( غیـر مطبوعہ )
دیوارِ جــاں کو نم سے الگ رکھ نہیں سکے ا
پنی خوشی کو غم سے الگ رکھ نہیں سکے .
کوشش کے باوجود بھی دشتِ خیــال میں
آہُـــو کو کارِ رم سے الگ رکھ نہیں سکے
جانے یہ واقعَــہ ہوا کیسے کہ تیرے غم
اس بار ہم کو ہم سے الگ رکھ نہیں سکے
چاہا تھ'ا گُل کِھلیں رہیں' بکھریں نہیں مگر
مـــوجِ ہوا کو خم سے الگ رکھ نہیں سکے .
نفرت تھی اُس کے جھوٹ سے اتنی ہمیں کہ ہم
اپنے حروف سَم سے الگ رکھ نہیں سکے
یہ تیرے جبر ، دار و رسن بھی ہمیں کبھی
انکارِ ہر سِــــــــتم سے الگ رکھ نہیں سکے
جانیں گے تیری راہ کے سود و زیاں وہ کیا
جو خود کو بیش و کم سے الگ رکھ نہیں سکے
سب اپنے کام کاج کو تیرے خیــــــــال سے
رکھنا تھا ایک دم سے الگ ، رکھ نہیں سکے
( خالد محمود ذکی )
— with Khalid Mehmood Zaki.
