نہ کر بزمِ ساقی میں انکار واعظ بگڑ جائیں …

نہ کر بزمِ ساقی میں انکار واعظ
بگڑ جائیں گے رندِ مَے خوار واعظ

ملامت نہ کر دیکھ، بیکار واعظ
کہ ہے ترکِ مَے ہم سے دشوار واعظ

نہ قائل ہوئے تھے نہ ہوں گے نہ ہیں ہم
بڑھاتا ہے ناحق کو تکرار واعظ

نہ اُلجھے گا پھر ہم خراباتیوں سے
اگر کچھ بھی ہوگا سمجھ دار واعظ

یہ ظاہر کا سب زہد و تقویٰ ہے ﺣﺴﺮﺕؔ
حقیقت میں یاروں کا ہے یار واعظ

رئیس المتغزلین مولانا ﺣﺴﺮﺕؔ ﻣﻮﮨﺎﻧﯽ

از:-کُلّیاتِ حسرت موہانی ص ۱۸۰

اِنتِخاب
سفیدپوش