کتاب ۔ کلیاتِ شیفتہ
غزل نمبر ۱۲۵ ، صفحہ ۱۱۵
( خیال تھے اثرِ جذبِ دل سے کیا کیا آج
ھزار خونِ ھوس گردنِ حنا پر ھے )
وہاں پہنچنے کی منت دمِ صبا پر ہے
کہ شوق سے مرے خط کے لیے ھوا ، پر ہے
عدو کو آگے مرے مسکرا کے ذبح نہ کر
کہ میری مرگ بھی موقوف اسی ادا پر ہے
مرض ھو جس کے سبب سے غضب ھے وہ یہ کہے
جیے جیے ، نہ جیے ، زور کیا قضا پر ہے
رقیب کہتے ھیں اس جور پر نباھتے ھو
قیامت آئی کہ تشنیع اب وفا پر ھے
خفا ہوئے ھیں عدو اپنی ھی بری خو سے
تجھے گمانِ بد اے بد گماں حیا پر ھے
خیال تھے اثرِ جذبِ دل سے کیا کیا آج
ھزار خونِ ھوس گردنِ حنا پر ھے
رقیب سے ھے جفاےٓ حبیب کا شکوہ
تو آپ شیفتہ ، اے شیفتہؔ جفا پر ھے
عدو ۔ دشمن ۔ مخالف ۔۔۔۔۔ تشنیع ۔ طعنہ۔ ملامت ۔ برا بھلا کہنے کا عمل ۔۔۔۔۔۔ خو ۔ سرشت ۔ فطرت ۔ مزاج ۔۔۔۔ شیفتہ ۔ عاشق ۔ فریفتہ ۔ دلدادہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔””””
