"اُردُو زبان”
ندی کا موڑ چشمہء شیریں کا زیر و بم
چادر شبِ نُجُوم کی شبنم کا رختِ نم
موتی کی آب گُل کی مَہک ماہء نو کا خم
اِن سب کے اِمتِزاج سے پیدا ہُوئ ہے تُو
کِتنے حسیں اُفُق سے ہُوَیدا ہُوئ ہے تُو
لہجہ ملیح ہے کہ نمک خوار ہُوں تیرا
صحت زباں میں ہے کہ بیمار ہُوں تیرا
آزاد شعر ہُوں کہ گرفتار ہُوں تیرا
تیرے کرم سے شعر و سُخن کا اِمام ہُوں
شاہوں پہ خندہ زن ہُوں کہ تیرا غُلام ہُوں۔۔۔!
جوشؔ ملیح آبادی
