#hamidnaved ﮐﺒﮭﯽ ﺍِﺱ ﻃﺮﻑ ﺩﮬﯿﺎﻥ ﮨﯽ ﻧﮩﯿﮟ ﮔﯿﺎ، ﺁﺝ …

#hamidnaved

ﮐﺒﮭﯽ ﺍِﺱ ﻃﺮﻑ ﺩﮬﯿﺎﻥ ﮨﯽ ﻧﮩﯿﮟ ﮔﯿﺎ، ﺁﺝ ﺳﻮﭼﻨﮯ ﺑﯿﭩﮭﺎ ﮨﻮﮞ ﺗﻮ ﯾﮧ ﮨﻮﻟﻨﺎﮎ ﺍﻧﮑﺸﺎﻑ ﮨﻮﺍ ﮨﮯ ﮐﮧ ﻣﺠﮭﮯ ﺗﻮ ﺍﭘﻨﮯ ﮐﺴﯽ ﺑﭽﭙﻦ ﮐﮯ ﺩﻭﺳﺖ ﮐﺎ ﻧﺎﻡ ﮨﯽ ﯾﺎﺩ ﻧﮩﯿﮟ۔ﮐﺎﻓﯽ ﺩﻧﻮﮞ ﺳﮯ ﻣﯿﮟ ﻓﯿﺲ ﺑﮏ ﭘﺮ ﺍﭘﻨﮯ ﺑﭽﭙﻦ ﮐﮯ ﺩﻭﺳﺘﻮﮞ ﮐﻮ ﮈﮬﻮﻧﮉﻧﮯ ﮐﯽ ﭘﻼﻧﻨﮓ ﮐﺮ ﺭﮨﺎ ﺗﮭﺎ، ﺁﺝ ﻓﺮﺻﺖ ﺍﻭﺭﻓﺮﺍﻏﺖ ﻣﻠﯽ ﺗﻮ ﻣﯿﮟ ﺑُﺖ ﺑﻨﺎ ﺑﯿﭩﮭﺎ ﮨﻮﮞ، ﮐﺲ ﺩﻭﺳﺖ ﮐﻮ ﮈﮬﻮﻧﮉﻭﮞ؟ ﮔﻠﻮ، ﺑﺒﺎ، ﺷﯿﺪﺍ، ﺩﯾﻤﯽ،ﭨﯿﺮﯼ، ﺟﮕﻨﻮ، ﻧﺎﺩﯼ، ﻟﻤﺒﻮ، ﭼﮑﺮﯼ، ﺗﯿﮑﯽ، ﭨﺎﺭﺯﻥ، ﮈﮨﻠﻮ، ﺭﻧﮕﻮ، ﺷﺎﻧﯽ، ﺟﺒﯽ،ﻣﻮﭨﻮ، ﮐﺎﻟﻮ، ﻓﻮﺟﺎ،ﺭﮐﮭﺎ .… ﮐﺴﯽ ﮐﺎﺑﮭﯽ ﺍﺻﻞ ﻧﺎﻡ ﻧﮩﯿﮟ ﭘﺘﺎ، ﻧﮧ ﮐﺒﮭﯽ ﺍﺻﻞ ﻧﺎﻡ ﭘﺘﺎ ﮐﺮﻧﮯ ﮐﯽ ﺿﺮﻭﺭﺕ ﭘﮍﯼ، ﻭﮦ ﺑﮭﯽ ﻣﺠﮭﮯ ” ﭘﭙﻮ “ ﮐﮯ ﻧﺎﻡ ﺳﮯ ﮈﮬﻮﻧﮉ ﺭﮨﮯ ﮨﻮﮞ ﮔﮯ ﺍﻭﺭ ﻣﯿﮟ ﯾﮩﺎﮞ ﮔﻞ ﻧﻮﺧﯿﺰﺍﺧﺘﺮ ﺑﻨﺎ ﺑﯿﭩﮭﺎ ﮨﻮﮞ۔ﻧﻮﭦ ﮐﯿﺠﺌﮯ ﮔﺎ، ﮨﻤﺎﺭﮮ ﺍﮐﺜﺮ ﭘﯿﺎﺭﮮ ﺍِﺳﯽ ﺍﺻﻞ ﻧﻘﻞ ﮐﮯ ﭼﮑﺮ ﻣﯿﮟ ﮐﮩﯿﮟ ﮔﻢ ﮨﻮﮔﺌﮯ ﮨﯿﮟ، ﮐﯿﺎ ﺣﺴﯿﻦ ﺩﻭﺭ ﺗﮭﺎ ﺟﺐ ﮐﻮﺋﯽ ﮐﺴﯽ ﮐﯽ ﺍﺻﻠﯿﺖ ﺳﮯ ﻭﺍﻗﻒ ﻧﮩﯿﮟ ﺗﮭﺎ، ﮐﺴﯽ ﮐﻮ ﻧﮩﯿﮟ ﭘﺘﺎ ﺗﮭﺎ ﮐﮧ ﮐﻮﻥ ﺷﯿﻌﮧ ﮨﮯ، ﺳﻨﯽ ﮨﮯ، ﻭﮨﺎﺑﯽ ﮨﮯ ، ﺑﺮﯾﻠﻮﯼ ﮨﮯ ﯾﺎ ﺩﯾﻮﺑﻨﺪﯼ ﮨﮯ۔