#hamidnaved
حاصل از عمیرہ احمد
قسط نمبر 10
_________
ﺍﻥ ﺩﻧﻮﮞ ﺍﺱ ﮐﮯ ﻟﯿﮯ ﮔﮭﺮ ﻣﯿﮟ ﺍﯾﮏ ﭘﺮﭘﻮﺯﻝ ﺁﯾﺎ ﮨﻮﺍ ﺗﮭﺎ – ﺍﺱ ﮐﮯ ﺍﺑﻮ ﮐﻮ ﯾﮧ ﭘﺮﭘﻮﺯﻝ ﺑﮩﺖ ﭘﺴﻨﺪ ﺁﯾﺎ ﺗﮭﺎ – ﺍﻧﮩﻮﮞ ﻧﮯ ﺛﺎﻧﯿﮧ ﮐﯽ ﻣﺮﺿﯽ ﭘﻮﭼﮭﯽ ﺗﮭﯽ ﺍﻭﺭ ﺍﺱ ﻧﮯ ﺍﻧﮑﺎﺭ ﮐﺮ ﺩﯾﺎ ﺗﮭﺎ –
” ﻣﮕﺮ ﺗﻢ ﺁﺧﺮ ﺍﻧﮑﺎﺭ ﮐﯽ ﮐﻮﺋﯽ ﻭﺟﮧ ﺗﻮ ﺑﺘﺎﺅ – ﺍﺗﻨﺎ ﺍﭼﮭﺎ ﺭﺷﺘﮧ ﺁﺧﺮ ﺗﻤﮩﯿﮟ ﮐﯿﻮﮞ ﭘﺴﻨﺪ ﻧﮩﯿﮟ؟ ” ﺍﺱ ﮐﯽ ﺍﻣﯽ ﺣﯿﺮﺍﻥ ﺗﮭﯿﮟ –
” ﺑﺲ ﻣﯿﮟ ﻧﮯ ﮐﮩﺎ ﻧﮧ ﮐﮧ ﻣﯿﮟ ﺍﺑﮭﯽ ﺁﮔﮯ ﭘﮍﮬﻨﺎ ﭼﺎﮨﺘﯽ ﮨﻮﮞ – ﮔﺮﯾﺠﻮﯾﺸﻦ ﮐﺮﻧﮯ ﺳﮯ ﭘﮩﻠﮯ ﻣﺠﮭﮯ ﺷﺎﺩﯼ ﻧﮩﯿﮟ ﮐﺮﻧﯽ "-
” ﺗﻮ ﮨﻢ ﺗﻤﮩﺎﺭﯼ ﻣﻨﮕﻨﯽ ﮐﺮ ﺩﯾﺘﮯ ﮨﯿﮟ – ﺗﻢ ﮔﺮﯾﺠﻮﯾﺸﻦ ﮐﺮ ﻟﯿﻨﺎ "-
” ﻣﺠﮭﮯ ﻣﻨﮕﻨﯽ ﺑﮭﯽ ﻧﮩﯿﮟ ﮐﺮﻧﯽ – ﻣﺠﮭﮯ ﯾﮧ ﺭﺷﺘﮧ ﭘﺴﻨﺪ ﮨﯽ ﻧﮩﯿﮟ ﮨﮯ "-
ﻭﮦ ﭼﻼﻧﮯ ﻟﮕﯽ ﺗﮭﯽ – ﺍﺱ ﮐﯽ ﺍﻣﯽ ﭘﮩﻠﯽ ﺑﺎﺭ ﭘﺮﯾﺸﺎﻥ ﮨﻮﺋﯽ ﺗﮭﯿﮟ – ﭘﭽﮭﻠﮯ ﮐﺌﯽ ﻣﺎﮦ ﻣﯿﮟ ﻭﮦ ﺑﮩﺖ ﺳﮯ ﺭﺷﺘﮯ ﭨﮭﮑﺮﺍ ﭼﮑﯽ ﺗﮭﯽ –
” ﮐﯿﺎ ﺗﻤﮩﯿﮟ ﮐﻮﺋﯽ ﺍﻭﺭ ﭘﺴﻨﺪ ﮨﮯ؟ ” ﺍﻧﮩﻮﮞ ﻧﮯ ﺩﮬﮍﮐﺘﮯ ﺩﻝ ﮐﮯ ﺳﺎﺗﮫ ﺍﺱ ﺳﮯ ﭘﻮﭼﮭﺎ ﺗﮭﺎ –
