ایک مرتبہ ﻣﺸﺎﻋﺮﮦ ﻣﯿﮟ ﻏﺰﻝ ﮐﯽ ﻃﺮﺡ ﮨﻮﺋﯽ۔ ﺍﺱ ﻣﯿﮟ ﺳﺐ ﺻﺎﺣﺒﻮﮞ ﻧﮯ ﻏﺰﻟﯿﮟ ﮐﮩﯿﮟ، ﻣﺼﺤﻔﯽؔ ﻧﮯ ﺑﮭﯽ ﺁﭨﮫ ﺷﻌﺮ ﮐﯽ ﻏﺰﻝ ﻟﮑﮭﯽ۔
ﺳﺮ ﻣﺸﮏ ﮐﺎ ﮨﮯ ﺗﯿﺮﺍ ﺗﻮ ﮐﺎﻓﻮﺭ ﮐﯽ ﮔﺮﺩﻥ
ﻧﮯ ﻣﻮﮮ ﭘﺮﯼ ﺍﯾﺴﮯ ﻧﮧ ﯾﮧ ﺣﻮﺭ ﮐﯽ ﮔﺮﺩﻥ
ﻣﭽﮭﻠﯽ ﻧﮩﯿﮟ ﺳﺎﻋﺪ ﻣﯿﮟ ﺗﺮﮮ ﺑﻠﮑﮧ ﻧﮩﺎﮞ ﮨﮯ
ﺩﻭ ﮨﺎﺗﮫ ﻣﯿﮟ ﻣﺎﮨﯽ ﺳﻘﻨﻘﻮﺭ ﮐﯽ ﮔﺮﺩﻥ
ﯾﻮﮞ ﻣﺮﻍ ﺩﻝ ﺍﺱ ﺯﻟﻒ ﮐﮯ ﭘﮭﻨﺪﮮ ﻣﯿﮟ ﭘﮭﻨﺴﺎ ﮨﮯ
ﺟﻮﮞ ﺭﺷﺘﮧ ﺻﯿﺎﺩ ﻣﯿﮟ ﻋﺼﻔﻮﺭ ﮐﯽ ﮔﺮﺩﻥ
ﺩﻝ ﮐﯿﻮﮞ ﮐﮧ ﭘﺮﯼ ﺣﻮﺭ ﮐﺎ ﭘﮭﺮ ﺍﺱ ﭘﮧ ﻧﮧ ﭘﮭﯿﻠﮯ
ﺻﺎﻧﻊ ﻧﮯ ﺑﻨﺎﺋﯽ ﺗﺮﯼ ﺑﻠّﻮﺭ ﮐﯽ ﮔﺮﺩﻥ
ﺍﮎ ﮨﺎﺗﮫ ﻣﯿﮟ ﮔﺮﺩﻥ ﮨﻮ ﺻﺮﺍﺣﯽ ﮐﯽ ﻣﺰﺍ ﮨﮯ
ﺍﻭﺭ ﺩﻭﺳﺮﮮ ﻣﯿﮟ ﺳﺎﻗﯽ ﻣﺨﻤﻮﺭ ﮐﯽ ﮔﺮﺩﻥ
ﮨﺮ ﭼﻨﺪ ﻣﯿﮟ ﺟﮭﮏ ﺟﮭﮏ ﮐﮯ ﮐﺌﮯ ﺳﯿﮑﮍﻭﮞ ﻣﺠﺮﮮ
ﭘﺮ ﺧﻢ ﻧﮧ ﮨﻮﺋﯽ ﺍﺱ ﺑﺖِ ﻣﻐﺮﻭﺭ ﮐﯽ ﮔﺮﺩﻥ
ﮐﯿﺎ ﺟﺎﻧﺌﮯ ﮐﯿﺎ ﺣﺎﻝ ﮨﻮﺍ ﺻﺒﺢ ﮐﻮ ﺍُﺱ ﮐﺎ
ﮈﮬﻠﮑﯽ ﮨﻮﺋﯽ ﺗﮭﯽ ﺷﺐ ﺗﺮﮮ ﺭﻧﺠﻮﺭ ﮐﯽ ﮔﺮﺩﻥ
ﯾﻮﮞ ﺯُﻟﻒ ﮐﮯ ﺣﻠﻘﮯ ﻣﯿﮟ ﭘﮭﻨﺴﺎ ﻣﺼﺤﻔﯽ ﺍﮮ ﻭﺍﺋﮯ
ﺟﻮﮞ ﻃﻮﻕ ﻣﯿﮟ ﮨﻮﻭﮮ ﮐﺴﯽ ﻣﺠﺒُﻮﺭ ﮐﯽ ﮔﺮﺩﻥ
۔۔۔۔۔۔۔۔۔۔۔۔۔