ﮐﺴﯽ ﮐﯽ ﭘﮩﭽﺎﻥ ﺍُﺱ ﮐﺎ ﻣﺬﮨﺐ ﯾﺎ ﻓﺮﻗﮧ ﻧﮩﯿﮟ ﺗﮭﯽ،ﮨﻢ ﺍﮐﭩﮭﮯ ﮐﮭﯿﻠﺘﮯ ﺗﮭﮯ، ﺍﯾﮏ ﮔﻼﺱ ﻣﯿﮟ ﭘﺎﻧﯽ ﭘﯿﺘﮯ ﺗﮭﮯ، ﺍﯾﮏ ﺟﯿﺴﯽ ﮔﺎﻟﯿﺎﮞ ﻧﮑﺎﻟﺘﮯ ﺗﮭﮯ ﺍﻭﺭ ﺍﯾﮏ ﺟﯿﺴﮯ ﮨﯽ ﮔﮭﺮﻭﮞ ﻣﯿﮟ ﺭﮨﺘﮯ ﺗﮭﮯ۔ﮨﺮ ﮔﮭﺮﻣﻌﻤﻮﻟﯽ ﺗﮭﺎ، ﮨﺮ ﻣﮑﯿﻦ ﺑﮯ ﺿﺮﺭ ﺗﮭﺎ،ﮨﺮ ﺩﻭﮐﺎﻧﺪﺍﺭ ﭼﺎﭼﺎ ﺟﯽ ﺗﮭﺎ، ﮨﺮ ﻋﻮﺭﺕ ﺧﺎﻟﮧ ﺗﮭﯽ۔ ﺩﻭﮐﺎﻧﻮﮞ ﭘﺮ ” ﺟﮭﻮﻧﮕﺎ “ ﻋﺎﻡ ﻣﻠﺘﺎ ﺗﮭﺎ۔ﮐﺴﯽ ﮔﮭﺮ ﺳﮯ ﮐﮭﺎﻧﮯ ﮐﯽ ﮐﻮﺋﯽ ﭼﯿﺰ ﭘﻠﯿﭧ ﻣﯿﮟ ﮈﮬﮑﯽ ﮨﻮﺋﯽ ﺁﺗﯽ ﺗﻮ ﮐﻮﺋﯽ ﻧﮩﯿﮟ ﭘﻮﭼﮭﺘﺎ ﺗﮭﺎ ﮐﮧ ﯾﮧ ﻧﯿﺎﺯ ﮨﮯ، ﮐﻮﻧﮉﮮ ﮨﯿﮟ ﯾﺎ ﺧﺘﻢ ﮐﯽ ﭼﯿﺰ ﮨﮯ۔ ﮐﺴﯽ ﮐﻮ ﮐﺴﯽ ﮐﮯ ﭘﮩﻨﺎﻭﮮ ﭘﺮ ﺍﻋﺘﺮﺍﺽ ﻧﮩﯿﮟ ﺗﮭﺎ، ﺳﺐ ﺑﭽﮯ ﻋﯿﺪ ﻣﯿﻼﺩ ﺍﻟﻨﺒﯽﷺ ﮐﯽ ﻣﺤﻔﻠﻮﮞ ﻣﯿﮟ ﺑﮭﯽ ﮐﮭﺎﻧﮯ ﭘﯿﻨﮯ ﮐﮯ ﻟﯿﮯ ﻣﻮﺟﻮﺩ ﮨﻮﺗﮯ ﺗﮭﮯ ﺍﻭﺭ ﻣﺤﺮﻡ ﻣﯿﮟ ﺷﺮﺑﺖ ﮐﯽ ﺳﺒﯿﻠﻮﮞ ﭘﺮ ﺑﮭﯽ ﮔﻼﺱ ﮐﮯ ﮔﻼﺱ ﭼﮍﮬﺎ ﺟﺎﺗﮯ ﺗﮭﮯ، ﮐﺴﯽ ﮔﮭﺮ ﻣﯿﮟ ﺩﯾﮓ ﭘﮑﺘﯽ ﺗﮭﯽ ﺗﻮ ﻋﻘﯿﺪﮮ ﺳﮯ ﺯﯾﺎﺩﮦ ﭼﺎﻭﻟﻮﮞ ﮐﯽ ﻣﮩﮏ ﺳﺐ ﮐﻮ ﺍﭘﻨﯽ ﻃﺮﻑ ﮐﮭﯿﻨﭽﺘﯽ ﺗﮭﯽ۔ﺑﮯ ﻓﮑﺮﯼ ﺍﯾﺴﯽ ﮐﮧ ﮔﻠﯽ ﻣﯿﮟ ﭼﺎﺭﭘﺎﺋﯿﺎﮞ ﮈﺍﻝ ﮐﺮ ﺳﻮﻧﮯ ﮐﺎ ﺭﻭﺍﺝ ﻋﺎﻡ ﺗﮭﺎ۔ ﺧﻮﻑ ﺍﺑﮭﯽ ﺍﺗﻨﮯ ﺑﮍﮮ ﻧﮩﯿﮟ ﮨﻮﺋﮯ ﺗﮭﮯ، ﺍُﻥ ﮐﺎ ﺣﺠﻢ ﺑﮩﺖ ﮐﻢ ﺗﮭﺎ، ﺳﮑﺎﺋﯽ ﻟﯿﺐ ﮔﺮﻧﮯ ﮐﺎ ﺧﻮﻑ، ﺳﺮﮐﭩﮯ ﮐﮯ ﺁﻧﮯ ﮐﺎ ﺧﻮﻑ،ﺳﯿﻼﺏ ﮐﺎ ﺧﻮﻑ، ﮐﭽﯽ ﭼﮭﺖ ﮔﺮ ﺟﺎﻧﮯ ﮐﺎ ﺧﻮﻑ، ﺍﻣﺘﺤﺎﻥ ﻣﯿﮟ ﻓﯿﻞ ﮨﻮﺟﺎﻧﮯ ﮐﺎ ﺧﻮﻑ، ﺑﯿﭩﯽ ﮐﯽ ﺷﺎﺩﯼ ﻣﯿﮟ ﮐﮭﺎﻧﺎ ﮐﻢ ﭘﮍ ﺟﺎﻧﮯ ﮐﺎ ﺧﻮﻑ۔ﯾﮧ ﺧﻮﻑ ﺑﮍﻭﮞ ﺳﮯ ﺑﭽﻮﮞ ﻣﯿﮟ ﻣﻨﺘﻘﻞ ﮨﻮﺗﮯ ﺗﮭﮯ ، ﺍُﺱ ﺩﻭﺭ ﮐﮯ ﺑﮍﮮ ﺑﮭﯽ ﺗﻮ ﺑﭽﮯ ﮨﯽ ﺗﮭﮯ۔
ﺳﯿﺎﺳﺖ ﺻﺮﻑ ﮐﻮﻧﺴﻠﺮ ﮐﮯ ﺍﻟﯿﮑﺸﻦ ﺗﮏ ﻣﺤﺪﻭﺩ ﺗﮭﯽ، ﮐﻮﻧﺴﻠﺮ ﮨﯽ ﺳﺐ ﺳﮯ ﺑﮍﺍ ﺳﯿﺎﺳﺘﺪﺍﻥ ﺗﺼﻮﺭ ﮐﯿﺎ ﺟﺎﺗﺎ ﺗﮭﺎ۔ﺑﻠﺪﯾﺎﺗﯽ ﺍﻟﯿﮑﺸﻦ ﮐﮯ ﺩﻧﻮﮞ ﻣﯿﮟ ﮐﻮﻧﺴﻠﺮ ﮐﺴﯽ ﺑﮍﮮ ﺳﮯ ﮔﮭﺮ ﮐﮯ ﮐﮭﻠﮯ ﺻﺤﻦ ﻣﯿﮟ ” ﺟﻠﺴﮯ “ ﻣﻨﻌﻘﺪ ﮐﯿﺎ ﮐﺮﺗﮯ ﺗﮭﮯ ﺟﻦ ﻣﯿﮟ ﺣﺎﺿﺮﯾﻦ ﮐﻮ ﺑﻮﺗﻠﯿﮟ ﭘﯿﺶ ﮐﯽ ﺟﺎﺗﯽ ﺗﮭﯿﮟ۔ ﺟﻠﺴﮯ ﮐﮯ ﺑﻌﺪ ﺣﺎﺿﺮﯾﻦ ﻓﺨﺮ ﺳﮯ ﺑﺘﺎﯾﺎ ﮐﺮﺗﮯ ﺗﮭﮯ ﮐﮧ ﺍﻧﮩﻮﮞ ﻧﮯ ﭼﮫ ﺑﻮﺗﻠﯿﮟ ﭘﯽ ﮨﯿﮟ۔ﮨﺮ ﮔﮭﺮ ﮐﮯ ﺩﺭﻭﺍﺯﮮ ﮐﮭﻠﮯ ﺭﮨﺘﮯ ﺗﮭﮯ، ﺑﭽﮯ ﮐﮭﯿﻠﺘﮯ ﮨﻮﺋﮯ ﮐﺴﯽ ﺑﮭﯽ ﮔﮭﺮ ﻣﯿﮟ ﮔﮭﺲ ﺟﺎﺗﮯ ﺗﮭﮯ ﺍﻭﺭ ﺑﻌﺾ ﺍﻭﻗﺎﺕ ﮐﮭﺎﻧﺎ ﺑﮭﯽ ﮐﮭﺎ ﺁﺗﮯ ۔