” ﻣﺠﮭﮯ ﮐﻮﺋﯽ ﭘﺴﻨﺪ ﻧﮩﯿﮟ ﮨﮯ ﻣﮕﺮ ﻣﺠﮭﮯ ﺍﺑﮭﯽ ﺷﺎﺩﯼ ﯾﺎ ﻣﻨﮕﻨﯽ ﮐﭽﮫ ﺑﮭﯽ ﻧﮩﯿﮟ ﮐﺮﻧﺎ ﮨﮯ "-
ﺍﺱ ﮐﯽ ﺍﻣﯽ ﺧﺎﻣﻮﺷﯽ ﺳﮯ ﮐﻤﺮﮮ ﺳﮯ ﻧﮑﻞ ﮔﺌﯿﮟ ﺗﮭﯿﮟ – ﺛﺎﻧﯿﮧ ﻧﮯ ﺳﮑﻮﻥ ﮐﺎ ﺳﺎﻧﺲ ﻟﯿﺎ ﺗﮭﺎ – ﺍﺱ ﮐﺎ ﺧﯿﺎﻝ ﺗﮭﺎ ﮐﮧ ﺍﺱ ﺑﺎﺭ ﺑﮭﯽ ﺑﻼ ﭨﻞ ﮔﺌﯽ ﮨﮯ ﻣﮕﺮ ﺍﯾﺴﺎ ﻧﮩﯿﮟ ﺗﮭﺎ –
ﺗﯿﻦ ﺩﻥ ﺑﻌﺪ ﺍﺱ ﮐﮯ ﻭﺍﻟﺪﯾﻦ ﻧﮯ ﻟﮍﮐﮯ ﻭﺍﻟﻮﮞ ﮐﻮ ﮨﺎﮞ ﮐﺮ ﺩﯼ ﺗﮭﯽ ﺍﻭﺭ ﻣﻨﮕﻨﯽ ﮐﯽ ﺗﺎﺭﯾﺦ ﺑﮭﯽ ﻃﮯ ﮐﺮ ﺩﯼ ﺗﮭﯽ – ﺍﺱ ﮐﮯ ﭼﯿﺨﻨﮯ ﺍﻭﺭ ﭼﻼﻧﮯ ﮐﯽ ﺍﻧﮩﻮﮞ ﻧﮯ ﭘﺮﻭﺍﮦ ﻧﮩﯿﮟ ﮐﯽ ﺗﮭﯽ –
” ﺗﻢ ﻣﻨﮕﻨﯽ ﮨﻮﻧﮯ ﺩﻭ – ﻣﻨﮕﻨﯽ ﺳﮯ ﮐﭽﮫ ﻧﮩﯿﮟ ﮨﻮﺗﺎ – ﮐﻢ ﺍﺯ ﮐﻢ ﺭﻭﺯ ﺭﻭﺯ ﮐﮯ ﭘﺮﭘﻮﺯﻝ ﺳﮯ ﺗﻮ ﺗﻤﮩﺎﺭﯼ ﺟﺎﻥ ﭼﮭﻮﭦ ﺟﺎﺋﮯ ﮔﯽ –
ﮈﯾﻮﮈ ﺳﮯ ﺭﺍﺑﻄﮧ ﮐﺮﻧﮯ ﭘﺮ ﺍﺱ ﻧﮯ ﺛﺎﻧﯿﮧ ﮐﻮ ﺳﻤﺠﮭﺎﯾﺎ ﺗﮭﺎ –
” ﻟﯿﮑﻦ ﮈﯾﻮﮈ ! ﺍﮔﺮ ﺍﻧﮩﻮﮞ ﻧﮯ ﺷﺎﺩﯼ ﮐﮯ ﻟﯿﮯ ﺍﺻﺮﺍﺭ ﮐﯿﺎ ﺗﻮ؟ ”
” ﺗﺐ ﺩﯾﮑﮭﺎ ﺟﺎﺋﮯ ﮔﺎ – ﻓﯽ ﺍﻟﺤﺎﻝ ﺗﻢ ﮐﺴﯽ ﭘﺮ ﮐﭽﮫ ﻇﺎﮨﺮ ﻣﺖ ﮐﺮﻭ "-
ﺍﺱ ﻧﮯ ﮈﯾﻮﮈ ﮐﮯ ﮐﮩﻨﮯ ﭘﺮ ﺧﺎﻣﻮﺷﯽ ﺳﮯ ﻣﻨﮕﻨﯽ ﮐﺮﻭﺍ ﻟﯽ ﺗﮭﯽ – ﺍﺱ ﮐﯽ ﺧﺎﻣﻮﺷﯽ ﭘﺮ ﺳﺐ ﻧﮯ ﺳﮑﻮﻥ ﮐﺎ ﺳﺎﻧﺲ ﻟﯿﺎ ﺗﮭﺎ – ﻟﯿﮑﻦ ﺛﺎﻧﯿﮧ ﮐﮯ ﺩﻝ ﻣﯿﮟ ﺍﻥ ﺳﺐ ﮐﮯ ﺧﻼﻑ ﮔﺮﮦ ﭘﮍ ﭼﮑﯽ ﺗﮭﯽ –
