مصطفیٰ ﷺ کر دیں شفاعت اور کیا پھر چاہیے مجھے
آپ ﷺ اگر کر دیں عنایئت اور کیا پھر چاہیے مجھے
میرے لب پر آپؐ کا ہو نام ہر پل یا نبی ﷺ
میں کروں ان ﷺ کی اطاعت اور کیا پھر چاہیے مجھے
آپﷺ کے روضے کا منظر ہو نظر کے سامنے
آپ ﷺ کی کر لوں زیارت اور کیا پھر چاہیے مجھے
میرا مسکن ہو مدینہ آپ ﷺ کا یا مصطفیٰ ﷺ
آپ ﷺ کی گر ہو رفاقت اور کیا پھر چاہیے مجھے
آپ محبوبِ خدا ﷺ ہیں آپ ﷺ دنیا کا سبب
آپ ﷺ سے بڑھ کر صداقت اور کیا پھر چاہیے مجھے
فرح شاہد
