” مناجات "
یا رب تیرے بندے ہیں دعا مانگ رہے ہیں
جو تیرا بنا دے وہ ادا مانگ رہے ہیں
ہے غم کی کڑی دھوپ میں سائے کی ضرورت
تجھ سے تیری رحمت کی گھٹا مانگ رہے ہیں
دے آج کے ظالم کے لئے زندگی ان کو
جو ظلم سے گھبرا کے قضا مانگ رہے ہیں
اسلام کا دشمن سے دفاع کیسے کریں ہم
پھر دبدبہء شیر خدا مانگ رہے ہیں
اغیار کو لے جائے جو تنکوں سا اڑا کر
ایمان کی طوفانی ہوا مانگ رہے ہیں
ہم پر یہ مصیبت کا زمانہ ہے الٰہی
پھر طاقت تسلیم و رضا مانگ رہے ہیں
(رضا جونپوری)