ﺳﯿﺪ ﺍﻧﺸﺎﺀؔ ﻧﮯ ﺍﺱ ﻏﺰﻝ ﭘﺮ ﺍﻋﺘﺮﺍﺽ ﮐﺌﮯ ﺍﻭﺭ ﺍﯾﮏ ﻗﻄﻌﮧ ﺑﮭﯽ ﻧﻈﻢ ﮐﯿﺎ۔ ﺍﻥ ﮐﯽ ﻏﺰﻝ ﺍﻭﺭ ﻗﻄﻌﮧ ﺩﺭﺝ ﮨﻮﺗﺎ ﮨﮯ۔
۔۔۔۔۔۔۔۔۔۔۔
ﺳﯿّﺪ ﺍﻧﺸﺎﺀ ﮐﯽ ﻏﺰﻝ ﺟﻮﺍﺏ ﻣﯿﮟ
ﺗﻮﮌ ﺩﻭﮞ ﮔﺎ ﺧﻢ ﺑﺎﺩﮦ ﺍﻧﮕﻮﺭ ﮐﯽ ﮔﺮﺩﻥ
ﺭﮐﮫ ﺩﻭﮞ ﮔﺎ ﻭﮨﺎﮞ ﮐﺎﭦ ﮐﮯ ﺍﮎ ﺣﻮﺭ ﮐﯽ ﮔﺮﺩﻥ
ﺧﻮﺩ ﺩﺍﺭ ﮐﯽ ﺑﻦ ﺷﮑﻞ ﺍﻟﻔﮩﺎﺋﮯ ﺍﻧﺎﺍﻟﺤﻖ
ﻧﺖ ﭼﺎﮨﺘﮯ ﮨﯿﮟ ﺍﮎ ﻧﺌﯽ ﻣﻨﺼﻮﺭ ﮐﯽ ﮔﺮﺩﻥ
ﮐﯿﻮﮞ ﺳﺎﻗﯽ ﺧﻮﺭﺷﯿﺪ ﺟﺒﯿﮟ ﮐﯿﺎ ﮨﯽ ﻧﺸﮯ ﮨﻮﮞ
ﺳﺐ ﯾﻮﻧﮩﯽ ﭼﮍﮬﺎ ﺟﺎﺅﮞ ﻣﮯ ﻧﻮﺭ ﮐﯽ ﮔﺮﺩﻥ
ﺍﭼﮭﻠﯽ ﮨﻮﺋﯽ ﻭﺭﺯﺵ ﺳﮯ ﺗﺮﯼ ﮈﻧﮉ ﭘﮧ ﻣﭽﮭﻠﯽ
ﮨﮯ ﻧﺎﻡِ ﺧﺪﺍ ﺟﯿﺴﮯ ﺷﻘﻨﻘﻮﺭ ﮐﯽ ﮔﺮﺩﻥ
ﺗﮭﺎ ﺷﺨﺺ ﺟﻮ ﮔﺮﺩﻥ ﺯﺩﻧﯽ ﺍﺱ ﺳﮯ ﯾﮧ ﺑﻮﻟﮯ
ﺍﺏ ﺩﯾﺠﯿﮯ ﺟﻮ ﺩﯾﻨﯽ ﮨﮯ ﻣﻨﻈﻮﺭ ﮐﯽ ﮔﺮﺩﻥ
ﺁﺋﯿﻨﮧ ﮐﯽ ﮔﺮ ﺳﯿﺮ ﮐﺮﮮ ﺷﯿﺦ ﺗﻮ ﺩﯾﮑﮭﮯ
ﺳﺮﺧﺮﺱ ﮐﺎ ﻣﻨﮫ ﺧﻮﮎ ﮐﺎ ﻟﻨﮕﻮﺭ ﮐﯽ ﮔﺮﺩﻥ
ﯾﻮﮞ ﭘﻨﺠﮧ ﻣﮋﮔﺎﮞ ﻣﯿﮟ ﭘﮍﺍ ﮨﮯ ﯾﮧ ﻣﺮﺍ ﺩﻝ
ﺟﻮﮞ ﭼﻨﮕﻞِ ﺷﮩﺒﺎﺯ ﻣﯿﮟ ﻋﺼﻔﻮﺭ ﮐﯽ ﮔﺮﺩﻥ
ﺗﺐ ﻋﺎﻟﻢ ﻣﺴﺘﯽ ﮐﺎ ﻣﺰﺍ ﮨﮯ ﮐﮧ ﭘﮍﯼ ﮨﻮ
ﮔﺮﺩﻥ ﭘﮧ ﻣﺮﯼ ﺍﺱ ﺑﺖ ﻣﺨﻤﻮﺭ ﮐﯽ ﮔﺮﺩﻥ
ﺑﯿﭩﮭﺎ ﮨﻮ ﺟﮩﺎﮞ ﭘﺎﺱ ﺳﻠﯿﻤﺎﮞ ﮐﮯ ﺁﺻﻒ
ﻭﺍﮞ ﮐﯿﻮﮞ ﻧﮧ ﺟﮭﮑﮯ ﻗﯿﺼﺮ ﻭ ﻓﻐﻔﻮﺭ ﮐﯽ ﮔﺮﺩﻥ