ﺑﺪﻣﻌﺎﺵ ﻭﮦ ﮨﻮﺗﺎ ﺗﮭﺎ ﺟﺲ ﮐﺎ ﮔﺮﯾﺒﺎﻥ ﮐﮭﻼ ﮨﻮﺗﺎ، ﻧﯿﻔﮯ ﻣﯿﮟ ﮔﺮﺍﺭﯼ ﻭﺍﻻ ﭼﺎﻗﻮ ﮨﻮﺗﺎ ﺍﻭﺭﻭﮦ ﺍﻭﻧﭽﯽ ﺁﻭﺍﺯ ﻣﯿﮟ ﺑﻮﻟﺘﺎ ﺗﮭﺎ، ﺗﺎﮨﻢ ﺍِﺱ ﺑﺪﻣﻌﺎﺵ ﮐﯽ ﺑﺪﻣﻌﺎﺷﯽ ﺑﮭﯽ ﺻﺮﻑ ﮨﻮﭨﻠﻮﮞ ﻣﯿﮟ ﻣﻔﺖ ﭼﺎﺋﮯ ﭘﯿﻨﮯ ﺗﮏ ﻣﺤﺪﻭﺩ ﮨﻮﺗﯽ ﺗﮭﯽ۔ﺍُﺱ ﺩﻭﺭ ﻣﯿﮟ ﻣﺎﺳﭩﺮ ﺍﮔﺮ ﺑﭽﮯ ﮐﻮ ﻣﺎﺭﺗﺎ ﺗﮭﺎ ﺗﻮ ﺑﭽﮧ ﮔﮭﺮ ﺁﮐﺮ ﺍﭘﻨﮯ ﺑﺎﭖ ﮐﻮ ﻧﮩﯿﮟ ﺑﺘﺎﺗﺎ ﺗﮭﺎ، ﺍﻭﺭ ﺍﮔﺮ ﺑﺘﺎﺗﺎ ﺗﮭﺎ ﺗﻮ ﺑﺎﭖ ﺍُﺳﮯ ﺍﯾﮏ ﺍﻭﺭ ﺗﮭﭙﮍ ﺭﺳﯿﺪ ﮐﺮﺩﯾﺘﺎ ﺗﮭﺎ ۔ ﯾﮧ ﻭﮦ ﺩﻭﺭ ﺗﮭﺎ ﺟﺐ ” ﺍﮐﯿﮉﻣﯽ “ ﮐﺎ ﮐﻮﺋﯽ ﺗﺼﻮﺭ ﻧﮧ ﺗﮭﺎ، ﭨﯿﻮﺷﻦ ﭘﮍﮬﻨﮯ ﻭﺍﻟﮯ ﺑﭽﮯ ﻧﮑﻤﮯ ﺷﻤﺎﺭ ﮨﻮﺗﮯ ﺗﮭﮯ ۔ﺑﮍﮮ ﺑﮭﺎﺋﯿﻮﮞ ﮐﮯ ﮐﭙﮍﮮ ﭼﮭﻮﭨﮯ ﺑﮭﺎﺋﯿﻮﮞ ﮐﮯ ﺍﺳﺘﻌﻤﺎﻝ ﻣﯿﮟ ﺁﺗﮯ ﺗﮭﮯ ﺍﻭﺭ ﯾﮧ ﮐﻮﺋﯽ ﻣﻌﯿﻮﺏ ﺑﺎﺕ ﻧﮩﯿﮟ ﺳﻤﺠﮭﯽ ﺟﺎﺗﯽ ﺗﮭﯽ۔ﻟﮍﺍﺋﯽ ﮐﮯ ﻣﻮﻗﻊ ﭘﺮ ﮐﻮﺋﯽ ﭘﺴﺘﻮﻝ ﻧﮩﯿﮟ ﻧﮑﺎﻟﺘﺎ ﺗﮭﺎ، ﺻﺮﻑ ﺍﺗﻨﺎ ﮐﮩﻨﺎ ﮐﺎﻓﯽ ﮨﻮﺗﺎ ﺗﮭﺎ ﮐﮧ ” ﻣﯿﮟ ﺗﻤﮩﺎﺭﮮ ﺍﺑﺎ ﺟﯽ ﺳﮯ ﺷﮑﺎﯾﺖ ﮐﺮﻭﮞ ﮔﺎ،،۔ ﯾﮧ ﺳﻨﺘﮯ ﮨﯽ ﺍﮐﺜﺮ ﻣﺨﺎﻟﻒ ﻓﺮﯾﻖ ﮐﺎ ﺧﻮﻥ ﺧﺸﮏ ﮨﻮﺟﺎﺗﺎ ﺗﮭﺎ۔ﺍُﺱ ﻭﻗﺖ ﮐﮯ ﺍﺑﺎﺟﯽ ﺑﮭﯽ ﮐﻤﺎﻝ ﮐﮯ ﺗﮭﮯ، ﺻﺒﺢ ﺳﻮﯾﺮﮮ ﻓﺠﺮ ﮐﮯ ﻭﻗﺖ ﮐﮍﮐﺪﺍﺭ ﺁﻭﺍﺯ ﻣﯿﮟ ﺳﺐ ﮐﻮ ﻧﻤﺎﺯ ﮐﮯ ﻟﯿﮯ ﺍﭨﮭﺎ ﺩﯾﺎ ﮐﺮﺗﮯ ﺗﮭﮯ۔ﺑﮯ ﻃﻠﺐ ﻋﺒﺎﺩﺗﯿﮟ ﮨﺮ ﮔﮭﺮﮐﺎ ﻣﻌﻤﻮﻝ ﺗﮭﯿﮟ، ﮐﻮﺋﯽ ﮔﻠﯽ ﺍﯾﺴﯽ ﻧﮧ ﺗﮭﯽ ﺟﮩﺎﮞ ﺳﮯ ﻓﺠﺮ ﮐﯽ ﺍﺫﺍﻥ ﮐﮯ ﺑﻌﺪ ﮐﻮﺋﯽ ﺑﺰﺭﮒ ﺑﻠﻨﺪ ﺁﻭﺍﺯﺩﺭﻭﺩ ﺷﺮﯾﻒ ﭘﮍﮬﺘﮯ ﮨﻮﺋﮯ ﻧﮧ ﮔﺬﺭﺗﮯ۔