ہم راہ (زویا حسن) قسط نمبر 16 ____________________…

ہم راہ (زویا حسن)
قسط نمبر 16
______________________

میں سوچوں میں ڈوبی ۔۔۔ ٹہلتی رہی۔۔۔ اچانک میری نظر چھت پہ پڑی۔۔۔ کوئی سگریٹ سلگائے چھت کے کونے میں کھڑا تھا۔۔۔۔ بھائی تو سگریٹ پیتے نہیں ہیں یہ احمر ہی ہے۔۔۔۔۔ میں نے موقع غنیمت جانا اور چھت کی طرف لپکی۔۔۔۔۔
اسکی پشت میری جانب تھی۔۔۔ میں آہستہ آہستہ قدم اٹھاتی اسکی طرف بڑھنے لگی۔۔۔۔
"احمر۔۔۔۔۔ !” میں نے اسے پاس جا کے آواز دی۔۔۔۔
وہ پیچھے مڑا۔۔۔۔۔ چاندنی رات میں اسکی بڑی بڑی آنکھیں اور زیادہ چمکنے لگی تھیں۔۔۔
اسکے چہرے پہ ہلکی سی مسکراہٹ پھیل گئی۔۔۔۔ مجھے غصہ آگیا
"تم سمجھتے کیا ہو خود کو۔۔۔۔؟”
وہ خاموش رہا
"جو تم چاہتے ہو وہ کبھی نہیں ہوگا۔۔۔۔۔۔ سمجھے تم۔۔۔؟” میں چلانے لگی
"کیا چاہتا ہوں۔۔۔۔۔” وہ میرے قریب آ کے بولا
"جس مقصد کے تحت تم یہاں آئے ہو۔۔۔ وہ کبھی پورا نہیں ہوگا۔۔۔”
"کیسا مقصد۔۔۔۔؟”
"تم ۔۔۔۔ میرا ہاتھ مانگنے آئے ہو۔۔۔۔۔ مجھے پتا چل چکا ہے”
میری اس بات پہ وہ ہنس پڑا
"ہنس کیوں رہے ہو۔۔۔۔۔؟” میں تلملا گئی
"کیوں ۔۔۔ ہنسنے پہ پابندی ہے کیا۔۔۔۔؟”
"تمہارے لیے یہ سب ایک کھیل تماشہ ہے۔۔۔۔؟”
"نہیں ۔۔ بالکل نہیں ۔۔۔۔ ” وہ سنجیدہ ہوگیا
"تو ۔۔۔۔ کیا ہے یہ سب۔۔۔؟”
"دیکھو۔۔۔۔ میں تم سے شادی کرنا چاہتا ہوں۔۔۔ امّی کو بھی تم پسند ہو۔۔۔ بچے بھی تمہارے ساتھ گھل مل گئے ہیں۔۔” وہ بتانے لگا
"واہ۔۔۔۔ احمر۔۔۔۔ صاحب۔۔۔ کمال ہے ۔۔۔” میں نے تالی بجاتے ہوئے کہا
وہ چپ ہوگیا
"جب دل کیا۔۔۔ ٹھوکر مار دی اور جب دل کیا سر پہ سجا لیا۔۔۔۔۔ سمجھتے کیا ہو تم مجھے۔۔۔؟ تمہارے لیے ایک کھلونا ہوں میں۔۔۔؟” میں شدید غصے میں تھی
"ارسہ۔۔۔۔ ! میں اس دن کے لیے شرمندہ ہوں۔۔۔۔ صورت حال ہی کچھ ایسی بن گئی تھی۔۔۔ میں اپنا غصہ کنٹرول نہیں کر پایا” وہ میرے پاس آنے لگا
"دور۔۔۔ رہو مجھ سے۔۔۔۔۔ میرے دل میں تمہارے لیے اب کوئی جگہ نہیں ہے۔۔۔۔ پلیز۔۔۔۔ چلے جاؤ یہاں سے۔۔۔۔” میں نے اسے ہاتھ کے اشارے سے روکا
"میری بات سمجھنے کی کوشش کرو۔۔۔۔ میں جانتا ہوں تم مجھ سے پیار کرتی ہو۔۔۔۔”
