خواب ٹوٹے تو مری پلکوں پہ آئے سائے کس ط…

خواب ٹوٹے تو مری پلکوں پہ آئے سائے
کس طرح آج مری آنکھوں میں چھائے سائے

اس نے جو بات کہی میری تھی یا میری نہیں
اس کی آنکھوں میں مرے تھے نہ پرائے سائے

مجھ کو تنہائی کی آغوش میں ڈر لگتا ہے
جیسے بیٹھے ہوں میرے پاس میں سائے سائے

شام ڈھلتے ہی جلے آنکھ میں جگنو آنسو
اور زلفوں میں کہیں میں نے چھپائے سائے

جھیل کے پانی سے ہاتھوں میں اٹھایا تھا کنول
اس میں اک عکس بنا عکس میں پائے سائے

اس کے ہاتھوں میں دھنک رنگ تھے ظاہر ایسے
جس نے آکاش کے پردے میں بنائے سائے

میں بھی اک روز بدل جاؤں گی تمثیلؔ مگر
میری قسمت میں اگر کوئی نہ لائے سائے

تمثیلؔ حفصہ

مطبوعہ:-تسطیر۲،،۲۰۱۷

اِنتِخاب
سفیدپوش