تم نے موسم ، کئی دیکھے ھوں گے یہ بڑے دن ، کبھی چھو…

تم نے موسم ، کئی دیکھے ھوں گے
یہ بڑے دن ، کبھی چھوٹے ھوں گے

یاد کرتے ھیں ، جنہیں لوگ بہت
وہ بھی شاید ، تیرے جیسے ھوں گے

پتھروں میں بھی ، کبھی جاں ھو گی
یہ بھی ھنستے ، کبھی روتے ھوں گے

مفت احسان نہ لینا ، یارو
دل ابھی اور بھی ، سَستے ھوں گے

تیرا دامن تو ابھی ، اُجلا ھے
پھر میرے ھاتھ ھی ، میلے ھوں گے

رام ، اِس دُھوپ بھری دنیا میں
ایک دن پیڑ ، نہ پتے ھوں گے

”رام ریاض“

بشکریہ
https://www.facebook.com/Inside.the.coffee.house