ﮐﺴﯽ ﮔﮭﺮ ﻣﯿﮟ ﻣﮩﻤﺎﻥ ﺁﺟﺎﺗﺎ ﺗﻮ ﺍِﺭﺩﮔﺮﺩ ﮐﮯ ﮨﻤﺴﺎﺋﮯ ﺣﺴﺮﺕ ﺑﮭﺮﯼ ﻧﻈﺮﻭﮞ ﺳﮯ ﺍُﺱ ﮔﮭﺮ ﮐﻮﺩﯾﮑﮭﻨﮯ ﻟﮕﺘﮯ ﺍﻭﺭ ﻓﺮﻣﺎﺋﺸﯿﮟ ﮐﯽ ﺟﺎﺗﯿﮟ ﮐﮧ ” ﭘﺮﻭﮨﻨﮯ “ ﮐﻮ ﮨﻤﺎﺭﮮ ﮔﮭﺮ ﺑﮭﯽ ﻟﮯ ﮐﺮﺁﺋﯿﮟ۔ﺟﺲ ﮔﮭﺮ ﻣﯿﮟ ﻣﮩﻤﺎﻥ ﺁﺗﺎ ﺗﮭﺎ ﻭﮨﺎﮞ ﭘﯿﭩﯽ ﻣﯿﮟ ﺭﮐﮭﮯ، ﻓﯿﻨﺎﺋﻞ ﮐﯽ ﺧﻮﺷﺒﻮ ﻣﯿﮞﻠﺒﮯ ﺑﺴﺘﺮ ﻧﮑﺎﻟﮯ ﺟﺎﺗﮯ ، ﺧﻮﺵ ﺁﻣﺪﯾﺪ ﺍﻭﺭ ﺷﻌﺮﻭﮞ ﮐﯽ ﮐﮍﮬﺎﺋﯽ ﻭﺍﻟﮯ ﺗﮑﺌﮯ ﺭﮐﮭﮯ ﺟﺎﺗﮯ ، ﻣﮩﻤﺎﻥ ﮐﮯ ﻟﯿﮯ ﺩﮬﻼ ﮨﻮﺍ ﺗﻮﻟﯿﮧ ﻟﭩﮑﺎﯾﺎ ﺟﺎﺗﺎﺍﻭﺭﻏﺴﻞ ﺧﺎﻧﮯ ﻣﯿﮟ ﻧﺌﮯ ﺻﺎﺑﻦ ﮐﯽ ﭨﮑﯿﺎ ﺭﮐﮭﯽ ﺟﺎﺗﯽ ﺗﮭﯽ۔ﺟﺲ ﺩﻥ ﻣﮩﻤﺎﻥ ﻧﮯ ﺭﺧﺼﺖ ﮨﻮﻧﺎ ﮨﻮﺗﺎ ﺗﮭﺎ، ﺳﺎﺭﮮ ﮔﮭﺮ ﻭﺍﻟﻮﮞ ﮐﯽ ﺁﻧﮑﮭﻮﮞ ﻣﯿﮟ ﺍﺩﺍﺳﯽ ﮐﮯ ﺁﻧﺴﻮ ﮨﻮﺗﮯ ﺗﮭﮯ، ﻣﮩﻤﺎﻥ ﺟﺎﺗﮯ ﮨﻮﺋﮯ ﮐﺴﯽ ﭼﮭﻮﭨﮯ ﺑﭽﮯ ﮐﻮ ﺩﺱ ﺭﻭﭘﮯ ﮐﺎ ﻧﻮﭦ ﭘﮑﮍﺍﻧﮯ ﮐﯽ ﮐﻮﺷﺶ ﮐﺮﺗﺎ ﺗﻮ ﭘﻮﺭﺍ ﮔﮭﺮ ﺍﺱ ﭘﺮ ﺍﺣﺘﺠﺎﺝ ﮐﺮﺗﮯ ﮨﻮﺋﮯ ﻧﻮﭦ ﻭﺍﭘﺲ ﮐﺮﻧﮯ ﻣﯿﮟ ﻟﮓ ﺟﺎﺗﺎ ، ﺗﺎﮨﻢ ﻣﮩﻤﺎﻥ ﺑﮩﺮﺻﻮﺭﺕ ﯾﮧ ﻧﻮﭦ ﺩﮮ ﮐﺮ ﮨﯽ ﺟﺎﺗﺎ۔ﺑﭽﻮﮞ ﮐﮯ ﻟﯿﮯ ﺗﻔﺮﯾﺢ ﮐﺎ ﻭﺍﺣﺪ ﺫﺭﯾﻌﮧ Slides ﺍﻟﻤﻌﺮﻭﻑ ” ﮔﮭﯿﺴﯿﺎﮞ “ ﮨﻮﺗﯽ ﺗﮭﮯﮞ۔