” ﺍﻥ ﻟﻮﮔﻮﮞ ﮐﮯ ﻧﺰﺩﯾﮏ ﻣﯿﮟ ﺍﻧﺴﺎﻥ ﻧﮩﯿﮟ، ﺑﮭﯿﮍ ﺑﮑﺮﯼ ﮨﻮﮞ – ﺟﺴﮯ ﻭﮦ ﺟﺐ ﭼﺎﮨﯿﮟ، ﺟﺴﮑﮯ ﻟﯿﮯ ﭼﺎﮨﯿﮟ ﺫﺑﺢ ﮐﺮ ﺩﯾﮟ "-
ﻣﻨﮕﻨﯽ ﮐﯽ ﺍﻧﮕﻮﭨﮭﯽ ﭘﮩﻨﺘﮯ ﮨﻮﺋﮯ ﺍﺱ ﻧﮯ ﺳﻮﭼﺎ ﺗﮭﺎ – ﻣﻨﮕﻨﯽ ﮐﮯ ﭼﻨﺪ ﮨﻔﺘﻮﮞ ﮐﮯ ﺑﻌﺪ ﮨﯽ ﺍﺱ ﮐﮯ ﺳﺴﺮﺍﻝ ﻭﺍﻟﻮﮞ ﻧﮯ ﺷﺎﺩﯼ ﮐﯽ ﺗﺎﺭﯾﺦ ﻃﮯ ﮐﺮﻧﮯ ﭘﺮ ﺍﺻﺮﺍﺭ ﺷﺮﻭﻉ ﮐﺮ ﺩﯾﺎ – ﻭﮦ ﺑﺮﯼ ﻃﺮﺡ ﺳﭩﭙﭩﺎﺋﯽ ﺗﮭﯽ –
” ﮈﯾﻮﮈ ! ﺍﺏ ﺗﻢ ﭘﻠﯿﺰ ﺍﭘﻨﮯ ﭘﯿﺮﻧﭩﺲ ﺳﮯ ﺑﺎﺕ ﮐﺮﻭ – ﻣﯿﺮﮮ ﺍﺑﻮ ﭼﻨﺪ ﻣﺎﮦ ﺗﮏ ﻣﯿﺮﯼ ﺷﺎﺩﯼ ﮐﯽ ﺗﺎﺭﯾﺦ ﻃﮯ ﮐﺮ ﺩﯾﮟ ﮔﮯ ﺍﻭﺭ ﻣﺠﮭﮯ ﺍﺱ ﺳﮯ ﭘﮩﻠﮯ ﺍﺱ ﮔﮭﺮ ﺳﮯ ﻧﮑﻠﻨﺎ ﮨﮯ "-
ﮈﯾﻮﮈ ﺍﺱ ﮐﯽ ﺑﺎﺕ ﭘﺮ ﭘﺮﯾﺸﺎﻥ ﮨﻮ ﮔﯿﺎ ﺗﮭﺎ – ﻭﮦ ﺭﻭ ﺭﮨﯽ ﺗﮭﯽ –
” ﭘﻠﯿﺰ ﺛﺎﻧﯿﮧ ! ﺗﻢ ﺭﻭﻧﺎ ﺑﻨﺪ ﮐﺮ ﺩﻭ – ﻣﯿﮟ ﮐﭽﮫ ﻧﮧ ﮐﭽﮫ ﮐﺮﺗﺎ ﮨﻮﮞ ﻟﯿﮑﻦ ﺗﻢ ﺭﻭﺗﯽ ﺭﮨﻮ ﮔﯽ ﺗﻮ ﻣﯿﺮﮮ ﻟﯿﮯ ﮐﭽﮫ ﮐﺮﻧﺎ ﺑﮩﺖ ﻣﺸﮑﻞ ﮨﻮ ﺟﺎﺋﮯ ﮔﺎ "-
ﺍﺱ ﻧﮯ ﺛﺎﻧﯿﮧ ﮐﺎ ﮨﺎﺗﮫ ﺳﮩﻼﺗﮯ ﮨﻮﺋﮯ ﮐﮩﺎ ﺗﮭﺎ –
” ﻣﯿﮟ ﺍﭘﻨﮯ ﭘﯿﺮﻧﭩﺲ ﺳﮯ ﺍﯾﮏ ﺩﻭ ﺩﻥ ﻣﯿﮟ ﺑﺎﺕ ﮐﺮﺗﺎ ﮨﻮﮞ – ﺩﯾﮑﮭﺘﺎ ﮨﻮﮞ، ﺍﻥ ﮐﺎ ﮐﯿﺎ ﺭﯼ ﺍﯾﮑﺸﻦ ﮨﻮﺗﺎ ﮨﮯ "-