” غلطی فہمی تھی میری۔۔۔۔ مجھے آج بھی افسوس ہوتا ہے کہ میں نے تم سے اپنی محبت کا اظہار کیا۔۔۔۔” میں دوسری طرف مڑی
"پلیز۔۔۔ غصہ تھوک دو۔۔۔۔ میں نے جو کیا وہ غلط تھا۔۔۔ پر اب جو تم کررہی ہو وہ بھی غلط ہے۔۔۔۔ دیکھو۔۔۔ میں تم سے پیار ۔۔۔” وہ کہتے کہتے رک گیا
"پیار۔۔۔۔۔۔؟ پیار کا مطلب بھی سمجھتے ہو تم۔۔۔؟” میں غصے میں اسکی طرف مڑی
اس نے سر جھکا لیا۔۔
"مسٹر احمر۔۔۔ ! رشتے بھروسے کی بنیاد پہ قائم رہیتے ہیں۔۔۔ جہاں بھروسہ نہیں ہوتا۔۔۔ وہاں جذبات بے مطلب ہیں۔۔۔” میں بولنے لگی
"میں تمہاری ہر بات سے متفق ہوں۔۔۔۔ مجھے بس ایک سوال کا جواب دے دو۔۔۔” وہ میری آنکھوں میں دیکھ کے بولا
میں نے کوئی جواب نہیں دیا
"تم اگر مجھے کسی اجنبی لڑکی کے ساتھ قہقہے لگاتے ہوئے۔۔۔۔ اسکے اتنا قریب دیکھو تو تمہارے جذبات کیا ہوں گے۔۔۔؟” وہ کہنے لگا
"تمہارا غصہ۔۔۔ دکھ۔۔۔ اور تمہارے جذبات۔۔۔ میں ہر چیز کو مانتی ہوں لیکن۔۔۔۔ میں تمہیں ایک بار ضرور سنتی۔۔۔ صفائی مانگتی۔۔۔ ایک موقع ضررو دیتی۔۔۔ پر ۔۔۔ تم۔۔۔ تم نے کیا کیا۔۔۔۔؟” میری آنکھیں نم ہونے لگی
"ارسہ۔۔۔ ! جو بھی ہوا۔۔۔ وہ سب بھول جاؤ۔۔۔۔ ایک نئی شروعات کرتے ہیں۔۔۔۔”
"بھول جاؤں۔۔۔۔۔؟ وہ درد جو میں نے اتنے دن تک برداشت کیا۔۔۔ وہ بھول جاؤں۔۔۔ میری وہ سسکیاں۔۔۔ آہیں۔۔۔۔ سب بھول جاؤں۔۔۔۔۔”
وہ میرے قریب آیا۔۔۔ میرے کندھوں پہ اپنے ہاتھ رکھ دیے۔۔۔۔ میں نے اسکے ہاتھ جھٹک دیے
"احمر۔۔۔ ! دور رہو مجھ سے۔۔۔۔۔ مجھے چھونے کا حق تم کھو چکے ہو۔۔۔۔۔”
"پلیز۔۔۔۔ ارسہ۔۔۔۔ بس کردو۔۔۔۔ ” وہ اپنے گھٹنوں پہ میرے سامنے بیٹھ گیا
"میں تم سے بہت پیار کرتا ہوں۔۔۔۔ میری ایک غلطی کی سزا تم ہم دونوں کو دے رہی ہو۔۔۔ مت کرو ایسا۔۔ پلیز” اس نے دونوں ہاتھ جوڑ دیے
"اب بہت دیر ہوچکی ہے۔۔۔۔۔ ” میں پیچھے ہٹی
"کوئی دیر نہیں ہوئی۔۔۔۔ اب بھی سب کچھ تمہارے ہاتھ میں ہے۔۔” وہ کھڑا ہوگیا
"میرا رشتہ پکا ہوگیا ہے۔۔۔۔”
"واٹ۔۔۔۔۔۔! کب ؟”
"دو دن پہلے۔۔۔۔۔ یو نو واٹ۔۔۔۔۔ کس سے رشتہ ہوا ہے۔۔؟”
"کس سے۔۔۔۔۔؟” اسکے چہرے پہ انتہائی سنجیدگی تھی
