۔۔۔۔۔۔۔۔۔۔۔
یہ آگ دور کہیں دشت میں لگی ہے مگر
ہمارے شہر سے ہوکر دھواں گزرتا ہے
۔۔۔۔۔۔۔۔۔۔۔۔
تم نے اک شاعر کو لڑکی، اتنی دیر اداس رکھا
لوٹا دو اس کے آئینے، واپس کر دو پھول مرا
۔۔۔۔۔۔۔۔۔۔۔
گهر سے نکلا تو ملاقات ہوئی پانی سے
کہاں ملتی ہے خوشی اتنی فراوانی سے
۔۔۔۔۔۔۔۔۔۔۔
شہزادی تجھے کون بتائے تیرے چراغ کدے تک
کتنی محرابیں پڑتی ھیں ، کتنے در آتے ھیں ۔۔ !
۔۔۔۔۔۔۔۔۔۔۔۔۔
قسم ھے آگ اور پانی کی
موت اچھی ھے بس جوانی کی
۔۔۔۔۔۔۔۔۔۔۔۔
موت کے درندے میں اک کشش تو ھے ثروت
لوگ کچھ بھی کہتے ھوں خود کشی کے بارے میں
۔۔۔۔۔۔۔۔۔۔۔
بھر جائیں گے جب زخم تو آؤں گا دوبارہ
میں ہار گیا جنگ ، مگر دل نہیں ہارا
۔۔۔۔۔۔۔۔۔۔۔۔
ثروت مری تنہائی کا نابینا کبوتر
اس بام تلک کون سی تدبیر سے پہونچا
۔۔۔۔۔۔۔۔۔۔۔۔۔
میں سو رہا تھا اور مری خوابگاہ میں
اک اژدہا چراغ کی لَو کو نگل گیا
۔۔۔۔۔۔۔۔۔۔۔۔۔۔
آتشِ رنگ سے دہکی ہوئی شہزادی کو
ہاتھ میں پھول لیے نیند میں چلتے دیکھا
آگ ہی آگ ہے سیارے پہ لیکن ہم نے
شاخِ زیتون، تجھے پھولتے پھلتے دیکھا
۔۔۔۔۔۔۔۔۔۔۔
شہزادی ترے ماتھے پر یہ زخم رہے گا
لیکن اس کو چومنے والا پھر نہیں ہوگا
۔۔۔۔۔۔۔۔۔۔۔۔۔۔۔
میں اپنی جلاوطنی کے پچیس برس
پنکھڑیوں اور تیتریوں کے ساتھ رہا
۔۔۔۔۔۔۔۔۔۔۔۔۔۔
عمر-یک روز کم نہیں ثروت ،
کیوں تلاش-دوام کرنے لگا.
۔۔۔۔۔۔۔۔۔۔۔۔۔
راہ کے پیڑ بھی فریاد کیا کرتے ہیں
جانے والوں کو بہت یاد کیا کرتے ہیں
پھُول جھڑتے ہیں شفق فام ترے ہونٹوں سے
ایسی باتیں تو پری زاد کیا کرتے ہیں
۔۔۔۔۔۔۔۔۔۔
زمین بیٹھتی جاتی ہے اور اک حصہ
جہاں پہ پاؤں ہیں میرے وہاں سے اونچا ہے
۔۔۔۔۔۔۔۔۔۔۔
خوش لباسی ہے بڑی چیز مگر کیا کیجے،
کام اس پل ہے ترے جسم کی عریانی سے.
۔۔۔۔۔۔۔۔۔۔۔
ﺛﺮﻭﺕؔ ﺗﻢ ﺍﭘﻨﮯ ﻟﻮﮔﻮﮞ ﺳﮯ — ﯾﻮﮞ ﻣﻠﺘﮯ ﮨﻮ
ﺟﯿﺴﮯ ﺍﻥ ﻟﻮﮔﻮﮞ ﺳﮯ ﻣﻠﻨﺎ ﭘﮭﺮ ﻧﮩﯿﮟ ﮨﻮ ﮔﺎ
۔۔۔۔۔۔۔۔۔۔۔۔
انہی گلیوں …انہی لوگوں سے ہوں بیزار مگر
پالنے والا انہیں خرم و شاداب رکهے …!
۔۔۔۔۔۔۔۔۔۔۔۔۔
دروازے پر آہٹ سی محسوس ہوئی
کمرے میں اک سایہ ابھرا ڈوب گیا
۔۔۔۔۔۔۔۔۔۔۔
دیکھی بھالی ہوئی ہر چیز یہاں لگتی ہے
دیکھنا یہ ہے، مری آنکھ کہاں لگتی ہے
۔۔۔۔۔۔۔۔۔۔۔۔۔