ﻭﮦ ﺑﮩﺖ ﻓﮑﺮﻣﻨﺪ ﻟﮓ ﺭﮨﺎ ﺗﮭﺎ –
ﺭﺑﯿﮑﺎ ﺗﯿﻦ ﺩﻥ ﺳﮯ ﮐﺎﻟﺞ ﻧﮩﯿﮟ ﺁ ﺭﮨﯽ ﺗﮭﯽ – ﺗﯿﺴﺮﮮ ﺩﻥ ﺍﺳﮯ ﮔﯿﭧ ﺳﮯ ﺍﻧﺪﺭ ﺩﺍﺧﻞ ﮨﻮﺗﮯ ﺩﯾﮑﮫ ﮐﺮ ﺛﺎﻧﯿﮧ ﺗﯿﺮ ﮐﯽ ﻃﺮﺡ ﺍﺱ ﮐﮯ ﭘﺎﺱ ﮔﺌﯽ ﺗﮭﯽ –
” ﮐﯿﺎ ﮨﻮﺍ ﺑﮭﺌﯽ؟ ﺍﺗﻨﮯ ﺩﻥ ﺳﮯ ﮐﮩﺎﮞ ﺗﮭﯿﮟ؟ ﻣﯿﮟ ﻧﮯ ﻓﻮﻥ ﮐﯿﺎ ﺗﻮ ﺗﻤﮭﺎﺭﮮ ﻣﻼﺯﻡ ﻧﮯ ﺑﺘﺎﯾﺎ ﮐﮧ ﺗﻢ ﮔﮭﺮ ﭘﺮ ﻧﮩﯿﮟ ﮨﻮ – ﮐﮩﺎﮞ ﮔﺌﯽ ﮨﻮﺋﯽ ﺗﮭﯿﮟ – ﻣﺠﮭﮯ ﺑﺘﺎﯾﺎ "……
ﺛﺎﻧﯿﮧ ﺑﺎﺕ ﮐﺮﺗﮯ ﮐﺮﺗﮯ ﺍﭼﺎﻧﮏ ﺭﮎ ﮔﺌﯽ ﺗﮭﯽ – ﺍﺳﮯ ﺍﺣﺴﺎﺱ ﮨﻮﺍ ﺗﮭﺎ ﮐﮧ ﺭﺑﯿﮑﺎ ﺍﺳﮯ ﺑﮩﺖ ﻋﺠﯿﺐ ﻧﻈﺮﻭﮞ ﺳﮯ ﺩﯾﮑﮫ ﺭﮨﯽ ﺗﮭﯽ –
” ﺛﺎﻧﯿﮧ ! ﻣﺠﮭﮯ ﺗﻢ ﺳﮯ ﺑﮩﺖ ﺳﯽ ﺑﺎﺗﯿﮟ ﮐﺮﻧﯽ ﮨﯿﮟ – ﮨﻢ ﮐﻼﺱ ﻣﯿﮟ ﻧﮩﯿﮟ ﺟﺎ ﺭﮨﮯ ﮨﯿﮟ "- ﺭﺑﯿﮑﺎ ﻧﮯ ﺳﺮﺩ ﻟﮩﺠﮯ ﻣﯿﮟ ﺍﺱ ﺳﮯ ﮐﮩﺎ ﺗﮭﺎ –
” ﺗﻢ ﮈﯾﻮﮈ ﮐﮯ ﺳﺎﺗﮫ ﮐﯿﺎ ﮐﺮﻧﺎ ﭼﺎﮨﺘﯽ ﮨﻮ؟ ” ﻻﻥ ﮐﮯ ﺍﯾﮏ ﺳﻨﺴﺎﻥ ﮔﻮﺷﮯ ﻣﯿﮟ ﺁﺗﮯ ﮨﯽ ﺍﺱ ﻧﮯ ﭘﻮﭼﮭﺎ ﺗﮭﺎ – ﺛﺎﻧﯿﮧ ﮐﭽﮫ ﺑﻮﻝ ﻧﮩﯿﮟ ﺳﮑﯽ –
” ﻣﯿﮟ ﺳﻮﭺ ﺑﮭﯽ ﻧﮩﯿﮟ ﺳﮑﺘﯽ ﺗﮭﯽ ﺛﺎﻧﯿﮧ ! ﮐﮧ ﺗﻢ ﺍﺗﻨﯽ ﺑﯿﻮﻗﻮﻑ ﮨﻮ ﺳﮑﺘﯽ ﮨﻮ "-
” ﭘﻠﯿﺰ ﺭﺑﯿﮑﺎ ! ﮐﭽﮫ ﻣﺖ ﮐﮩﻮ "-
