مدح سرائی سرور کونینﷺ
_________________
پایا ہے جو سُرور بیانِ حضور ﷺمیں
شاید نہ مل سکے وہ شرابِ طہور میں
_________________
پایا ہے جو سُرور بیانِ حضور ﷺمیں
شاید نہ مل سکے وہ شرابِ طہور میں
جو لفظ بن کے میرے لبوں سے ہوئی طلوع
وہ شکل ازل سے تھی مرے تحت الشعور میں
پہلا جو تھا وہ نقشِ نبوّت انہی ؐ کا تھا
ہر چند سب سے بعد وہ آئے ظہور میں
اُس ارضِ پاک کے لئے بیکل ہوں اس قدر
سیماب سا بھرا ہے دلِ نا صبور میں
کرتا ہوں میں جو ظالم و جابر کا سامنا
شامل جلال اُنہی ؐکا ہے میرے غرور میں
جب اُنؐ کی نعت صفحہِ دل پر لکھی قتیلؔ
سوچاند جگمگائے حروف و سطور میں
(قتیل شفائی)
انتخاب :-: ابوالحسن علی ندوی