ﺑﮭﯿﻨﭽﮯ ﮨﮯ ﺑﻐﻞ ﺍﭘﻨﯽ ﻣﯿﮟ ﺍﺱ ﺯﻭﺭ ﺳﮯ ﺟﻮ ﻋﺸﻖ
ﺗﻮ ﺗﻮﮌﻧﮯ ﭘﺮ ﮨﮯ ﮐﺴﯽ ﻣﺠﺒُﻮﺭ ﮐﯽ ﮔﺮﺩﻥ
ﺍﮮ ﻣﺴﺖ ﯾﮧ ﮐﯿﺎ ﻗﮩﺮ ﮨﮯ ﺧﺸﺖِ ﺳﺮﺧﻢ ﺳﮯ
ﮐﯿﻮﮞ ﺗﻮ ﻧﮯ ﺻﺮﺍﺣﯽ ﮐﯽ ﺑﮭﻼ ﭼﻮﺭ ﮐﯽ ﮔﺮﺩﻥ
ﻣﺤﻔﻞ ﻣﯿﮟ ﺗﺮﯼ ﺷﻤﻊ ﺑﻨﯽ ﻣﻮﻡ ﮐﯽ ﻣﺮﯾﻢ
ﭘﮕﮭﻠﯽ ﭘﮍﯼ ﮨﮯ ﺍﺳﮑﯽ ﻭﮦ ﮐﺎﻓﻮﺭ ﮐﯽ ﮔﺮﺩﻥ
ﺍﮮ ﺩﯾﻮ ﺳﻔﯿﺪ ﺳﺤﺮﯼ ﮐﺎﺵ ﺗﻮ ﺗﻮﮌﮮ
ﺍﮎ ﻣُﮑّﮯ ﺳﮯ ﺧﻮﺭ ﮐﮯ ﺷﺐِ ﺩﯾﺠﻮﺭ ﮐﯽ ﮔﺮﺩﻥ
ﺟﺐ ﮐﺸﺘﮧ ﺍﻟﻔﺖ ﮐﻮ ﺍﭨﮭﺎﯾﺎ ﺗﻮ ﺍﻟﻢ ﺳﮯ
ﺑﺲ ﮨﻞ ﮔﺌﯽ ﺍُﺱ ﻗﺎﺗﻞ ﻣﻐﺮﻭﺭ ﮐﯽ ﮔﺮﺩﻥ
ﺑﯿﺴﺎﺧﺘﮧ ﺑﻮﻻ ﮐﮧ ﺍﺭﮮ ﮨﺘﮫ ﺗﻮ ﭨﮏ ﺩﻭ
ﮈﮬﻠﮑﮯ ﻧﮧ ﻣﺮﮮ ﻋﺎﺷﻖ ﻣﻐﻔﻮﺭ ﮐﯽ ﮔﺮﺩﻥ
ﺣﺎﺳﺪ ﺗﻮ ﮨﮯ ﮐﯿﺎ ﭼﯿﺰ ﮐﺮﮮ ﻗﺼﺪ ﺟﻮ ﺍﻧﺸﺎﺀ
ﺗﻮ ﺗﻮﮌ ﺩﮮ ﺟﮭﭧ ﺑﻠﻌﻢ ﺑﺎﻋﻮﺭ ﮐﯽ ﮔﺮﺩﻥ
۔۔۔۔۔۔۔۔۔۔۔۔۔۔
ﻗﻄﻌﮧ ﺩﺭ ﮨﺠﻮ مشتمل ﺑﺮ ﺍﻋﺘﺮﺍﺿﺎﺕ
ﺳُﻦ ﻟﯿﺠﺌﮯ ﮔﻮﺵِ ﺩﻝ ﺳﮯ ﻣﺮﮮ ﻣﺸﻔﻘﺎ ﯾﮧ ﻋﺮﺽ
ﻣﺎﻧﻨﺪ ﺑﯿﺪ ﻏﺼّﮧ ﺳﮯ ﻣﺖ ﺗﮭﺮ ﺗﮭﺮﺍﺋﯿﮯ
ﺑﻠّﻮﺭ ﮔﻮ ﺩﺭﺳﺖ ﮨﻮ، ﻟﯿﮑﻦ ﺿﺮﻭﺭ ﮐﯿﺎ
ﺧﻮﺍﮨﯽ ﻧﺨﻮﺍﮨﯽ ﺍﺱ ﮐﻮ ﻏﺰﻝ ﻣﯿﮟ ﮐﮭﭙﺎﺋﯿﮯ
ﺩﺳﺘﻮﺭ ﻭ ﻧﻮﺭ ﻭ ﻃﻮﺭ ﯾﮧ ﮨﯿﮟ ﻗﺎﻓﯿﮯ ﺑﮩﺖ
ﺍﺱ ﻣﯿﮟ ﺟﻮ ﭼﺎﮨﯿﮯ ﺗﻮ ﻗﺼﯿﺪﮦ ﺳﻨﺎﺋﯿﮯ
