جلا دیتی ہیں جسم آہن کا مردہ کھال کی آہیں
….
”افقؔ لکھنوی “ کی برسی
13؍ستمبر 1913
نام منشی_دوارکا_پرشاد اور تخلص افقؔ تھا۔ 13؍جولائی 1864 کو لکھنؤ میں پیدا ہوئے۔افقؔ لکھنوی 13؍ستمبر 1913ء لکھنؤ میں انتقال کر گئے۔
منتخب کلام
…
عاشق بے سرو ساماں سے نہ تم اے مہرباں
رشتۂ الفت نہ توڑو عہد و پیماں کی طر ح
ساتھ غیروں کے نہایا جس گھڑی وہ بہر حسن
پھٹ گیا دریا کا دل عاشق کے داماں کی طرح
——
امیری آدمی کو عیش سے مجہول کرتی ہے
غریبی درگاہ ﷲ میں مقبول کرتی ہے
——
خودی اہل خودی کا آپ ہی سر توڑ دیتی ہے
خودی انسان کا منہ راہ ادب سے مو ڑ دیتی ہے
بنا دیتی ہے اندھا چشم باطن پھوڑ دیتی ہے
ڈبونے کے لیے کشتی بھنور میں چھوڑ دیتی ہے
——-
غضب ڈھاتی ہیں مظلوماں پریشان حالی کی آہیں
جلا دیتی ہیں جسم آہن کا مردہ کھال کی آہیں
——
گوہر انسان خوش گوہر کا ہے جوہر یہی
فخر کا تمغہ یہی ہے وقر کا زیور یہی
آدمیت آدمی کو زینہ معراج ہے
گر نہیں انسانیت کیا ہے جو سر پر تاج ہے
——
ہندوستاں گھر جہا ں پناہی کا ہے
ما تھے پر اسی کے فخر کا ٹیکہ ہے
عظمت کا ثبوت قدرتی ہے افقؔ
اوپر ہے ہند نیچے امریکہ ہے
——-
حوروں کی طبیعت اس پہ لوٹی دیکھی
وسعت میں بہشت اس سے چھو ٹی دیکھی
سر ہند سے ہو گیا فلک کا نیچا
جس وقت ہمالیہ کی چو ٹی دیکھی
…………………………
