"آج بازار میں پابَجولاں چلو”
چشمِ نَم جانِ شوریدہ کافی نہیں
تہمتِ عشق پوشیدہ کافی نہیں
آج بازار میں پا بہ جولاں چلو
دست افشاں چلو مست و رقصاں چلو
خاک بر سر چلو خُوں بداماں چلو
راہ تکتا ہے سب شہرِ جاناں چلو
حاکمِ شہر بھی مجمعِ عام بھی
تیرِ الزام بھی سنگِ دُشنام بھی
صُبحِ ناشاد ہی روزِ ناکام بھی
اِن کا دَم ساز اپنے سِوا کون ہے؟
شہر جاناں میں اب با صفا کون ہے؟
دستِ قاتل کے شایاں رہا کون ہے؟
رَختِ دل باندھ لو دِل فگارو چلو
پھر ہمیں قتل ہو آئیں یارو چلو
(فیض احمّد فیض)
انتخاب :-: ابوالحسن علی ندوی