"ڈاکٹر حمزہ۔۔۔۔۔ ! وہی ڈاکٹر جس کے ساتھ تم نے مجھے دیکھا تھا۔۔۔”
"آئی کانٹ بلیوو دس۔۔۔۔۔۔ تم مذاق کررہی ہو۔۔۔”
"میں مذاق نہیں کررہی۔۔۔۔ ڈاکٹر حمزہ میری تایا زاد بہن کا سسرالی رشتہ دار ہے۔۔۔ ”
” تم نے ہاں کردی ۔۔۔؟”
"ہاں۔۔۔۔ میں نے ہاں کردی۔۔۔۔” میں نظریں چرانے لگی۔۔۔
"کیوں کررہی ہو یہ سب۔۔۔۔۔۔ میں جانتا ہوں تم مجھ سے پیار کرتی ہو۔۔۔”
میں اسے کوئی جواب دیے بنا ہی واپس پلٹی۔۔۔
"ارسہ۔۔۔۔ !” اس نے آواز دی
میں نے پھر بھی کوئی جواب نہیں دیا
وہ میری طرف لپکا۔۔۔۔اور ایک جھٹکے سے میرا بازو پکڑا۔۔۔ اور پوری طرح سے گھما کے اپنی طرف موڑا۔۔۔۔ اسکا دوسرا ہاتھ میری کمر پہ تھا۔۔۔۔
"تم ایسا نہیں کرسکتی۔۔۔۔۔” اسکی آنکھوں سے پھر آگ برسنے لگی
"کیوں۔۔۔۔ ہمیشہ سب تمہاری مرضی سے ہوگا۔۔۔۔؟ چھوڑ و مجھے” میں اپنے آپکو چھڑانے لگی
اس نے مجھے مزید اپنے قریب کیا
"تم میری ہو۔۔۔۔ سمجھی۔۔۔۔ ؟”
"نہیں۔۔۔ اب نہیں۔۔۔۔۔”
"ہمیشہ۔۔۔ ہمیشہ میری رہو گی۔۔۔۔”
"نہیں۔۔۔ احمر۔۔۔۔ بھول جاؤ۔۔۔”
” شادی تو میں تم سے ہی کروں گا۔۔۔۔”
"ایسا کبھی نہیں ہوگا۔۔۔۔۔ چھوڑو مجھے۔۔۔۔”
"پچھتاؤ گی۔۔۔۔۔۔ ”
"پہلے ہی پچھتا رہی ہوں۔۔۔ تم سے پیار کرکے۔۔۔”
"مت ۔۔۔کرو ایسا۔۔۔۔۔” اسکی آنکھوں میں آنسو چمکنے لگے
اسکی ہاتھ کی گرفت کم پڑی تو میں نے پوری قوّت سے اسے خود سے الگ کیا
میں سیڑھیوں کی طرف بڑھی۔۔۔
چند قدم چلنے کے بعد میں نے مڑ کے اسکی طرف دیکھا۔۔۔ وہ اپنی جگہ ساکت کھڑا تھا۔۔۔
"احمر۔۔۔۔ ! اپنے طریقے سے ساجدہ آنٹی کو سمجھا دینا۔۔۔ میں نہیں چاہتی کہ میرے منہ سے انکار سن کے انکا دل ٹوٹ جائے۔۔۔”
میں نیچے اپنے کمرے میں آگئی۔۔۔۔ بخار کا زور بھڑنے لگا۔۔۔ میرا جسم تپ رہا تھا۔۔۔ سوچوں میں ڈوبے کب جانے آنکھ لگ گئی
ـــــــــــــــــــــــــــــــــــــــــــ
"اٹھو بیٹا۔۔۔۔ ! دس بج رہے ہیں۔۔۔” امّی کی آواز پہ میری آنکھ کھلی
میں نے اپنے آس پاس دیکھا پَری اور نومی نہیں تھے۔۔
"امّی ۔۔۔ ! بچے کہاں گئے ؟” میں نے حیران ہوکے پوچھا
"وہ لوگ تو صبح صبح ہی چلےگئے تھے۔۔۔۔” انھوں نے بتایا
میں اٹھ بیٹھی۔۔۔۔
"میں نے کہیں کچھ غلط تو نہیں کردیا۔۔۔” میں اپنے آپ سے بولی
