کلام ۔ فیض احمد فیض
کتاب ۔ نسخہ ھاےٓ وفا ۔ صفحہ ۳۳۹
دستِ تہِ سنگ کا صفحہ ۴۹
کتاب ۔ نسخہ ھاےٓ وفا ۔ صفحہ ۳۳۹
دستِ تہِ سنگ کا صفحہ ۴۹
۔۔۔۔۔۔۔۔۔۔۔۔۔۔۔۔۔۔۔۔۔ زندگی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملکہٓ شہرِ زندگی تیرا : شُکر کسِ طور سے ادا کیجئے
دولتِ دل کا کچھ شمار نہیں : تنگ دستی کا کیا گلہ کیجے
جو ترے حُسن کے فقیر ہوئے : ان کو تشویشِ روزگار کہاں؟
درد بیچیں گے گیت گائیں گے : اِس سے خوش وقت کاروبارکہا ں؟
جام چھلکا تو جم گئی محفل : مِنّتِ لُطفِ غم گسار کسے؟
اشک ٹپکا تو کِھل گیا گلشن : رنجِ کم ظرفیِ بہار کسے؟
خوش نشیں ہیں کہ چشم و دل کی مراد : دَیر میں ہے نہ خانقاہ میں ہے
ہم کہاں قسمت آزمانے جائیں : ہر صنم اپنی بارگاہ میں ہے
کون ایسا غنی ہے جس سے کوئی : نقدِ شمس و قمر کی بات کرے
جس کو شوقِ نبرد ہو ہم سے : جاےٓ تسخیرِ کائنات کرے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔”””””’
