( غیر مطبوعہ ) کیســـــــا عجیب درد ہے دل میں…
( غیر مطبوعہ )
کیســـــــا عجیب درد ہے دل میں' نہ پوچھیے
موسِـم بھی ہائے سرد ہے دل میں' نہ پوچھیے
یوں تو ہزاروں رنگ ہیں، فطرت کے جا بجا
لیکن جو سَــیلِ زرد ہے دل میں ' نہ پوچھیے
عکــسِ جمــــــــالِ یار ہی دھندلا نہیـــــں ہوا
آئینہ بھی تو گَـــرد ہے دل میں ' نہ پوچھیے
دیتی نہیں ہے یاد بھی اس کی ہمــــارا ساتھ
ہر داغ فـــرد فـــرد ہے دل میں' نہ پوچھیے
اک تُخـــــــــــم نا رَسـائی کا بویا گیا، سحَـر ؔ!
ہربرگ و شاخ زرد ہے دل میں نہ پوچھیے
( شـائسـتہ سَـحَـر ؔ )
— with Shaista Sehar.
