نعت رسول مقبول ﷺ- ثمینہ سید
دل میں بسا کے رکھو الفت نبی کی لوگو
کار ثواب جانو مدحت نبی کی لوگو
تا حشر ان پہ کوئی مشکل نہیں پڑے گی
سب سے بڑی حقیقت نسبت نبی کی لوگو
دشت و جبل میں گونجیں پر اثر سی اذانیں
اک سنگ میل ٹھہری ہجرت نبی کی لوگو
بخشش کا اک وسیلہ کیا خوب مل گیا ہے
مجھکو جو مل گئی ہے نسبت نبی کی لوگو
چھاوُں میں ڈھل گئی ہے صحراوُں کی تپش بھی
دل میں لیے پھری یوں چاہت نبی کی لوگو
میں کیا کہوں ثمینہ شایان شان ان کے
تسلیم کی ہے سب نے عظمت نبی کی لوگو
