( غیــر مطبــوعــہ )
نذر ِ سراجؔ اورنگ آبادی
تری آنکھ میں کوئی طاق تھا ' جہاں نیند میری دھری رہی
یہ ترا کرم مِرے مہرباں! مِری شــــاخِ خـــــواب ہری رہی
ترے لمس سے مِرا انگ انگ مہَک اٹھـــا ، میں سـنور گئی
مِری مانگ بھی کسی باغ سی کہ جو پھول پھول بھری رہی
کوئی ہاتھ تھا مِرے ہاتھ میں ' مَیں نے عمر جی لی تھی رات میں
کوئی خــواب تھا مِرا ہم ســـفر کہ مَیں جــــــاگنے سے ڈری رہی
مَیں نے جو بھی دیکھا وہ لکھ دیا، مَیں نے جو بھی سوچا وہ کہہ دیا
مِرے شِـــعر دل ســے پڑھے گئے، مِری بات سب سـے کھری رہی
وہ گئـے دنوں کا کمـــــــال تھـا،کہ کمــــــال پر بھـی زوال تھـا
مِری خاک ہی وہ رہی ہے اب ' نہ وہ تجھ میں کوزہ گری رہی
( ســـعـدیـہ صـــفدر ســـعـدیؔ !
— with Sadia Safdar Sadi.
