August 18, 1985
تاریخ پیدائش : 31 جنوری 1933ء
تاریخ وفات : 18 اگست 1985ء
شاذ تمکنت جدید اردو غزل کا ایک معتبر حوالہ ھیں ۔ آپ کا اصل نام ڈاکٹر سید مصلح الدین ھے ۔ آپ حیدر آباد ( آندھرا پردیش ) میں 31 جنوری 1933ء کو پیدا ھوئے ۔ آپ نے عثمانیہ یونیورسٹی حیدرآباد سے پی ایچ ڈی کیا ۔ جدید اردو شاعری میں شاذ تمكنت اپنے وقت کے مشہور شاعروں میں خود کو درج کرواچکے ہیں . دكھن کے نامی گرامی شعرائے کرام میں شاذ کا شمار ہوتا ہے . روایتی اور جدید شاعری کے درمیان جس پل کی تعمیر شاذ تمكنت نے کی وہ خود میں ایک دور کاآئینہ دار ہے . ان کی غزلوں اور نظموں میں جہاں ذاتی زندگی کے دکھ درد ظاہر ہیں، وہیں ان کا دکھ زمانہ کاعممومی طور پر تجربہ کرتا ہے .
آپ کا انتقال حیدر آباد ( آندھرا پردیش ) میں 18 اگست 1985ء کو ھوا ۔
٭٭٭٭٭٭٭٭٭
کتابیات ۔۔۔۔۔۔۔۔
کلیاتِ شاذ ۔دہلی،ایجوکیشنل پبلشنگ ہاؤس،2004ء، 567 ص (کلیات)
ورق انتخاب ۔حیدرآباد،حسامی بُک ڈپو ،1981ء ، 188 ص (انتخاب)
تراشیدہ ، بیاضِ شام اور نیم خواب کا انتخاب
بیاضِ شام (1974ء) شاعری
نیم خواب (1977ء) شاعری
تراشیدہ ۔حیدرآباد،نیشنل بُک ڈپو، ص 216 (شاعری)
٭٭٭٭٭٭٭٭٭
منتخب کلام ۔۔۔۔۔۔۔
سمٹ سمٹ سی گئی تھی زمیں کدھر جاتا
میں اس کو بھولتا جاتا ھوں ورنہ مر جاتا
میں اپنی راکھ کریدوں تو تیری یاد آئے
نہ آئی تیری صدا ورنہ میں بکھر جاتا
تری خوشی نے مرا حوصلہ نہیں دیکھا
ارے میں اپنی محبت سے بھی مکر جاتا
کل اس کے ساتھ ھی سب راستے روانہ ھوئے
میں آج گھر سے نکلتا تو کس کے گھر جاتا
میں کب سے ھاتھ میں کاسہ لئیے کھڑا ھوں شاذ
اگر یہ زخم ھی ھوتا تو کب کا بھر چکا ھوتا
۔۔۔۔۔۔۔۔۔
مرا ضمیر بہت ھے مجھے سزا کے لئے
تو دوست ھے تو نصیحت نہ کر خدا کے لئے
وہ کشتیاں مری پتوار جن کے ٹوٹ گئے
وہ بادباں جو ترستے رھے ھوا کے لئے
بس ایک ھوک سی دل سے اٹھے گھٹا کی طرح
کہ حرف و صوت ضروری نہیں دعا کے لئے
جہاں میں رہ کے جہاں سے برابری کی یہ چوٹ
اک امتحان مسلسل مری انا کے لئے
نمیدہ خو ھے یہ مٹی ھر ایک موسم میں
زمینِ دل ھے ترستی نہیں گھٹا کے لئے
میں تیرا دوست ھوں تو مجھ سے اس طرح تو نہ مل
برت یہ رسم کسی صورت آشنا کیلئے
ملوں گا خاک میں اک روز بیج کے مانند
فنا پکار رھی ھے مجھے بقا کیلئے
مہ و ستارہ و خورشید و چرخ ھفت اقلیم
یہ اھتمام مرے دستِ نارسا کے لئے
جفا جفا ھی اگر ھے تو رنج کیا ھو شاذ
وفا کی پشت پناھی بھی ھو جفا کے لئے
۔۔۔۔۔۔۔۔۔
نہ جانے کون سے عالم ميں اس کو ديکھا تھا
تمام عمر وہ عالم رہا ہے آنکھوں ميں
۔۔۔۔۔۔۔۔۔۔۔۔۔
کل اس کے ساتھ ہي سب راستے روانہ ہوئے
ميں آج گھر سے نکلتا تو کس کے گھر جاتا
۔۔۔۔۔۔۔۔۔۔۔
ہر صبح سب سے پوچھتے پھرتے ہيں ہم کہ آج
بندے ہيں کون؟ کس کو خدا مانتے ہيں لوگ
۔۔۔۔۔۔۔۔۔۔۔۔
ميں يہ کہتا ہو کہ مجھ سا نہيں تنہا کوئي
آپ چاہيں تو ميري بات ميں ترميم کرليں
۔۔۔۔۔۔۔۔۔۔۔
کوئي گلہ کوئی شکوہ ذرا رہے تم سے
يہ آرزو ہے کہ اک سلسلہ رہے تم سے
۔۔۔۔۔۔۔۔۔۔۔
کيا قيامت ہے مجھے حوصلہ ضبط ہے شاذ
کيا غضب ہے کہ ترے درد کا اندازہ ہے
۔۔۔۔۔۔۔۔۔۔
يہ جہاں ہے مجلس بے اماں کوئي سانس لے تو بھلا کہاں
ترا حسن آگيا درمياں يہي زندگي کا جواز ہے
۔۔۔۔۔۔۔۔۔۔۔
ميں جسے ديکھنا چاہوں وہ نظر نہ آسکے
ہائے ان آنکھوں پہ کيوں تہمتِ بينائي ہے
۔۔۔۔۔۔۔۔۔۔۔
اے ارض و سما تجھ ميں دل بن کے دھڑکتے ہيں
کچھ يونہي نہيں ہم کو آداب ِغزل آئے
۔۔۔۔۔۔۔۔۔۔۔
يوں بھي کچھ دن کيلے دور رہا ہوں تجھ سے
ليکن اس بار سفر کي يہ تھکن اور ہي ہے
۔۔۔۔۔۔۔۔۔۔۔
کچھ دير رو بھي لے ، طبعيت بحال ہو
کيا سوچنے سے فائدہ کيوں سوچتا ہے پھر
۔۔۔۔۔۔۔۔۔۔۔
ذرا سي بات تھي بات آگئي جدائي تک
ہنسي نے چھوڑ ديا لا کے جگ ہنسائي تک
بھلے سے اب کوئي تيري بھلائي گنوائے
کہ ميں نے چاہا تھا تجھ کو تری برائی تک
۔۔۔۔۔۔۔۔۔۔۔۔
پھر کوئي آئے جسے ٹوٹ کے چاہا جائے
ہميں ايک عمر ہوئي ہے کف افسوس ملے
۔۔۔۔۔۔۔۔۔۔۔۔
خدا نہيں ہے تو کيا ہے ہمارے سينوں ميں
وہ اک کھٹک سي جسے ہم ضمير کہتے ہيں
٭٭٭٭٭٭٭٭٭٭٭٭٭