"جو بھی ہو۔۔۔۔ احمر۔۔۔ نے میرے ساتھ جو کچھ کیا میں اسے بھول نہیں سکتی۔۔۔۔ جو ہوا اچھا ہی ہوا” میں خود کو تسلیاں دینے لگی
ناشتہ کرنے کے بعد میں نے امّی سے پوچھا کہ ساجدہ آنٹی نے رشتے کے حوالے سے کیا بات کی تو انکا جواب میرے لیے حیران کن تھا۔
"انھوں نے رشتے کے بارے میں بالکل کوئی تذکرہ نہیں کیا۔ تمہاری خالہ کا صبح فون آیا تھا وہ کہہ رہی تھیں کہ ابھی اس بارے میں خاموشی اختیار کرو”
میں سمجھ گئی کہ شائد احمر نے اپنے طریقے سے سب کچھ سنبھال لیا ہے۔۔۔
ـــــــــــــــــــــــــــــــــــــــــ
لگ بھگ ایک مہینہ گزر چکا تھا۔ لیکن ابھی تک میں حمزہ کے بارے میں بالکل کوئی فیصلہ نہیں کر پائی۔ حالانکہ کافی بار میری اس سے بات ہوئی لیکن نہ تو اس نے مجھ سے جواب مانگا اور نہ ہی میں نے اس متعلق کوئی بات کی۔ صوبیہ آپی کی طرف سے بھی خاموشی چھا گئی۔ امّی اور بھائی نے یہ فیصلہ میرے اوپر چھوڑ دیا تھا۔ اور میں تھی کہ احمر کے سحر سے ابھی تک باہر نہیں آسکی تھی۔ نہ تو میں اسکے پاس جانا تھی اور نہ ہی اس دور رہ پا رہی تھی۔ ایک عجیب ہی کشمکش سے دو چار تھی۔ صحیح راستہ نظر نہیں آرہا تھا۔ ۔۔ میں نے بھی سب کی طرح چپ سادھ لی۔۔۔
موسم کے اثر کی وجہ سے امّی کی طبیعت ٹھیک نہیں تھی۔۔ بھائی انھیں ڈاکٹر کے پاس لے گئے۔ ملازمہ گھر کا سامان لینے مارکیٹ گئی تھی۔ میں بالکل اکیلی تھی۔ ٹی وی آن کیا اور چینل آگے پیچھے کرنے لگی۔ مجھے مدیحہ کا کی کال آئی۔۔۔
"ارسہ۔۔۔ ! مجھے تم سے کچھ ضروری بات کرنی ہے۔۔۔” وہ پریشان لگ رہی تھی۔۔
"سب خیریت تو ہے نا۔۔۔۔؟” میں نے پوچھا؎
"عجیب سی صورت حال ہے۔۔۔ میں تو سمجھنے سے قاصر ہوں۔۔۔” وہ بولی
"ہوا کیا ہے۔۔۔۔ بتاؤ تو سہی۔۔۔”
"ارسہ۔۔۔ ! کل ساجدہ آنٹی ہمارے گھر آئی تھیں۔۔۔”
"اچھا۔۔۔۔ تو۔۔۔ اس میں پریشانی کی کیا بات ہے۔۔۔؟”
"پریشانی انکے آنے سے نہیں ہے۔۔۔ بلکہ جس مقصد کے تحت وہ آئیں اس سے ہے۔۔۔”
"کیا مطلب میں سمجھی نہیں۔۔۔۔۔”
"انھوں نے احمر کے لیے میرا ہاتھ مانگا ہے۔۔۔۔” وہ بولی
"واٹ۔۔۔۔۔” ایک پل کے لیے تو میرے چھکے چھوٹ گئے۔۔۔
"یس۔۔۔۔ !”