ﯾﮧ ﺗﻮ ﻏﻀﺐ ﮨﮯ ﮐﮩﯿﮯ ﻏﺰﻝ ﺁﭨﮫ ﺑﯿﺖ ﮐﯽ
ﺍﻭﺭ ﺍﺱ ﻣﯿﮟ ﺭﻭﭖ ﺍﯾﺴﮯ ﺍﻧﻮﮐﮭﮯ ﺩﮐﮭﺎﺋﯿﮯ
ﮐﯿﺎ ﻟﻄﻒ ﮨﮯ ﮐﮧ ﮔﺮﺩﻥ ﮐﺎﻓﻮﺭ ﺑﺎﻧﺪﮪ ﮐﺮ
ﻣﺮﺩﮮ ﮐﯽ ﺑﺎﺱ ﺯﻧﺪﻭﮞ ﮐﻮ ﻻ ﮐﺮ ﺳﻨﮕﮭﺎﺋﯿﮯ
ﯾﻮﮞ ﺧﺎﻃﺮ ﺷﺮﯾﻒ ﻣﯿﮟ ﮔﺰﺭﺍ ﮐﮧ ﺑﺰﻡ ﻣﯿﮟ
ﮐﭽﻼ ﮨﻮﺍ ﺷﺮﯾﻘﮧ ﻏﺰﻝ ﮐﻮ ﺑﻨﺎﺋﯿﮯ
ﺍﯾﺴﮯ ﻧﺠﺲ ﮐﺜﯿﻒ ﻗﻮﺍﻓﯽ ﺳﮯ ﻧﻈﻢ ﻣﯿﮟ
ﺩﻧﺪﺍﻥ ﺭﯾﺨﺘﮧ ﭘﮧ ﭘﮭﭙﮭﻮﻧﺪﯼ ﺟﻤﺎﺋﯿﮯ
( ﻣﺼﺤﻔﯽؔ ﻣﺴﯽ ﻣﻼ ﮐﺮﺗﮯ ﺗﮭﮯ ﺍﺱ ﻟﺌﮯ ﺩﺍﻧﺖ ﺳﯿﺎﮦ ﺗﮭﮯ۔ ﻭﮦ ﺑﮭﯽ ﮐﭽﮫ ﮨﻠﺘﮯ ﺗﮭﮯ، ﮐﭽﮫ ﮔﺮ ﭘﮍﮮ ﺗﮭﮯ ﺍﻭﺭ ﺑﮍﮬﺎﭘﮯ ﻧﮯ ﺍﻭﺭ ﺑﮭﯽ ﺷﮑﻞ ﺑﮕﺎﮌ ﺩﯼ ﺗﮭﯽ۔ ﺍُﺳﮯ ﺍﻧﮭﻮﮞ ﻧﮯ ﺧﺮﺍﺏ ﮐﯿﺎ ﮨﮯ۔ )
ﺑﺨﺮﮮ ﻣﯿﮟ ﺁﭖ ﮨﯽ ﮐﮯ ﯾﮧ ﺁﺋﯽ ﮨﮯ ﺷﺎﻋﺮﯼ
ﺑﺲ ﻣﻨﮫ ﮨﯽ ﻣﻨﮫ ﻣﯿﮟ ﺭﮐﮭﺌﮯ ﺍﺳﮯ ﻣﺖ ﺳﺮﺍﺋﯿﮯ
ﮔﺮﺩﻥ ﮐﺎ ﺩﺧﻞ ﮐﯿﺎ ﮨﮯ ﺳﻘﻨﻘﻮﺭ ﻣﯿﮟ ﺑﮭﻼ
ﺳﺎﻧﮉﮮ ﮐﯽ ﻃﺮﺡ ﺁﭖ ﻧﮧ ﮔﺮﺩﻥ ﮨﻼﺋﯿﮯ
ﻣﺸﻔﻖ ﮐﮍﯼ ﮐﻤﺎﻥ ﮐﻮ ﮐﺮﮌﯼ ﻧﮧ ﺑﻮﻟﺌﮯ
ﭼّﻼ ﮐﮯ ﻣﻔﺖ ﺗﯿﺮ ﻣﻼﻣﺖ ﻧﮧ ﮐﮭﺎﺋﯿﮯ
ﺍﺭﺩﻭ ﮐﯽ ﺑﻮﻟﯽ ﮨﮯ ﯾﮧ ﺑﮭﻼ ﮐﮭﺎﺋﯿﮯ ﻗﺴﻢ
ﺍﺱ ﺑﺎﺕ ﭘﺮ ﺍﺏ ﺁﭖ ﮨﯽ ﻣﺼﺤﻒ ﺍﭨﮭﺎﺋﯿﮯ
ﺍﺳﺘﺎﺩ ﮔﺮﭼﮧ ﭨﮭﮩﺮﮮ ﮨﯿﮟ ﺻﺎﺣﺐ ﯾﻮﮨﯿﮟ ﺳﮩﯽ