” ﮐﯿﻮﮞ ﻧﮧ ﮐﮩﻮﮞ – ﺗﻢ ﺟﺎﻧﺘﯽ ﮨﻮ – ﺗﻤﮩﺎﺭﯼ ﻭﺟﮧ ﺳﮯ ﮨﻤﺎﺭﮮ ﮔﮭﺮ ﻣﯿﮟ ﮐﯿﺎ ﮐﯿﺎ ﮨﻮﺍ ﮨﮯ – ﺗﻤﮩﺎﺭﯼ ﻭﺟﮧ ﺳﮯ ﭘﮩﻠﯽ ﺑﺎﺭ ﮈﯾﻮﮈ ﻧﮯ ﻣﻤﯽ ﺍﻭﺭ ﮈﯾﮉﯼ ﺳﮯ ﺟﮭﮕﮍﺍ ﮐﯿﺎ ﺍﻭﺭ ﭘﮭﺮ ﺳﻠﯿﭙﻨﮓ ﭘﻠﺰ ﮐﮭﺎ ﻟﯿﮟ "-
” ﺭﺑﯿﮑﺎ "! ﺛﺎﻧﯿﮧ ﮐﮯ ﻣﻨﮧ ﺳﮯ ﭼﯿﺦ ﻧﮑﻠﯽ ﺗﮭﯽ –
” ﻭﮦ ﺑﭻ ﮔﯿﺎ ﮨﮯ ﻟﯿﮑﻦ ﺟﻮ ﮐﭽﮫ ﺗﻢ ﺩﻭﻧﻮﮞ ﮐﺮﻧﺎ ﭼﺎﮨﺘﮯ ﮨﻮ، ﻭﮦ ﮨﻢ ﺳﺐ ﮐﻮ ﻣﺎﺭ ﮈﺍﻟﮯ ﮔﺎ "-
” ﮈﯾﻮﮈ ﮐﯿﺴﺎﮨﮯ؟ ﻭﮦ ﮔﮭﺮ ﭘﺮ ﮨﮯ؟ ”
” ﯾﮧ ﺳﺐ ﭼﮭﻮﮌﻭ – ﺗﻢ ﺍﺱ ﮐﯽ ﺯﻧﺪﮔﯽ ﺳﮯ ﻧﮑﻞ ﺟﺎﺅ – ﺩﯾﮑﮭﻮ ﺛﺎﻧﯿﮧ ! ﻣﯿﺮﺍ ﺻﺮﻑ ﺍﯾﮏ ﺑﮭﺎﺋﯽ ﮨﮯ – ﺍﺳﮯ ﮐﭽﮫ ﮨﻮ ﮔﯿﺎ ﺗﻮ ﮨﻢ …… ﮨﻢ ﺟﯿﺘﮯ ﺟﯽ ﻣﺮ ﺟﺎﺋﯿﮟ ﮔﮯ – ﺗﻢ ﻣﺴﻠﻢ ﮨﻮ – ﮨﻢ ﺍﻗﻠﯿﺖ ﮨﯿﮟ – ﮨﻤﯿﮟ ﯾﮩﺎﮞ ﺭﮨﻨﺎ ﮨﮯ – ﮨﻤﺎﺭﺍ ﮔﮭﺮ ﺑﺎﺭ ﺳﺐ ﮐﭽﮫ ﯾﮩﺎﮞ ﮨﮯ ﻣﮕﺮ ﮈﯾﻮﮈ ﺳﮯ ﺗﻤﮩﺎﺭﯼ ﺷﺎﺩﯼ ﮐﮯ ﺑﻌﺪ ﮨﻤﺎﺭﺍ ﮔﮭﺮ ﺑﺮﺑﺎﺩ ﮨﻮ ﺟﺎﺋﮯ ﮔﺎ "-
” ﺭﺑﯿﮑﺎ ! ﻣﯿﮟ ﺍﺱ ﺳﮯ ﻣﺤﺒﺖ ﮐﺮﺗﯽ ﮨﻮﮞ "-
” ﺗﻤﮩﯿﮟ ﺍﺱ ﺳﮯ ﺑﮩﺘﺮ ﻟﮍﮐﮯ ﻣﻞ ﺟﺎﺋﯿﮟ ﮔﮯ ﺍﻭﺭ ﭘﮭﺮ ﺗﻤﮩﺎﺭﯼ ﺗﻮ ﻣﻨﮕﻨﯽ ﺑﮭﯽ ﮨﻮ ﭼﮑﯽ ﮨﮯ، ﭘﮭﺮ ﺗﻢ ﮐﯿﻮﮞ ﻣﯿﺮﮮ ﺑﮭﺎﺋﯽ ﮐﮯ ﭘﯿﭽﮭﮯ ﭘﮍ ﮔﺌﯽ ﮨﻮ "-