میں خاموش ہوگئی۔۔۔۔ یہ کیا کیا احمر نے۔۔۔۔ میں الجھ سی گئی۔۔ لیکن میں اپنی پریشانی مدیحہ پہ ظاہر نہیں کرنا چاہتی تھی۔
"تو ۔۔۔ تم پریشان کیوں ہو۔۔۔؟” میں نے اس سے پوچھا
"ارسہ۔۔۔ ! میں بہت اچھی طرح سے جانتی ہوں۔۔۔ احمر اور تم ایکدوسرے سے پیار کرتے ہو۔۔۔”
"یار۔۔۔ ! ایسا کچھ نہیں ہے۔۔۔۔ تمہیں غلط فہمی ہوئی ہے۔۔۔۔ ” میں نے اسے سمجھایا
"کم آن ارسہ۔۔۔ ڈونٹ میک می فول۔۔” وہ بولی
"میں سچ کہہ رہی ہوں۔۔۔ پر تمہاری پریشانی کی وجہ میں سمجھ نہیں پا رہی۔۔۔ تم تو فہیم کو پسند کرتی ہو نا۔۔؟” میں پوچھنے لگی
"ہاں۔۔۔ لیکن۔۔۔۔” وہ سوچ میں پڑ گئی
اس کے "لیکن” پہ میرے کان کھڑے ہوگئے
"لیکن کیا ۔۔۔۔؟”
"تم تو جانتی ہو۔۔ فہیم کے ساتھ میری شادی نہیں ہوسکتی۔۔۔ فیملی کلیشز کی وجہ سے۔۔۔۔ ”
"پر تمہیں۔۔۔ فہیم سے بات تو کرنی چاہیے۔۔۔”
"کی تھی بات۔۔ لیکن اس نے بھی ہاتھ کھڑے کردیے۔۔۔”
"واٹ۔۔۔ ایسے کیسے ہاتھ کھڑے کردیے۔۔۔”
"وہ مجھے صرف ایک فرینڈ سمجھتا ہے۔۔۔ اس سے بڑھ کے کچھ نہیں۔۔۔”
"کیا۔۔۔ یار۔۔۔ مجھے تو مرد ذات سے نفرت ہونے لگی ہے۔۔۔ ان لوگوں کو صرف اور صرف اپنے جذبات نظر آتے ہیں۔۔”
"تم صحیح کہہ رہی ہو۔۔۔۔ لیکن اسوقت میں احمر والے معاملے سے پریشان ہوں۔۔۔”
میں نے اسے کوئی جواب نہیں دیا
"ارسہ۔۔ ! تم بتاؤ ۔۔۔ کیا تم سچ میں احمر سے پیار نہیں کرتی۔۔۔؟”
"نہیں۔۔۔۔ نہیں کرتی پیار۔۔۔” مدیحہ کے لیے رشتہ بھجوا کے وہ میری نظروں میں اور زیادہ گر گیا
"آر۔۔ یو ۔۔۔ شور۔۔۔۔؟”
"یس۔۔۔ ایم شور۔۔۔”
"مجھے مشورہ دو۔۔۔۔ کیا کرنا چاہیے۔۔۔؟”
"میں کیا کہہ سکتی ہوں۔۔۔۔۔ ؟ تمہیں احمر پسند ہے۔۔۔؟” میں نے دل پتھر رکھ کے پوچھ لیا
"دیکھو۔۔۔ ! میں نے کبھی اسے اس نظر سے نہیں دیکھا۔۔۔ لیکن کہیں نہ کہیں تو شادی کرنی ہی ہے۔۔۔ اگر تمہارا اسکے ساتھ کچھ نہیں ہے تو میں سوچ سکتی ہوں اس بارے میں۔۔۔۔” وہ کہنے لگی
مدیحہ۔۔۔ پلیز۔۔ ایسا مت کرو۔۔۔۔ میرا دل رو رہا تھا۔۔ لیکن میری انا مجھے ٹوٹنے نہیں دینا چاہتی تھی۔
"بتاؤ نہ۔۔۔ کیا کہتی ہو۔۔۔۔” وہ بولی
"یار تمہیں جو بہتر لگے کرلو۔۔۔۔ ” میں سنجیدہ ہوکے بولی
"تمہیں کوئی پرابلم تو نہیں ہے۔۔۔؟”
"نہیں۔۔۔ مجھے کیوں کوئی پرابلم ہوگی۔۔۔”
"تو میں ہاں کر دوں۔۔۔۔”
"تمہاری زندگی ہے۔۔۔ اور تمہار فیصلہ۔۔۔۔ تمہیں لگتا ہے تو ضرور کرلو۔۔۔”
"شائد وہ شادی میں جلدی کریں تو۔۔۔۔۔؟”
"تو۔۔۔ ؟ ”
"تم آؤ گی۔۔۔؟””
