یارسول اللہﷺ
خیالِ غیر کو دل سے مٹادو یارسول اللہﷺ
خرد کو اپنا دیوانہ بنادو یارسول اللہﷺ
تجلی طور پر جس نور کی موسیٰ نے
دیکھی تھی
ہمیں بھی اک جھلک اس کی دکھادو یارسول اللہﷺ
علی آگاہ جس سے ہوکے بابِ علم کہلائے
وہ رازِ عشق ہم کو بھی بتادو یارسول اللہﷺ
حسین ابنِ علی کے صبر نے جس کے مزے لُوٹے
ہمیں بھی اس بلا کا حوصلہ دو یارسول اللہﷺ
تمنا ہے محبت کو لقاے غوث الاعظم کی
اسے بغداد کا رستہ دکھادو یارسول اللہﷺ
گرفتارانِ باطل ہیں طلب ہے حق نمائی کی
ہمیں عبدالصمد (1)سا رہنما دو یارسول اللہﷺ
…..
مولانا حسرت موہانی