” ﻣﻨﮕﻨﯽ ﻣﯿﮟ ﻧﮯ ﮈﯾﻮﮈ ﮐﮯ ﮐﮩﻨﮯ ﭘﺮ ﮐﺮﻭﺍﺋﯽ ﺗﮭﯽ – ﻣﺠﮭﮯ ﺍﭘﻨﮯ ﻓﯿﺎﻧﺴﯽ ﻣﯿﮟ ﮐﻮﺋﯽ ﺩﻟﭽﺴﭙﯽ ﻧﮩﯿﮟ ﮨﮯ "-
” ﺛﺎﻧﯿﮧ ! ﺗﻢ ﻣﯿﺮﮮ ﺑﮭﺎﺋﯽ ﮐﺎ ﭘﯿﭽﮭﺎ ﭼﮭﻮﮌ ﺩﻭ، ﻭﺭﻧﮧ ﻣﯿﮟ ﺗﻤﮭﺎﺭﮮ ﮔﮭﺮ ﻭﺍﻟﻮﮞ ﮐﻮ ﺳﺐ ﮐﭽﮫ ﺑﺘﺎ ﺩﻭﮞ ﮔﯽ – ﺍﺱ ﻋﻤﺮ ﻣﯿﮟ ﻣﺤﺒﺖ ﻭﻏﯿﺮﮦ ﻧﮩﯿﮟ ﮨﻮﺗﯽ – ﺻﺮﻑ ﺩﻟﭽﺴﭙﯽ ﮨﻮﺗﯽ ﮨﮯ ﺍﻭﺭ ﺩﻟﭽﺴﭙﯽ ﮐﺴﯽ ﺑﮭﯽ ﻭﻗﺖ ﺧﺘﻢ ﮨﻮ ﺳﮑﺘﯽ ﮨﮯ – ﺗﻢ ﻣﺴﻠﻢ ﮨﻮ – ﮈﯾﻮﮈ ﮐﺮﺳﭽﯿﻦ ﮨﮯ – ﺗﻤﮭﺎﺭﮮ ﻣﺬﮨﺐ ﻣﯿﮟ ﻭﯾﺴﮯ ﺑﮭﯽ ﺍﺱ ﮐﮯ ﺳﺎﺗﮫ ﺷﺎﺩﯼ ﺟﺎﺋﺰ ﻧﮩﯿﮟ ﮨﮯ – ﮐﯿﺎ ﺗﻢ ﺍﭘﻨﮯ ﻣﺬﮨﺐ ﮐﮯ ﺧﻼﻑ ﺟﺎﺅ ﮔﯽ "-
ﺭﺑﯿﮑﺎ ﻧﮯ ﺍﺳﮯ ﺍﯾﻤﻮﺷﻨﻠﯽ ﺑﻠﯿﮏ ﻣﯿﻞ ﮐﺮﻧﮯ ﮐﯽ ﮐﻮﺷﺶ ﮐﯽ ﺗﮭﯽ –
” ﻣﺠﮭﮯ ﮈﯾﻮﮈ ﺳﮯ ﻣﺤﺒﺖ ﮨﮯ ﺍﻭﺭ ﻣﯿﮟ ﺍﺳﮯ ﻧﮩﯿﮟ ﭼﮭﻮﮌ ﺳﮑﺘﯽ – ﻣﯿﮟ ﺍﺱ ﮐﮯ ﺑﻐﯿﺮ ﺯﻧﺪﮦ ﻧﮩﯿﮟ ﺭﮦ ﺳﮑﺘﯽ "-
” ﺗﻢ ﭘﺎﮔﻞ ﮨﻮ ﭼﮑﯽ ﮨﻮ ﺛﺎﻧﯿﮧ ﺍﻭﺭ ﭘﺎﮔﻞ ﺍﭘﻨﮯ ﺳﺎﺗﮫ ﺳﺎﺗﮫ ﺩﻭﺳﺮﻭﮞ ﮐﻮ ﺑﮭﯽ ﺗﺒﺎﮦ ﮐﺮ ﺩﯾﺘﮯ ﮨﯿﮟ – ﺍﮔﺮ ﺗﻢ ﮈﯾﻮﮈ ﮐﻮ ﻧﮩﯿﮟ ﭼﮭﻮﮌ ﺳﮑﺘﯿﮟ ﺗﻮ ﭘﮭﺮ ﺍﭘﻨﯽ ﺍﻭﺭ ﻣﯿﺮﯼ ﺩﻭﺳﺘﯽ ﺧﺘﻢ ﺳﻤﺠﮭﻮ – ﺩﻭﺑﺎﺭﮦ ﮐﺒﮭﯽ ﻣﯿﺮﮮ ﮔﮭﺮ ﻣﺖ ﺁﻧﺎ "-
