وہ بچهڑا اور دھیان میں اس کے سو عالم ایجاد ہوئے
لائیں کہاں سے بول رسیلے ہونٹوں کی ناداری میں
سمجهو ایک زمانہ گزرا بوسوں کی امداد ہوئے
تم میری اک خود مستی ہو میں ہوں تمہاری خود بینی
رشتے میں اس عشق کے ہم تم دونوں بے بنیاد ہوئے
میرا کیا اک موجِ ہوا ہوں پر، یوں ہے اے غنچہ دہن
تو نے دل کا باغ جو چهوڑا غنچے بے استاد ہوئے
عشق محلے میں اب یارو کیا کوئی معشوق نہیں
کتنے قاتل موسم گزرے ، شور ہوئے، فریاد ہوئے
ہم نے دل کو مار رکها ہے اور جتاتے پهرتے ہیں
ہم دل زخمی مژگاں خونیں، ہم نہ ہوئے جلاد ہوئے
برق کیا ہے عکسِ بدن نے تیرے ہمیں اے تنگ قبا
تیرے بدن پر جتنے تل ہیں سارے ہم کو یاد ہوئے
تو نے کبهی سوچا تو ہوگا،سوچا بهی اے مست ادا
تیری ادا کی آبادی پر کتنے گهر برباد ہوئے
جو کچھ بھی رودادِ سخن تهی ہونٹوں کی دوری سے تهی
جب ہونٹوں سے ہونٹ ملے تو یکدم بے روداد ہوئے
خاک نشینوں سے کوچے کے کیا کیا نخوت کرتے ہیں
جاناں جان ! ترے درباں تو فرعون و شداد ہوئے
شہروں میں ہی خاک اڑا لو شور مچا لو بے حالو
جن دشتوں کی سوچ رہے ہو وہ کب کے برباد ہوئے
سمتوں میں بکهری وہ خلوت، وہ دل کی رنگ آبادی
یعنی وہ جو بام و در تهے یکسر گرد و باد ہوئے
تو نے رندوں کا حق مارا، مے خانے میں رات گئے
شیخ ! کہرے سید ہیں ہم تو، ہم نے سنا ناشاد ہوئے
(جون ایلیا)
المرسل :-: ابوالحسن علی ندوی
