عکسِ خیال

”اتنا معلوم ھے“ اپنے بستر پہ بہت دیر سے ، میں نیم…

”اتنا معلوم ھے“

اپنے بستر پہ بہت دیر سے ، میں نیم دراز
سوچتی تھی ، کہ وہ اِس وقت کہاں پر ھو گا ؟؟

میں یہاں ھُوں ، مگر اُس کوچہ رنگ و بُو میں
روز کی طرح سے ، وہ آج بھی آیا ھو گا
اور جب اُس نے ، وھاں مُجھ کو نہ پایا ھو گا
آپ کو عِلم ھے ، وہ آج نہیں آئی ھیں ؟
میری ھر دوست سے ، اُس نے یہی پُوچھا ھو گا

کیوں نہیں آئی وہ ، کیا بات ھُوئی ھے آخر ؟؟
خُود سے اِس بات پہ ، سو بار وہ اُلجھا ھو گا
کل وہ آئے گی تو ، میں اُس سے نہیں بولوں گا
آپ ھی آپ ، کئی بار وہ رُوٹھا ھو گا

وہ نہیں ھے تو ، بلندی کا سفر کتنا کٹھن
سیڑھیاں چڑھتے ھُوئے ، اُس نے یہ سوچا ھو گا
راھداری میں ، ھرے لان میں ، پھُولوں کے قریب
اُس نے ھر سمت ، مُجھے آن کے ڈھونڈا ھو گا

نام بھُولے سے ، جو میرا کہیں آیا ھو گا
غیر محسوس طریقے سے ، وہ چونکا ھو گا
ایک جملے کو ، کئی بار سُنایا ھو گا
بات کرتے ھُوئے ، سو بار وہ بھُولا ھو گا

یہ جو لڑکی نئی آئی ھے، کہیں وہ تو نہیں ؟؟
اُس نے ھر چہرہ ، یہی سوچ کے دیکھا ھو گا

جانِ محفل ھے ، مگر آج فقط میرے بغیر
ھائے کس درجہ ، وه بزم میں تنہا ھو گا
کبھی سناٹوں سے وحشت ، جو ھُوئی ھو گی اُسے
اُس نے بے ساختہ ، پھر مُجھ کو پُکارا ھو گا

چلتے چلتے ، کوئی مانوس سی آہٹ پا کر
دوستوں کو بھی ، کسی عُذر سے روکا ھو گا
یاد کر کے مجھے، نَم ھو گئی ھوں گی پلکیں
’’آنکھ میں پڑ گیا کچھ‘‘ کہہ کے یہ ٹالا ھو گا

اور گھبرا کے ، کتابوں میں جو لی ھو گئی پناہ
ھر سطر میں مرا چہرہ اُبھر آیا ھو گا
جب ملی ھو گی ، اُسے میری علالت کی خبر
اُس نے آھستہ سے ، دیوار کو تھاما ھو گا

سوچ کہ یہ ، کہ بہل جائے پریشانئ دل
یونہی بے وجہ کسی شخص کو روکا ھو گا.

اتفاقاً مجھے اُس شام ، میری دوست ملی
مَیں نے پُوچھا کہ سنو آئے تھے ، وہ کیسے تھے؟
مُجھ کو پُوچھا تھا ؟ مُجھے ڈھونڈا تھا؟ چاروں جانب؟

اُس نے اِک لمحے کو دیکھا مجھے ، اور پھر ھنس دی
اس ھنسی میں تو وہ تلخی تھی ، کہ اُس سے آگے
کیا کہا اُس نے ، مُجھے یاد نہیں ھے , لیکن.

اِتنا معلوم ھے ، خوابوں کا بَھرم ٹُوٹ گیا

”پروین شاکر“


بشکریہ
https://www.facebook.com/Inside.the.coffee.house

متعلقہ تحاریر

جواب دیں

Back to top button
تفکر ڈاٹ کام
situs judi online terpercaya idn poker AgenCuan merupakan salah satu situs slot gacor uang asli yang menggunakan deposit via ovo 10 ribu, untuk link daftar bisa klik http://faculty.washington.edu/sburden/avm/slot-dana/