” ﺭﺑﯿﮑﺎ ! ﻣﯿﮟ ﮈﯾﻮﮈ ﮐﻮ ﻧﮩﯿﮟ ﭼﮭﻮﮌ ﺳﮑﺘﯽ – ﻭﮦ ﻣﯿﺮﺍ ﺳﺐ ﮐﭽﮫ ﮨﮯ – ﺗﻢ ﻣﺠﮭﮯ ﺍﺱ ﮐﮯ ﭘﺎﺱ ﺟﺎﻧﮯ ﺳﮯ ﺭﻭﮎ ﺳﮑﺘﯽ ﮨﻮ ﻣﮕﺮ ﺍﺳﮯ ﻣﯿﺮﮮ ﭘﺎﺱ ﺁﻧﮯ ﺳﮯ ﻧﮩﯿﮟ ﺭﻭﮎ ﺳﮑﺘﯿﮟ – ﻣﯿﺮﮮ ﭘﯿﺮﻧﭩﺲ ﮐﻮ ﺗﻢ ﺍﮔﺮ ﮐﭽﮫ ﺑﺘﺎﺅ ﮔﯽ ﺗﻮ ﻣﯿﮟ ﮈﯾﻮﮈ ﮐﮯ ﺳﺎﺗﮫ ﮔﮭﺮ ﺳﮯ ﺑﮭﺎﮒ ﺟﺎﺅﮞ ﮔﯽ، ﭘﮭﺮ ﮐﯿﺎ ﮨﻮ ﮔﺎ ﺗﻢ ﺍﭼﮭﯽ ﻃﺮﺡ ﺟﺎﻧﺘﯽ ﮨﻮ "-
ﺭﺑﯿﮑﺎ ﻧﮯ ﺑﮯﺑﺴﯽ ﺍﺳﮯ ﺩﯾﮑﮭﺎ ﺗﮭﺎ –
” ﻣﯿﮟ ﻧﮯ ﺗﻢ ﺳﮯ ﺩﻭﺳﺘﯽ ﮐﺮ ﮐﮯ ﺍﭘﻨﯽ ﺯﻧﺪﮔﯽ ﮐﯽ ﺳﺐ ﺳﮯ ﺑﮍﯼ ﻏﻠﻄﯽ ﮐﯽ ﮨﮯ "- ﺛﺎﻧﯿﮧ ﻧﮯ ﺍﺱ ﮐﯽ ﺑﺎﺕ ﭘﺮ ﮐﭽﮫ ﻧﮩﯿﮟ ﮐﮩﺎ ﺗﮭﺎ –
ﺷﺎﻡ ﮐﻮ ﻭﮦ ﺭﺑﯿﮑﺎ ﮐﮯ ﮔﮭﺮ ﭘﮩﻨﭻ ﮔﺌﯽ ﺗﮭﯽ – ﭘﮩﻠﯽ ﺑﺎﺭ ﻭﮨﺎﮞ ﺍﺱ ﮐﺎ ﺍﺳﺘﻘﺒﺎﻝ ﺑﮍﯼ ﺳﺮﺩ ﻣﮩﺮﯼ ﺳﮯ ﮐﯿﺎ ﮔﯿﺎ ﺗﮭﺎ ﺍﻭﺭ ﺍﺳﮯ ﺍﺱ ﮐﯽ ﭘﺮﻭﺍﮦ ﻧﮩﯿﮟ ﺗﮭﯽ – ﺭﺑﯿﮑﺎ ﮐﺎ ﺑﺲ ﭼﻠﺘﺎ ﺗﻮ ﺷﺎﯾﺪ ﻭﮦ ﺍﺳﮯ ﺩﮬﮑﮯ ﺩﮮ ﮐﺮ ﻭﮨﺎﮞ ﺳﮯ ﻧﮑﺎﻝ ﺩﯾﺘﯽ – ﻭﮦ ﮈﮬﯿﭩﻮﮞ ﮐﯽ ﻃﺮﺡ ﺧﻮﺩ ﮨﯽ ﺍﭨﮫ ﮐﺮ ﮈﯾﻮﮈ ﮐﮯ ﮐﻤﺮﮮ ﻣﯿﮟ ﭼﻠﯽ ﮔﺌﯽ ﺗﮭﯽ – ﻭﮦ ﺟﺎﮒ ﺭﮨﺎ ﺗﮭﺎ – ﻭﮦ ﺍﺱ ﮐﮯ ﭘﺎﺱ ﺑﯿﭩﮫ ﮐﺮ ﺭﻭﻧﮯ ﻟﮕﯽ –
