( غیــر مطبــوعــہ )
ہر اِک پہ نہيں کُھلتیں ‘ مناجـــات ہماری
مجبوری سمَجھتے ہیں’ یہ سادات ہماری
دیوار سے آگے بھی تو دیوار سا کچھ ہے
تم تکـــ بھی پہنُـچتی ہے اگر بات ہماری
اِس شہرِ فراموش میں کیا اِتنا بھی کم ہے
اب تک جو اِسے یاد ہے ‘ اُوقــات ہماری
یہ روشنی گَر ہے تو ‘ نہيں چاہیے ہم کو
اِس دن سے تو اچّھی ہے کہیں ‘ رات ہماری
صحرا ہو کوئی’خواب سراے ہو’ کہ دل ہو !
اب جاے اَماں ہیں ‘ یہی باغـــــــات ہماری
تجھ کو نہيں معلوم ‘ تو پھر کِس کو ہے معلوم
کِس کِس نے بگاڑی ہیں ‘ یہ عادات ہماری
اِس دولت ِ غم نے تو کہیں کا نہيں چھوڑا
اب خود کو بھی لگتی نہيں’ خیرات ہماری
ہم زندہ فروشوں کے قبیلے سے ہیں’ عـامـیؔ !
اور اصــــل کمائی ہیں ‘ مـــــزارات ہماری
( عِمــــران عــامــیؔ )