ﻟﯿﮑﻦ ﮈﮬﮑﯽ ﮨﯿﯽ ﺭﮐﮭﺌﮯ ﺑﺲ ﺍﺱ ﮐﻮ ﭼﮭﭙﺎﺋﯿﮯ
ﺟﮭﭧ ﻟﮑﮭﺌﮯ ﺭﻭﭖ ﺭﺍﻡ ﮐﭩﺎﺭﺍ ﮐﻮ ﺍﯾﮏ ﺧﻂ
ﺑﮭّﻠﻮ ﮐﯽ ﻣﮩﺮ ﺳﮯ ﺳﻨﺪ ﺍﺱ ﮐﯽ ﻣﻨﮕﺎﺋﯿﮯ
ﺍﭘﻨﯽ ﮐﻤﮏ ﮐﮯ ﻭﺍﺳﻄﮯ ﺟﺎ ﺑﮭﺮﺕ ﭘﻮﺭ ﻣﯿﮟ
ﺭﻧﺠﯿﺖ ﺳﻨﮕﮫ ﺟﺎﭦ ﮐﻮ ﮨﻤﺮﺍﮦ ﻻﺋﯿﮯ
ﯾﺎ ﮔﺮﺩ ﻭ ﭘﯿﺶ ﮐﮯ ﻗﺼﺒﺎﺗﯽ ﺟﻮ ﻟﻮﮒ ﮨﯿﮟ
ﺍﮎ ﭘﻠﻮﺍ ﺑﺎﻧﺪﮬﺌﮯ ﺍﻧﮭﯿﮟ ﺟﻠﺪﯼ ﺑﻼﺋﯿﮯ
ﻣﺨﻠﺺ ﮐﺎ ﺍﻟﺘﻤﺎﺱ ﭘﺬﯾﺮﺍ ﮨﻮ ﺳﻮﭺ ﮐﺮ
ﮐﮩﻨﮯ ﺳﮯ ﺍﯾﺴﮯ ﺭﯾﺨﺘﮧ ﮐﮯ ﺑﺎﺯ ﺁﺋﯿﮯ
ﺳﺮﮐﺎﺭ ﮐﯽ ﯾﮩﺎﮞ ﻧﮩﯿﮟ ﮔﻠﻨﮯ ﮐﯽ ﺩﺍﻝ ﮐﭽﮫ
ﺭﻭﭨﯽ ﺟﻮ ﮐﮭﺎﻧﯽ ﮨﻮﻭﮮ ﺗﻮ ﭘﻨﺠﺎﺏ ﺟﺎﺋﯿﮯ
ﺳﺘﻠﺞ ﺑﯿﺎﺱ ﺭﺍﻭﯼ ﻭ ﺟﮩﻠﻢ ﮐﯽ ﺳﯿﺮ ﮐﺮ
ﭼﻨﺎﺏ ﻭﺍﻟﮯ ﻟﻮﮔﻮﮞ ﮐﻮ ﯾﮧ ﮐﭽﮫ ﺳﻨﺎﺋﯿﮯ
ﺧﺸﮑﺎ ﮔﺪﮬﮯ ﮐﻮ ﺩﯾﺠﯿﮯ ﻟﻮﺯﯾﻨﮧ ﮔﺎﺅ ﮐﻮ
ﻭﺍﮞ ﺟﺎ ﮐﮯ ﺑﯿﻦ ﺑﮭﯿﻨﺲ ﮐﮯ ﺁﮔﮯ ﺑﺠﺎﺋﯿﮯ
ﺍﺱ ﺭﻣﺰ ﮐﺎ ﯾﮩﺎﮞ ﺷﻨﻮﺍ ﮐﻮﻥ ﮨﮯ ﺑﮭﻼ
ﺍﺏ ﺑﮭﯿﺮﻭﯾﮟ ﮐﺎ ﭘﭩﮧ ﮐﻮﺋﯽ ﺁﭖ ﮔﺎﺋﯿﮯ
۔۔۔۔۔۔۔۔۔۔۔۔۔۔۔
ﻣﺼﺤﻔﯽ ﻧﮯ ﺍﺱ ﮐﺎ ﺟﻮﺍﺏ ﺍﺱ ﻏﺰﻝ ﮐﯽ ﻃﺮﺡ ﻣﯿﮟ ﺩﯾﺎ۔
ﻗﻄﻌﮧ ﺟﻮﺍﺏ ﺷﯿﺦ ﻣﺼﺤﻔﯽِ ﮐﯿﻄﺮﻑ ﺳﮯ
ﺍﮮ ﺁﻧﮑﮧ ﻣﻌﺎﺭﺽ ﮨﻮ ﻣﺮﯼ ﺗﯿﻎ ﺯﺑﺎﮞ ﺳﮯ
ﺗﻮ ﻧﮯ ﺳﭙﺮ ﻏﺪﺭ ﻣﯿﮟ ﻣﺴﺘﻮﺭ ﮐﯽ ﮔﺮﺩﻥ
ﮨﮯ ﺁﺩﻡ ﮐﺎﮐﯽ ﮐﮧ ﺑﻨﺎ ﺧﺎﮎ ﮐﺎ ﭘﺘﻼ
ﮔﺮ ﻧﻮﺭ ﮐﺎ ﺳﺮ ﮨﻮﻭﮮ ﺗﻮ ﮨﻮ ﻧﻮﺭ ﮐﯽ ﮔﺮﺩﻥ
ﻣﯿﮟ ﻟﻔﻆ ﺳﻘﻨﻘﻮﺭ ﻣﺠﺮﺩ ﻧﮩﯿﮟ ﺩﯾﮑﮭﺎ
ﺍﯾﺠﺎﺩ ﮨﮯ ﺗﯿﺮﺍ ﯾﮧ ﺷﻘﻨﻘﻮﺭ ﮐﯽ ﮔﺮﺩﻥ
ﻟﻨﮕﻮﺭ ﮐﻮ ﺷﺎﻋﺮ ﺗﻮ ﻧﮧ ﺑﺎﻧﺪﮬﮯ ﮔﺎ ﻏﺰﻝ ﻣﯿﮟ
ﮐﺲ ﻭﺍﺳﻄﮯ ﺑﺎﻧﺪﮬﮯ ﮐﻮﺋﯽ ﻟﻨﮕﻮﺭ ﮐﯽ ﮔﺮﺩﻥ
ﮔﺮﺩﻥ ﺗﻮ ﺻﺮﺍﺣﯽ ﮐﮯ ﻟﺌﮯ ﻭﺿﮯ ﮨﮯ ﻧﺎﺩﺍﻥ
ﺑﮯ ﺟﺎ ﮨﮯ ﺧﻢ ﺑﺎﺩﮦ ﺍﻧﮕﻮﺭ ﮐﯽ ﮔﺮﺩﻥ
ﺍﺱ ﺳﮯ ﺑﮭﯽ ﻣﯿﮟ ﮔﺰﺭﺍ ﻏﻠﻄﯽ ﺍﻭﺭ ﯾﮧ ﺳﻨﯿﺌﮯ
ﺑﺎﻧﺪﮬﮯ ﮨﮯ ﮐﻮﺋﯽ ﺧﻮﺷﮧ ﺍﻧﮕﻮﺭ ﮐﯽ ﮔﺮﺩﻥ
ﮐﺎﻓﻮﺭ ﺳﮯ ﻣﻄﻠﮓ ﮨﮯ ﻣﺮﺍ ﺍﺱ ﮐﯽ ﺳﻔﯿﺪﯼ
ﭨﮭﻨﮉﯼ ﺗﻮ ﻣﯿﮟ ﺑﺎﻧﺪﮬﯽ ﻧﮩﯿﮟ ﮐﺎﻓﻮﺭ ﮐﯽ ﮔﺮﺩﻥ
ﯾﮧ ﻟﻔﻆ ﻣﺸﺪّﺩ ﺑﮭﯽ ﺩﺭﺳﺖ ﺁﯾﺎ ﮨﮯ ﺗﺠﮫ ﺳﮯ
ﺧﻢ ﮨﻮﺗﯽ ﮨﮯ ﮐﻮﺋﯽ ﻣﺮﯼ ﺑﻠّﻮﺭ ﮐﯽ ﮔﺮﺩﻥ
ﺍﺗﻨﯽ ﻧﮧ ﺗﻤﯿﺰ ﺁﺋﯽ ﺗﺠﮭﮯ ﺭﺑﻂ ﺑﮭﯽ ﮐﭽﮫ ﮨﮯ
ﮨﺮ ﻗﺎﻓﯿﮧ ﻣﯿﮟ ﺗﻮ ﻧﮯ ﺟﻮ ﻣﻨﻈﻮﺭ ﮐﯽ ﮔﺮﺩﻥ
ﯾﻮﮞ ﺳﯿﻨﮑﮍﻭﮞ ﮔﺮﺩﻥ ﺗﻮ ﮔﯿﺎ ﺑﺎﻧﺪﮪ ﺗﻮ ﮐﯿﺎ ﮨﮯ
ﺳُﻮﺟﮭﯽ ﻧﮧ ﺗﺠﮭﮯ ﺣﯿﻒ ﮐﮧ ﻣﺰﺩﻭﺭ ﮐﯽ ﮔﺮﺩﻥ
ﺟﻮ ﮔﺮﺩﻧﯿﮟ ﻣﯿﮟ ﺑﺎﻧﺪﮬﯽ ﮨﯿﮟ ﻻ ﺗﺠﮫ ﮐﻮ ﺩﮐﮭﺎ ﺩﻭﮞ
ﺗﻮ ﻣﺠﮫ ﺩﮐﮭﺎ ﺩﮮ ﺷﺐِ ﺩﯾﺠﻮﺭ ﮐﯽ ﮔﺮﺩﻥ
ﮔﺮﺩﻥ ﮐﮯ ﺗﺌﯿﮟ ﭼﺎﮨﯿﮯ ﺍﮎ ﺷﮑﻞ ﮐﺸﯿﺪﮦ