"نہیں۔۔۔۔ میں نہیں آ پاؤں گی۔۔۔”
"کیوں۔۔۔۔ یار ۔۔۔ دوست ہو تم میری۔۔۔۔ ایسے کیسے نہیں آؤ گی۔۔۔؟”
"پہلے رشتہ تو پکا ہوجائے تمہارا۔۔۔۔ اسکے بعد دیکھتے ہیں۔۔۔” میں نے ناگواری سے جواب دیا
"چلو ۔۔۔ ! ٹھیک ہے۔۔۔” وہ مسکرانے لگی
میں نے فون بند کردیا۔۔۔
میرے لیے یہ خبر کسی صدمے سے کم نہیں تھی۔۔۔ جتنی بے چین میں پہلے تھی اس میں دس گنا اضافہ ہوگیا۔۔۔ غم و غصے کی آگ دل میں جل اٹھی ۔۔۔۔ نہ چاہتے ہوئے بھی میں نے احمر کا نمبر ڈائل کیا۔۔۔
"ہیلو۔۔۔ ! ہو از دئیر۔۔۔” وہ فون اٹنڈ کرکے بولا
اسکے پاس میرا نیا نمبر نہیں تھا شائد اس لیے اس نے پہچانا نہیں
"میں ارسہ ہوں۔۔۔۔” میں بولی
"ارسہ کون۔۔۔۔؟”
اسکا یہ جواب سن کے میں اور زیادہ تپ گئی
"کوئی نہیں۔۔۔۔ سوری غلطی سے نمبر ڈائل ہوا۔۔۔” میں جھلا کے بولی
"کہیں آپ صفیہ آنٹی کی بھانجی تو نہیں ہیں۔۔۔؟” وہ جان بوجھ کے ایسا بر تاؤ کررہا تھا
میں نے کوئی جواب نہیں دیا
"مس۔۔ ارسہ۔۔ خیریت سے فون کیا آپ نے۔۔۔” وہ پھر سے بولا
"مبارکباد دینے کے لیے۔۔۔” میں بولی
"کیسی مبارکباد۔۔۔۔؟”
"مدیحہ کے ساتھ آپکا رشتہ پکا ہونے کی مبارکباد۔۔۔۔”
"ابھی تو صرف رشتہ بھیجا ہے۔۔۔۔ ”
"تم مجھے نیچا دکھانے کے لیے یہ سب کررہے ہو نا۔۔۔۔؟”
"میں۔۔۔۔ ؟ میں آپکو نیچا کیوں دیکھاؤں گا؟”
"سب جانتی ہوں میں۔۔۔۔ تم یہ سب جان بوجھ کے کررہے ہوں۔۔”
"محترمہ۔۔ ! آپ کا کہیں رشتہ پکا ہوجائے تو وہ نیچا دکھانا نہیں ہے اگر میں نے کسی کے ہاں رشتہ بھجوایا تو وہ نیچا دکھانا ہوا ۔۔۔؟”
"احمر۔۔۔ ! میں تمہیں اچھی طرح سے جانتی اور سمجھتی ہوں۔۔۔”
"کاش۔۔۔ ! آپ مجھے جانتی اور سمجھتی ہوتیں۔۔۔۔”
"تمہیں مدیحہ ہی ملی تھی۔۔۔۔؟”
"کیوں۔۔۔۔ مدیحہ میں کوئی مسئلہ ہے۔۔۔؟”
"نہیں۔۔۔۔ وہ میری سہیلی ہے۔۔۔۔ ”
"تو ۔۔۔ کیا ہوا۔۔۔۔ اب وہ میری بیوی بنے گی۔۔”
"ٹھیک ہے پھر۔۔۔۔ خوش رہو اپنی بیوی کے ساتھ۔۔۔”
"آپ بھی ڈاکٹر حمزہ کے ساتھ خوش رہیں۔۔۔”
"ضرور رہوں گی۔۔۔۔۔”
"یقین ہے مجھے اس بات کا۔۔۔۔”
میں نے غصے میں فون بند کردیا۔۔۔
سمجھتا کیا ہے خود کو۔۔۔۔۔ اسے کیا لگتا ہے۔۔ اسکی اس حرکت سے میرا دل پگھل جائے گا۔۔۔ یا پھر گڑگڑاتی ہوئی اسکے پاس جاؤں گی۔۔۔۔ مسٹر احمر۔۔۔۔ ایسی کوئی غلط فہمی دل میں مت رکھنا۔۔۔۔
میں نے آؤ دیکھا نہ تاؤ۔۔۔۔ حمزہ کا نمبر ڈائل کیا۔۔۔
"ارسہ کیسی ہیں آپ۔۔۔؟”
"میں ٹھیک ہوں۔۔۔ آپ مصروف تو نہیں ہیں۔۔۔؟”
"نہیں بالکل بھی نہیں۔۔۔۔؟”
