کلام ۔ میر مہدی حُسین مجروح
کتاب ۔ دیوانِ مجروح
مرتبہ ۔ ریاض احمد
صفحہ ‘ ۳۱۲
کتاب ۔ دیوانِ مجروح
مرتبہ ۔ ریاض احمد
صفحہ ‘ ۳۱۲
منہ چھپانے لگے حیا کر کے
ہوےٓ بےگانہ آشنا کر کے
ایسے پھر چہچہے نہ ہوویں گے
مجھ کو پچتاوٓ گے رہا کر کے
لطف کیسا ، وفا ہے کیا ¿ وہ تو
رکھتے احسان ہیں جفا کر کے
رہ کے مسجد میں کیا ہی گھبرایا
رات کاٹی خدا خدا کر کے
اب وہ باتیں کہاں ، کبھی پہلے
گالیاں سنتے تھے دعا کر کے
خوب ملنے کو آئے تھے صاحب !
مجھ کو مجھ سے چلے جدا کر کے
دل ہی نے اس کی خو بگاڑی تھی
ہر گھڑی عرضِ مدعا کر کے
وہ تو غصے میں آگ تھے ، ہم نے
اور بھڑکا دیا گِلہ کر کے
آ ہی کودا تھا دیر میں واعظ
ہم نے ٹالا خدا خدا کر کے
کھو دیا ہاتھ سے انھیں مجروحؔ
یوں ہی ہر روز التجا کر کے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔”””””””””””’ ضیاء علی مغل