ﺧﻢ ﮐﺮ ﮐﮯ ﺳﻤﺠﮫ ﭨﮏ ﺳﺮِ ﻣﻐﺮﻭﺭ ﮐﯽ ﮔﺮﺩﻥ
ﻣﻀﻤﻮﻥ ﺗﻮ ﻣﯿﺮﺍ ﮨﯽ ﮨﮯ ﮔﻮ ﺍﻭﺭ ﻃﺮﺡ ﺳﮯ
ﺑﺎﻧﺪﮬﮯ ﺗﻮ ﮔﻤﺎﮞ ﺍﭘﻨﮯ ﻣﯿﮟ ﺭﻧﺠﻮﺭ ﮐﯽ ﮔﺮﺩﻥ
ﮔﺮ ﻗﺎﻓﯿﮧ ﭘﯿﻤﺎﺋﯽ ﮨﯽ ﻣﻨﻈﻮﺭ ﺗﮭﯽ ﺗﺠﮫ ﮐﻮ
ﺗﻮ ﺑﺎﻧﺪﮬﯽ ﻧﮧ ﮐﺲ ﻭﺍﺳﻄﮯ ﻣﻘﺪﻭﺭ ﮐﯽ ﮔﺮﺩﻥ
ﻻﮐﮭﻮﮞ ﮨﯽ ﻣﻌﺎﻧﯽ ﮐﻮ ﮐﯿﺎ ﻗﺘﻞ ﭘﺮ ﺍﻓﺴﻮﺱ
ﺳﻮﺟﮭﯽ ﻧﮧ ﺗﺠﮭﮯ ﺩﺷﻨﮧ ﻭ ﺳﺎﻃﻮﺭ ﮐﯽ ﮔﺮﺩﻥ
ﻣﻨﺼﻒ ﮨﻮ ﺗﻮ ﭘﮭﺮ ﻧﺎﻡ ﻟﮯ ﺩﻋﻮﯼ ﮐﺎ ﮨﺮﮔﺰ
ﯾﮧ ﺑﻮﺟﮫ ﺍﭨﮭﺎ ﺳﮑﺘﯽ ﻧﮩﯿﮟ ﻣﻮﺭ ﮐﯽ ﮔﺮﺩﻥ
ﻣﻨﻈﻮﺭ ﮨﯽ ﮐﯽ ۔۔۔۔۔۔۔۔۔۔۔ ﺗﻮ ﺑﺎﻟﻠﮧ
ﺑﺎﻧﺪﮬﯽ ﻧﮧ ﮔﺮ ﺍﺏ ﺧﺎﻧﮧ ﺯﻧﺒﻮﺭ ﮐﯽ ﮔﺮﺩﻥ
ﭨﻮﭨﮯ ﮨﻮﺋﮯ ﻧﯿﭽﮯ ﮐﯽ ﻃﺮﺡ ﻣﯿﺮﮮ ﻗﻠﻢ ﺳﮯ
ﺟﺎﺗﯽ ﮨﮯ ﭘﭽﮏ ﺷﺎﻋﺮ ﻣﻐﺮﻭﺭ ﮐﯽ ﮔﺮﺩﻥ
ﺍﻧﺼﺎﻑ ﺗﻮ ﮐﺮ ﺩﻝ ﻣﯿﮟ ﮐﮧ ﺍﮎ ﺗﯿﻎ ﻣﯿﮟ ﮐﯿﺴﮯ
ﻣﯿﮟ ﮐﺎﭦ ﺩﯼ ﺩﻋﻮﮮ ﮐﯽ ﺗﺮﮮ ﺯﻭﺭ ﮐﯽ ﮔﺮﺩﻥ
ﮐﮭﮍﺍﮒ ﭘﮧ ﮔﺎﯾﺎ ﭘﮧ ﺗﺮﮮ ﮨﺎﺗﮫ ﻧﮧ ﺁﺋﯽ
ﺍﻓﺴﻮﺱ ﮐﮧ ﺍﺱ ﺗﺎﻥ ﭘﺮ ﻃﻨﺒﻮﺭ ﮐﯽ ﮔﺮﺩﻥ
ﺳﻮﺟﮭﺎ ﻧﮧ ﺗﺠﮭﮯ ﻭﺭﻧﮧ ﺑﻨﺎﺗﺎ ﺗﻮ ﺍﺳﯽ ﺩﻡ
ﻧﺎﺳﻮﺭ ﮐﯽ ﭘﺘﯽ ﮐﻮ ﺑﮭﯽ ﻧﺎﺳﻮﺭ ﮐﯽ ﮔﺮﺩﻥ
ﺍﻧﺼﺎﻑ ﮐﯿﺎ ﺍﺱ ﮐﺎ ﻣﯿﮟ ﺍﺏ ﺷﮩﮧ ﮐﮯ ﺣﻮﺍﻟﮯ