ﻟﻮﮒ ﭼﮭﻮﭨﯽ ﭼﮭﻮﭨﯽ ﺑﺎﺗﻮﮞ ﭘﺮ ﺑﮍﮮ ﺑﮍﮮ ﻗﮩﻘﮩﮯ ﻟﮕﺎﯾﺎ ﮐﺮﺗﮯ ﺗﮭﮯ، ﮐﺴﯽ ﻣﻮﺕ ﭘﺮ ﭘﻮﺭﺍ ﻣﺤﻠﮧ ﺳﻮﮔﻮﺍﺭ ﮨﻮﺟﺎﯾﺎ ﮐﺮﺗﺎ ﺗﮭﺎ،ﮔﻠﯽ ﻣﯿﮟ ﮐﻮﻟﮉ ﮐﺮﯾﻢ ﮐﯽ ﺷﯿﺸﯿﺎﮞ ﺑﮭﺮﻧﮯ ﻭﺍﻻ ﺁﺗﺎ ﺗﻮ ﻣﺤﻠﮯ ﮐﯽ ﺳﺎﺭﯼ ﻟﮍﮐﯿﺎﮞ ﮨﺎﺗﮭﻮﮞ ﻣﯿﮟ ﺁﭨﮫ ﺁﭨﮫ ﺁﻧﮯ ﺍﻭﺭ ﺗﺒﺖ ﺳﻨﻮ ﮐﯽ ﺧﺎﻟﯽ ﺷﯿﺸﯿﺎﮞ ﭘﮑﮍﮮ ﺁﻣﻮﺟﻮﺩ ﮨﻮﺗﯿﮟ۔ﯾﮩﯽ ﺻﺎﺣﺐ ﺩﻧﺪﺍﺳﮧ، ﺳُﺮﻣﮧ، ﭘﺖ ﻣﺎﺭ ﭘﺎﺅﮈﺭ، ﭨﯿﻠﮑﻢ ﭘﺎﺅﮈﺭ ﺍﻭﺭ ﺍﺳﯽ ﺍﻗﺴﺎﻡ ﮐﮯ ﺩﯾﮕﺮ ﭘﺎﺅﮈﺭ ﺑﮭﯽ ﻓﺮﻭﺧﺖ ﮐﯿﺎ ﮐﺮﺗﮯ ﺗﮭﮯ۔ﻟﮍﮐﯿﺎﮞ ﺳﭩﺎﭘﻮ، ﮐﮑﻠﯽ ،ﮐﻮﮐﻼ ﭼﮭﭙﺎﮐﯽ، ﭘﺮﭼﯿﺎﮞ، ﺍﻭﺭ ﮔﮍﯾﻮﮞ ﺳﮯ ﮐﮭﯿﻠﺘﯽ ﺗﮭﯿﮟ، ﻟﮍﮐﮯ ﺍﮈﺍ ﮐﮭﮉﺍ،ﭘﭩﮭﻮ ﮔﻮﻝ ﮔﺮﻡ، ﻟﮑﻦ ﻣﯿﭩﯽ، ﺑﺎﻧﺪﺭ ﮐﻠِﺎ،ﺑﻨﭩﮯ،ﭼﻮﺭﺳﭙﺎﮨﯽ، ﺍﻭﻧﭻ ﻧﯿﭻ، ﯾﺴﻮﭘﻨﺠﻮ، ﭼﮍﯼ ﺍﮈﯼ ﮐﺎﮞ ﺍُﮈﺍ، ﮐﯿﺮﻡ ﺑﻮﺭﮈ ﺍﻭﺭ ﻟﮉ ﻭ ﮐﮯ ﺷﯿﺪﺍﺋﯽ ﺗﮭﮯ۔ﺗﺎﺵ ﮐﮭﯿﻠﻨﮯ ﻭﺍﻟﮯ ﮐﻮ ﺑﮩﺖ ﺑﺮﺍ ﺳﻤﺠﮭﺎ ﺟﺎﺗﺎﺗﮭﺎ۔
ﺷﺎﺩﯼ ﺑﯿﺎﮨﻮﮞ ﻣﯿﮟ ﺳﺎﺭﺍ ﻣﺤﻠﮧ ﺷﺮﯾﮏ ﮨﻮﺗﺎ ﺗﮭﺎ، ﺷﺎﺩﯼ ﻏﻤﯽ ﻣﯿﮟ ﺁﻧﮯ ﺟﺎﻧﮯ ﮐﮯ ﻟﯿﮯ ﺍﯾﮏ ﺟﻮﮌﺍ ﮐﭙﮍﻭﮞ ﮐﺎ ﻋﻠﯿﺤﺪﮦ ﺳﮯ ﺭﮐﮭﺎ ﺟﺎﺗﺎ ﺗﮭﺎ ﺟﻮ ﺍِﺳﯽ ﻣﻮﻗﻊ ﭘﺮ ﺍﺳﺘﻌﻤﺎﻝ ﻣﯿﮟ ﻻﯾﺎ ﺟﺎﺗﺎ ﺗﮭﺎ، ﺟﺲ ﮔﮭﺮ ﻣﯿﮟ ﺷﺎﺩﯼ ﮨﻮﺗﯽ ﺗﮭﯽ ﺍُﻥ ﮐﮯ ﻣﮩﻤﺎﻥ ﺍﮐﺜﺮ ﻣﺤﻠﮯ ﮐﮯ ﺩﯾﮕﺮ ﮔﮭﺮﻭﮞ ﻣﯿﮟ ﭨﮭﮩﺮﺍﺋﮯ ﺟﺎﺗﮯ ﺗﮭﮯ، ﻣﺤﻠﮯ ﮐﯽ ﺟﺲ ﻟﮍﮐﯽ ﮐﯽ ﺷﺎﺩﯼ ﮨﻮﺗﯽ ﺗﮭﯽ ﺑﻌﺪ ﻣﯿﮟ ﭘﻮﺭﺍ ﻣﺤﻠﮧ ﺑﺎﺭﯼ ﺑﺎﺭﯼ ﻣﯿﺎﮞ ﺑﯿﻮﯼ ﮐﯽ ﺩﻋﻮﺕ ﮐﺮﺗﺎ ﺗﮭﺎ۔ﮐﺒﮭﯽ ﮐﺴﯽ ﻧﮯ ﺍﭘﻨﺎ ﻋﻘﯿﺪﮦ ﮐﺴﯽ ﭘﺮ ﺗﮭﻮﭘﻨﮯ ﮐﯽ ﮐﻮﺷﺶ ﻧﮩﯿﮟ ﮐﯽ، ﮐﺒﮭﯽ ﮐﺎﻓﺮ ﮐﺎﻓﺮ ﮐﮯ ﻧﻌﺮﮮ ﻧﮩﯿﮟ ﻟﮕﮯ، ﺳﺐ ﮐﺎ ﺭﻭﻧﺎ ﮨﻨﺴﻨﺎ ﺳﺎﻧﺠﮭﺎ ﺗﮭﺎ، ﺳﺐ ﮐﮯ ﺩُﮐﮫ ﺍﯾﮏ ﺟﯿﺴﮯ ﺗﮭﮯ ، ﺳﺐ ﻏﺮﯾﺐ ﺗﮭﮯ، ﺳﺐ ﺧﻮﺷﺤﺎﻝ ﺗﮭﮯ، ﮐﺴﯽ ﮐﺴﯽ ﮔﮭﺮ ﻣﯿﮟ ﺑﻠﯿﮏ ﺍﯾﻨﮉ ﻭﺍﺋﭧ ﭨﯽ ﻭﯼ ﮨﻮﺗﺎ ﺗﮭﺎ ﺍﻭﺭ ﺳﺎﺭﮮ ﻣﺤﻠﮯ ﮐﮯ ﺑﭽﮯ ﻭﮨﯿﮟ ﺟﺎﮐﺮ ﮈﺭﺍﻣﮯ ﺩﯾﮑﮭﺘﮯ ﺗﮭﮯ۔ﺩﻭﮐﺎﻧﺪﺍﺭ ﮐﻮ ﮐﮭﻮﭨﺎ ﺳﮑﺎ ﭼﻼ ﺩﯾﻨﺎ ﮨﯽ ﺳﺐ ﺳﮯ ﺑﮍﺍ ﻓﺮﺍﮈ ﮨﻮﺗﺎ ﺗﮭﺎ، ﮔﮭﺮﻭﮞ ﻣﯿﮟ ﭼﻮﺭﯾﺎﮞ ﮨﻮﺗﯽ ﺗﮭﯿﮟ،ﮈﺍﮐﮯ ﻧﮩﯿﮟ ﭘﮍﺗﮯ ﺗﮭﮯ۔ﯾﮧ ﻭﮦ ﻭﻗﺖ ﺗﮭﺎ ﺟﺐ ﺍﻣﯽ ﮨﻮﺗﯽ ﺗﮭﯽ ﯾﺎ ﻣﺎﮞ۔ﻣﻤﯽ ، ﻣﻤﺎ ﯾﺎ ﻣﺎﻡ ﺍﯾﺴﮯ ﺍﻟﻔﺎﻅ ﺍﺑﮭﯽ ﺍﯾﺠﺎﺩ ﻧﮩﯿﮟ ﮨﻮﺋﮯ ﺗﮭﮯ، ﻭﺍﻟﺪ ﺻﺎﺣﺐ ﮐﻮ ﺑﮭﯽ ﺍﺑﻮ، ﺑﺎﺑﺎ ﺍﻭﺭ ﺍﺑﺎ ﺟﯽ ﮐﮩﺎ ﺟﺎﺗﺎ ﺗﮭﺎ، ﮐﻮﺋﯽ ﭘﺎﭘﺎ، ﮈﯾﮉﯼ، ﮈﯾﮉ ﻧﮩﯿﮟ ﮨﻮﺗﺎ ﺗﮭﺎ۔