"آپ سے ضروری بات کرنی ہے۔۔۔۔ ”
"جی ۔۔ بولیں۔۔”
"میں آپ سے شادی کے لیے تیار ہوں۔۔۔”
دوسری طرف سے خاموشی چھا گئی
"ڈا کٹر حمزہ۔۔۔۔ ! کیا آپ مجھے سن رہے ہیں۔۔۔؟”
"جی میں سن رہا ہوں۔۔۔ لیکن اپنے کانوں پہ یقین نہیں آرہا۔۔۔۔ کیا آپ واقعی تیار ہیں”
"جی میں تیار ہوں۔۔۔۔”
حمزہ کو تو میں نے خوش کردیا۔۔۔ لیکن میری اپنی خوشی کہیں کھو سی گئی تھی۔۔۔۔
امّی واپس آئیں تو میں نے انھیں بتایا کہ میں ڈاکٹر حمزہ سے شادی کرنے کے لیے تیار ہوں آپ صوبیہ آپی سے بات کرلیں۔۔۔ پہلے پہل تو انھیں میری بات پہ یقین نہیں آیا لیکن میری سنجیدگی دیکھ کر وہ پریشان ہوئیں۔۔۔
"ارسہ۔۔۔ ! تمہارے اس فیصلے کا اثرپوری زندگی پہ پڑے گا۔۔۔ اس لیے جو بھی فیصلہ کرنا ہے سوچ سمجھ کے کرو۔۔۔ ”
"امّی۔۔۔ ! میں نے فیصلہ کرلیا ہے۔۔ اور ہاں۔۔۔ ایک ضروری بات جو میں نے آپ لوگوں سے ابھی تک چھپائی ہوئی تھی۔۔ آج بتا دیتی ہوں۔۔۔” میں نے جواب دیا
"کیسی بات۔۔۔۔؟”
"میں ڈاکٹر حمزہ کو پہلے سے جانتی ہوں۔۔۔ میری اس سے لاہور میں ملاقات ہوئی تھی” میں نے بتا دیا
"کیا۔۔۔۔ ؟ تم نے اسے کہا رشتہ بھیجنے کے لیے۔۔۔؟” وہ ششدر تھیں
"نہیں۔۔۔ جب وہ یہاں پہ آئے مجھے تبھی پتہ چلا ۔۔۔ ”
وہ میرا چہرہ پڑھنے لگیں
"امّی۔۔۔ میں جتنا اسے جان اور سمجھ سکی ہوں۔۔۔ وہ ایک بہت اچھاانسان ہے۔۔۔ آپ بالکل بے فکر رہیں۔۔۔”
"لیکن بیٹا۔۔۔۔ یہ بات تم نے پہلے کیوں نہیں بتائی۔۔۔۔۔؟”
” کیونکہ اس سے پہلے میں نے کبھی اس کے بارے میں ایسا کچھ سوچا ہی نہیں تھا۔۔۔۔ ”
"تو اب ۔۔۔ اچانک کیسے سوچ لیا۔۔۔۔”
"میں نے سوچنے کے لیے وقت لیا تھا۔۔۔ لیکن اب میں نے فیصلہ کرلیا ہے۔۔۔۔”
"مجھے ڈر ہے کہیں تم نے جذبات میں یہ فیصلہ نہ لیا ہو۔۔۔۔”
"جذبات میں۔۔۔۔؟ کیوں” مجھے انکی بات سن کے حیرانی ہوئی
"مجھے تمہاری خالہ سے پتا چلا کہ تم احمر کو پسند کرتی ہو۔۔۔۔ اور وہ بھی ” امّی نے ایک نیا انکشاف کیا
"خالہ۔۔۔ نے کہا۔۔۔ لیکن ۔۔ ان سے اس معاملے میں میری کوئی بات ہوئی نہیں ہے۔۔۔ تو کیسے۔۔۔” مجھے حیرانی ہوئی
"ارسہ۔۔۔۔ ! بڑے یونہی بڑے نہیں کہلاتے۔۔۔ کچھ چیزیں بنا دیکھے پتا دیتی ہیں۔۔۔”
"امّی۔۔ ! ایسی کوئی بات نہیں ہے۔۔۔۔”
"تم احمر سے خفا ہو کسی بات سے۔۔۔۔؟”
"نہیں۔۔۔۔ بالکل نہیں۔۔۔ میں اسے پسند ہی نہیں کرتی۔۔۔ میری اس سے جتنی بار بھی ملاقات ہوئی صرف لڑائی ہوئی ہے”
"بیٹا۔۔۔۔ ایک بار پھر سوچ لو۔۔۔۔۔ ”