ﺟﮭﮑﺘﯽ ﮨﮯ ﺟﮩﺎﮞ ﻣﺎﺭ ﺳﮯ ﻟﮯ ﻣﻮﺭ ﮐﯽ ﮔﺮﺩﻥ
ﻭﮦ ﺷﺎﮦِ ﺳﻠﯿﻤﺎﮞ ﮐﮧ ﺍﮔﺮ ﺗﯿﻎ ﻋﺪﺍﻟﺖ
ﭨﮏ ﮐﮭﯿﻨﭽﯿﮟ ﺗﻮ ﺩﻭ ﮨﻮﮞ ﻭﮨﯿﮟ ﻓﻐﻔﻮﺭ ﮐﯽ ﮔﺮﺩﻥ
ﺟﺲ ﺳﺮ ﭘﮧ ﭨﮏ ﺍﭘﻨﺎ ﻭﮦ ﺭﮐﮭﮯ ﺩﺳﺖِ ﻧﻮﺍﺯﺵ
ﺍُﺱ ﺳﺮ ﮐﮯ ﻟﺌﮯ ﺗﮑﯿﮧ ﮨﻮ ﭘﮭﺮ ﺣﻮﺭ ﮐﯽ ﮔﺮﺩﻥ
ﺍﺱ ﺩﺭ ﮐﺎ ﺟﻮ ﺳﺠﺪﮦ ﺍﻧﮭﯿﮟ ﻣﻨﻈﻮﺭ ﻧﮧ ﮨﻮﺗﺎ
ﻣﻠﭩﯽ ﻧﮧ ﻓﺮﺷﺘﻮﮞ ﮐﻮ ﮐﺒﮭﯽ ﻧﻮﺭ ﮐﯽ ﮔﺮﺩﻥ
ﺍﮮ ﻣﺼﺤﻔﯽؔ ﺧﺎﻣﺶ ﺳﺨﻦ ﻃﻮﻝ ﻧﮧ ﮐﮭﭻ ﺟﺎﺋﮯ
ﺳﯿﺎﮞ ﮐﻮ ﻧﮧ ﮨﯽ ﺑﮩﺘﺮ ﺳﺮِ ﭘُﺮﺷﻮﺭ ﮐﯽ ﮔﺮﺩﻥ
ﺍﻥ ﺩﻭﻧﻮﮞ ﻗﻄﻌﻮﮞ ﮐﮯ ﭘﮍﮬﻨﮯ ﺳﮯ ﻣﻌﻠﻮﻡ ﮨﻮ ﮔﺎ ﮐﮧ ﺩﻭﻧﻮﮞ ﺑﺎﮐﻤﺎﻝ ﺍﺩﺍﺋﮯ ﻣﻄﻠﺐ ﭘﺮ ﮐﺲ ﻗﺪﺭ ﻗﺪﺭﺕ ﺭﮐﮭﺘﮯ ﺗﮭﮯ۔ ﺑﮯ ﺷﮏ ﻋﺎﻡ ﻟﻄﻒِ ﺑﯿﺎﻥ ﺍﻭﺭ ﺧﺎﺹ ﻃﻨﺰﻭﮞ ﮐﮯ ﻧﺸﺘﺮ ﺳﯿّﺪ ﺍﻧﺸﺎﺀ ﮐﯽ ﺗﺮﺟﯿﺢ ﮐﮯ ﻟﺌﮯ ﺳﻔﺎﺭﺵ ﮐﺮﯾﮟ ﮔﮯ۔
ﻣﮕﺮ ﺑﮉﮬﮯ ﺩﯾﺮﯾﻨﮧ ﺳﺎﻝ (مصحفی) ﻧﮯ ﺟﻮ ﺍﺳﯽ ﻏﺰﻝ ﮐﯽ ﺯﻣﯿﻦ ﻣﯿﮟ ﻣﻄﺎﻟﺐ ﻣﻄﻠﻮﺑﮧ ﮐﻮ ﺍﺩﺍ ﮐﺮ ﺩﯾﺎ ﯾﮧ ﻗﺪﺭﺕ ﮐﻼﻡ ﺷﺎﯾﺪ ﺍﺳﮯ ﭘﯿﭽﮭﮯ ﻧﮧ ﺭﮨﻨﮯ ﺩﮮ
محمد آزاد حسین کی کتاب آب حیات سے اقتباس
بشکریہ محمد مصطفےٰ
جواب دیں
تبصرہ کرنے سے پہلے آپ کا لاگ ان ہونا ضروری ہے۔