سنّور کے بزمِ اَزل میں جو زندگی آئی
قضا کے ہونٹوں پہ بے ساختہ ہنسی آئی
نہ دوستوں کی توجہ نہ دشمنوں کا ستم
نہ دوستی ہمیں آئی نہ دشمنی آئی
قضا کے خوف سے تو ہی نہ ہو سکا آزاد
ترے حضور تو سو بار زندگی آئی
کسی کا شام کا وعدہ ارے معاذ اللّٰه
جھجک جھجھک کے ستاروں میں روشنی آئی
جنوں سرشتِ بشر میں نہیں تو کیوں آخر
قضا پکڑ کے گریبانِ زندگی آئی
چمن میں گریہ، شبنم غلط سہی لیکن
سوال یہ ہے کہ پھولوں کو کیوں ہنسی آئی
سکوں ملا نہ جہانِ وجود میں زنہار
پلٹ پلٹ کے کئی بار زندگی آئی
نصیب عشق نہ ہوتا تو خام رہ جاتا
ملا جو درد تو احسانؔ بندگی آئی
احسانؔ دانش
از:شیرازہ ص ۲۰۲/۲۰۳
انتخاب
سفیدپوش