"کچھ نہیں سوچنا۔۔۔۔۔ بس میں نے فیصلہ کرلیا ہے۔۔۔ آپ صوبیہ آپی کو بتا دیں۔۔۔ پلیز۔۔” احمر کے ذکر پہ میں ویسے ہی جذباتی ہوگئی تھی۔۔۔۔
وہ خاموشی سے وہاں سے چلی گئیں۔۔۔
امّی نے بھائی سے مشورہ کیا اور صوبیہ آپی کو فون کرکے رشتے کی حامی بھر لی۔۔۔
یہ خبر میرے پورے خاندان میں جنگل کی آگ کی طرح پھیل گئی۔۔۔ کہاں کہاں سے فون آنا شروع ہوگئے۔۔۔ میں تو یہ سمجھنے سے قاصر تھی کہ یہ ڈاکٹر حمزہ کا اثر ہے یا پھر صوبیہ آپی کی ‘پی آر’۔۔۔
صوبیہ آپی نے رٹ لگا لی کہ ایک بار لڑکے والوں کے گھر چلیں اور اسکے بعد جلد از جلد منگنی کی تاریخ مقرر کردیں۔۔۔۔
اسی دوران اچانک ہی مجھے مدیحہ کا فون آیا۔۔۔۔
"ارسہ۔۔۔ ! ہماری شادی کی ڈیٹ فکس ہوگئی ہے۔۔۔۔” اس کی یہ بات کسی تیر کی طرح میرے دل میں لگی
میں نے اسے مبارکباد دی ۔۔۔ ساتھ ہی وہ ضد کرنے لگی کہ ۔۔ میں اسکی شادی میں شرکت کے لیے آؤں۔۔۔ لیکن میں نے صاف طور پہ منع کردیا۔۔۔۔ وہ کسی صورت پیچھے نہیں ہٹ رہی تھی لیکن میں ٹس سے مس نہ ہوئی۔۔۔ اس نے دوستی ہمیشہ ہمیشہ کے لیے ختم کرنے کی دھمکی دی۔۔۔ "احمر سے تمہاری شادی کے بعد ویسے ہی ہماری دوستی ختم ہوجائے گی” میں دل ہی دل میں بولی۔۔۔
اس نے غصے سے فون بند کردیا۔۔۔ میں نے بھی دوبارہ کال نہیں کی۔۔۔۔
"اتنا تڑپ رہے تھے تم شادی کے لیے۔۔۔۔ تو میرے ساتھ ڈرامہ کیوں کیا” میں نے احمر کو کوسا
میں نے دل کو سمجھایا کہ اسکی شادی سے مجھے کوئی فرق نہیں پڑتا۔۔۔
کوئی گھنٹہ بھر گزرا۔۔۔ میرے موبائل کی میسج ٹون بجی۔۔۔۔
"میں جانتا تھا تم ہماری شادی اٹنڈ نہیں کرو گی۔۔۔ کیونکہ تم اب بھی مجھ سے پیار کرتی ہو۔۔۔ اپنے سامنے کیسے کسی اور کا ہوتا دیکھ سکتی ہو”
احمر کے میسج پہ میرے اندر آگ لگ گئی۔۔۔۔۔
میں نے مدیحہ کا نمبر ڈائل کیا۔۔۔
"مدیحہ۔۔۔ ! میں تمہاری شادی میں ضرور آؤں گی۔۔۔۔” میں بولی
"واقعی۔۔۔۔ ؟” وہ جوشیلے انداز میں بولی
"ہاں جی۔۔۔۔ ”
"تھینک یو سو مچ۔۔۔۔۔ بے بی! لیکن تمہیں ایک اور وعدہ کرنا ہوگا”
"کیسا وعدہ۔۔۔۔ ؟”
"تم مہندی اور مایوں سے پہلے ہی آؤ گی۔۔۔۔۔ ”
میں سوچ میں پڑ گئی
"ارسہ۔۔۔ ! پلیز۔۔۔۔”
"او کے۔۔۔ آجاؤں گی۔۔۔۔”
"لوّ یو ۔۔۔ ارسہ!”
"لوّ یو ۔۔۔ ٹو۔۔”
میں نے فون بند کیا۔۔۔
"احمر۔۔۔ ! میں تمہارا یہ بھرم توڑ کے رہوں گی۔۔۔۔۔ میں آرہی ہوں لاہور۔۔۔”
میں نے اپنے آپ سے سرگوشی کی۔۔۔۔

بقیہ اگلے حصے میں۔۔۔۔
____________________