سرکاری ملازمین کورونا وائرس کا سبب بننے لگے پاکستان بھر میں دفعہ 144کے باوجود ٹینڈرز کی آڑ میں کورونا وائرس پھیلانے کی سازش
پوری دنیا میں کورونا وائرس کی وجہ سے لاک ڈاؤن لیکن پاکستان کے مختلف محکموں کے مفاد پرست افسروں نے کرونا وائرس کے باوجود اپنے من پسند کنٹریکٹرز کو نوازنے کے لئے ٹینڈرز پر ٹینڈرز لگانے شروع کر دئیے ۔ ڈویلپمنٹ کے ادارے لوکل گورنمنٹ اینڈ کمیونٹی ڈویلپمنٹ، پبلک ہیلتھ انجینئرنگ ونگ، سی اینڈ ڈبلیو، ڈویلپمنٹ اتھارٹی اور اسکے ذیلی ادارے، سمیت مختلف محکمے کورونا وائرس کے باوجود ٹینڈرز لگا رہے ہیں جس میں شرکت کے لئے ملک بھر سے کنٹریکٹرز اکھٹے ہوتے ہیں جو کورونا وائرس کے پھیلاؤ کا سب سے بڑا ذریعہ بن سکتے ہیں۔ اسکے باوجود اخبارات میں روزانہ درجنوں ٹینڈرز شائع ہورہے ہیں جو گورنمنٹ کی کورونا کی روک تھام کے اقدامات کی سنجیدگی پر ایک سوالیہ نشان ہے۔ پنجاب میں دفعہ 144 کے باوجود کمیشنرز آفس میں سینکڑوں کنٹریکٹرز ٹینڈرز کے لئے اکھٹے ہورہے ہیں اور حکومت کی ناک کے نیچے کورونا پھیلایا جارہا ہے۔