شکســتگی کا سفر رایگاں نہ ہونے پائے
گِریں بھی ہم تو کسی کو گُماں نہ ہونے پائے
گِریں بھی ہم تو کسی کو گُماں نہ ہونے پائے
ہَوا چلے تو کِھلیں اور داغِ ہجر کے پُھول
سفینہ درد کا بے باد باں نہ ہونے پائے
بھری ہُوئی تھی سَروں میں وہ خود سَری کی ہَوا
قدم شریکِ رہِ ہم رَہاں نہ ہونے پائے
لہُو سے تر نہ کرو ۔۔ اَور تن کی مٹّی کو
خمیدہ اور یہ دیوارِ جاں نہ ہونے پائے
یہ اُس کا آخری خط بھی سنبھال کر رکھنا
چُھپا کے سب سے الگ ‘ داستاں نہ ہونے پائے
اثر دعا کا رہا سَر پہ سائباں کی طرح
ہزار شُکر کہ بے آسماں نہ ہونے پائے
اب اِس کے بعد ۔۔۔۔ ورَق اور اک سیاہ کریں
کریں بھی کیا جو غمِ جاں بیاں نہ ہونے پائے
( تــوصِــیـفــــــــ تبسُّــــمؔ )
