ھر ایک دِن کے تصور سے ، رات بنتی ھے حصارِ رنگ سے ن…

ھر ایک دِن کے تصور سے ، رات بنتی ھے
حصارِ رنگ سے نکلیں تو ، بات بنتی ھے

کسی کسی کو زمانہ ، فروغ دیتا ھے
کسی کسی کی ، زمانے کے ساتھ بنتی ھے

نقوشِ ریگ سہی ، تُو بھی کچھ بنا کے تو دیکھ
کہ رفتہ رفتہ ، یونہی کائنات بنتی ھے

مرے نجوم پہ ، اب مستقل اندھیرا ھے
تری نگاہ میں ، کب چاند رات بنتی ھے

خلاء میں رام ، کئی بار غور سے دیکھا
کسی کی آنکھ ھی ، وجہِ ثبات بنتی ھے

”رام ریاض“

بشکریہ
https://www.facebook.com/Inside.the.coffee.house