ﮐﻮﺋﯽ ﺑﯿﻤﺎﺭ ﮨﻮﺗﺎ ﺗﮭﺎ ﺗﻮ ﭘﻮﺭﺍ ﻣﺤﻠﮧ ﻋﯿﺎﺩﺕ ﮐﻮ ﺍﻣﮉ ﭘﮍﺗﺎ ﺗﮭﺎ،ﺑﺰﺭﮔﻮﮞ ﮐﯽ ﺩﻋﺎﺋﯿﮟ ﻟﯽ ﺟﺎﺗﯽ ﺗﮭﯿﮟ،ﺳﺮﺷﺎﻡ ﮨﯽ ﻟﻮﮒ ﺳﻮﻧﮯ ﮐﯽ ﺗﯿﺎﺭﯾﺎﮞ ﮐﺮﻧﮯ ﻟﮕﺘﮯ ﺗﮭﮯ ﺍﻭﺭ ﺍﮔﻠﮯ ﺩﻥ ﮨﺸﺎﺵ ﺑﺸﺎﺵ ﺍﭨﮭﺘﮯ ﺗﮭﮯ، ﮐﺴﯽ ﻧﮯ ﺷﻮﮔﺮ، ﮨﭙﺎﭨﺎﺋﭩﺲ، ﺍﯾﮉﺯ، ﮈﯾﻨﮕﯽ، ﺑﻠﮉ ﭘﺮﯾﺸﺮ،ﮈﭘﺮﯾﺸﻦ ﮐﺎﻧﺎﻡ ﺗﮏ ﻧﮩﯿﮟ ﺳﻨﺎ ﺗﮭﺎ، ﺳﺐ ﮐﻮ ﻧﯿﻨﺪ ﺁﺗﯽ ﺗﮭﯽ ﺍﻭﺭ ﺧﻮﺏ ﺁﺗﯽ ﺗﮭﯽ۔ﻧﺎﺷﺘﮯ ﺍﻭﺭﺭﺍﺕ ﮐﮯ ﮐﮭﺎﻧﮯ ﭘﺮ ﺳﺐ ﺍﮐﭩﮭﮯ ﺑﯿﭩﮭﺘﮯ ﺗﮭﮯ۔ﻣﺬﮨﺐ ﮐﺒﮭﯽ ﻣﻮﺿﻮﻉ ِ ﮔﻔﺘﮕﻮ ﻧﮩﯿﮟ ﮨﻮﺗﺎ ﺗﮭﺎﮐﯿﻮﻧﮑﮧ ﺍُﺱ ﻭﻗﺖ ﺳﺒﮭﯽ ﻣﺴﻠﻤﺎﻥ ﺗﮭﮯ۔ﯾﮧ ﻭﮦ ﻭﻗﺖ ﺗﮭﺎ ﺟﺐ ﺯﻣﯿﻨﯽ ﻓﺎﺻﻠﮯ ﺯﯾﺎﺩﮦ ﺍﻭﺭ ﺩِﻟﻮﮞ ﮐﮯ ﻓﺎﺻﻠﮯ ﺑﮩﺖ ﮐﻢ ﺗﮭﮯ۔ﺍُﻥ ﺩﻧﻮﮞ ﻣﻮﺑﺎﺋﻞ ﻧﻤﺒﺮ ﻧﮩﯿﮟ ” ﭘﯽ ﭘﯽ “ ﻧﻤﺒﺮ ﮨﻮﺗﺎ ﺗﮭﺎ ﺟﻮ ﮨﻤﺴﺎﺋﮯ ﮐﺎ ﭨﯿﻠﯽ ﻓﻮﻥ ﻧﻤﺒﺮ ﮨﻮﺗﺎ ﺗﮭﺎ۔ﻣﺼﺮﻭﻑ ﺳﮯ ﻣﺼﺮﻭﻑ ﺑﻨﺪﮦ ﺑﮭﯽ ﺷﺎﻡ ﮐﻮ ﻓﺎﺭﻍ ﮨﻮﮐﺮ ﮔﮭﺮ ﻟﻮﭨﺘﺎ ﺗﮭﺎ، ﺗﺐ Busy ﮨﻮﻧﮯ ﮐﺎ ﺭﻭﺍﺝ ﻧﮩﯿﮟ ﭘﮍﺍ ﺗﮭﺎ۔ﺗﺐ ﺑﮩﺖ ﺍﻣﯿﺮ ﻟﻮﮒ ﺑﮭﯽ ﻧﮩﯿﮟ ﮨﻮﺗﮯ ﺗﮭﮯ، ﻏﺮﯾﺐ ﮨﻮﺗﮯ ﺗﮭﮯ ﯾﺎ ﻏﺮﯾﺒﻮﮞ ﺳﮯ ﮐﭽﮫ ﺑﮩﺘﺮ۔ﺣﯿﺮﺕ ﮐﯽ ﺑﺎﺕ ﮨﮯ ﮐﮧ ﺗﺐ ﺟﻤﮩﻮﺭﯾﺖ ﺑﮭﯽ ﻧﮩﯿﮟ ﮨﻮﺗﯽ ﺗﮭﯽ۔ﻣﯿﮟ ﺍُﺱ ﺩﻭﺭ ﮐﮯ ﺩﻭﺳﺘﻮﮞ ﮐﻮ ﮈﮬﻮﻧﮉﻧﮯ ﺑﯿﭩﮫ ﮔﯿﺎ ﮨﻮﮞ ﺟﺲ ﺩﻭﺭ ﮐﺎ ﺳﮑﮧ ﺑﮭﯽ ﻧﺎﭘﯿﺪ ﮨﮯ۔ﮐﻮﺋﯽ ﺣﺎﻝ ﻧﮩﯿں.
ﮔﻞ ﻧﻮ ﺧﯿﺰ ﺍﺧﺘﺮ