مرحوم لیاقت علی عاصم صاحب کے چند متفرق اشعار مُجھ…

مُجھے مناؤ نہیں ! میرا مَسئلہ سمجھو
خفا نہیں ! میں پریشان ہوں زمانے سے
–
چَھٹتے چَھٹتے بھی اِسے عُمر لگے گی عاصم
یہ کوئی بِھیڑ نہیں ! مجمعِ تنہائی ہے
–
کیسا ہجومِ کوچۂ تنہائی تھا کہ میں
آگے بڑھا نہ دست و گریباں ہوئے بغیر
–
آج کیوں جِی میں یہ آتا ہے کہ سب سے مِلیے
کل کہیں شہر سے جانے کا اِرادہ بهی نہیں
–
آپ اپنے سے کَہاں تک کوئی لڑ سکتا ہے؟
میرے دشمن مِرے احباب کَہاں ہیں جانے؟
–
شام کے سائے میں جیسے پیڑ کا سایا ملے
میرے مٹنے کا تماشا دیکھنے کی چیز تھی
–
دُور تک ساتھ چَلا ایک سگِ آوارہ
آج تنہائی کی اوقات پہ رونا آیا
–
حادثے ہو رہے ہیں، ہونے دو
میں بہت تھک گیا ہوں سونے دو
–
اکیلے پن سے خوف آتا ہے مجھ کو
کہاں ہو اے مرے خوابو خیالو
–
میں سَمجھا میں ڈُوب گیا
عکس گِرا تھا پانی میں

المرسل :-: ابوالحسن علی ندوی