بنا ہوا دیکھوں کسی کو تو اک دم
میں سَر اٹھا کے بَہ سُوے بصیر دیکھتا ہوں !
رہے نہ ہاتھ سلامت بدن کے ساتھ تو اب
میں اپنے چاروں طرف دست گیر دیکھتا ہوں
رِہائی جِہل سے کچھ کچھ مِلی تو ہے’ لیکن
اب آگہی کا نفَس کو اسیر دیکھتا ہوں
غزل کی خاک کو چُھونے سے پیش تر’ اعظــمؔ !
وفورِ شوق سے دیوانِ میرؔ دیکھتا ہوں
( اِکـــرام اعظـــم )