” ﺗﻢ ﺟﺎﻧﺘﯽ ﮨﻮ – ﺟﻮ ﮐﭽﮫ ﺗﻢ ﮐﺮﻧﺎ ﭼﺎﮨﺘﯽ ﮨﻮ ﺍﺱ ﮐﺎ ﮐﯿﺎ ﻧﺘﯿﺠﮧ ﻧﮑﻞ ﺳﮑﺘﺎ ﮨﮯ "- ﮈﯾﻮﮈ ﮐﮯ ﭘﺎﺱ ﺳﮯ ﺁﻧﮯ ﮐﮯ ﺑﻌﺪ ﺭﺑﯿﮑﺎ ﻧﮯ ﺍﺳﮯ ﺭﻭﮎ ﻟﯿﺎ ﺗﮭﺎ – ﻻﺅﻧﺞ ﻣﯿﮟ ﺭﺑﯿﮑﺎ ﮐﮯ ﻭﺍﻟﺪﯾﻦ ﮐﮯ ﻋﻼﻭﮦ ﺍﻭﺭ ﮐﻮﺋﯽ ﻧﮩﯿﮟ ﺗﮭﺎ –
” ﻣﯿﮟ ﺟﺎﻧﺘﯽ ﮨﻮﮞ "- ﺍﺱ ﻧﮯ ﺳﺮ ﺟﮭﮑﺎﺗﮯ ﮨﻮﺋﮯ ﮐﮩﺎ ﺗﮭﺎ –
ﻻﺅﻧﺞ ﻣﯿﮟ ﮐﭽﮫ ﺩﯾﺮ ﺧﺎﻣﻮﺷﯽ ﭼﮭﺎﺋﯽ ﺭﮨﯽ ﺗﮭﯽ – ﭘﮭﺮ ﮈﯾﻮﮈ ﮐﮯ ﮈﯾﮉﯼ ﻧﮯ ﮐﮩﺎ ﺗﮭﺎ –
” ﺗﻤﮩﯿﮟ ﯾﺎ ﮈﯾﻮﮈ ﮐﻮ ﺳﻤﺠﮭﺎﻧﮯ ﮐﺎ ﮐﻮﺋﯽ ﻓﺎﺋﺪﮦ ﻧﮩﯿﮟ ﮨﮯ – ﻣﯿﮟ ﺍﺱ ﻟﯿﮯ ﺗﻢ ﺩﻭﻧﻮﮞ ﮐﯽ ﻣﺪﺩ ﮐﺮﻧﮯ ﭘﺮ ﻣﺠﺒﻮﺭ ﮨﻮﮞ ﮐﯿﻮﻧﮑﮧ ﻣﯿﮟ ﮈﯾﻮﮈ ﮐﺎ ﺑﺎﭖ ﮨﻮﮞ – ﺍﺱ ﻧﮯ ﺍﭘﻨﮯ ﺁﭖ ﮐﻮ ﺟﺲ ﻣﺼﯿﺒﺖ ﻣﯿﮟ ﭘﮭﻨﺴﺎ ﻟﯿﺎ ﮨﮯ، ﻣﯿﮟ ﺍﺳﮯ ﻭﮨﺎﮞ ﺍﺱ ﺣﺎﻟﺖ ﻣﯿﮟ ﺍﮐﯿﻼ ﻧﮩﯿﮟ ﭼﮭﻮﮌ ﺳﮑﺘﺎ – ﻣﯿﮟ ﭼﻨﺪ ﮨﻔﺘﻮﮞ ﺗﮏ ﺗﻤﮭﺎﺭﮮ ﮐﺎﻏﺬﺍﺕ ﺑﻨﻮﺍ ﻟﻮﮞ ﮔﺎ ﭘﮭﺮ ﺗﻤﮩﯿﮟ ﺍﻣﺮﯾﮑﮧ ﺑﺠﮭﻮﺍ ﺩﻭﮞ ﮔﺎ – ﻭﮨﺎﮞ ﺗﻢ ﺍﺱ ﻭﻗﺖ ﺗﮏ ﻣﯿﺮﯼ ﺑﮩﻦ ﮐﮯ ﭘﺎﺱ ﺭﮨﻮ ﮔﯽ ﺟﺐ ﺗﮏ ﮈﯾﻮﮈ ﺍﭘﻨﯽ ﺍﻧﺠﯿﻨﺮﻧﮓ ﻣﮑﻤﻞ ﻧﮩﯿﮟ ﮐﺮ ﻟﯿﺘﺎ – ﺳﺎﻝ ﮐﮯ ﺍﯾﻨﮉ ﻣﯿﮟ ﮈﯾﻮﮈ ﺍﻣﺮﯾﮑﮧ ﺁﺋﮯ ﮔﺎ ﺍﻭﺭ ﻭﮨﺎﮞ ﺗﻢ ﺩﻭﻧﻮﮞ ﮐﯽ ﺷﺎﺩﯼ ﮨﻮ ﺟﺎﺋﮯ ﮔﯽ ﺍﻭﺭ ﮈﯾﻮﮈ ﭘﮭﺮ ﺍﭘﻨﯽ ﺗﻌﻠﯿﻢ ﻣﮑﻤﻞ ﮐﺮﻧﮯ ﮐﮯ ﻟﯿﮯ ﭘﺎﮐﺴﺘﺎﻥ ﺁ ﺟﺎﺋﮯ ﮔﺎ – ﺑﻌﺪ ﻣﯿﮟ ﮈﯾﻮﮈ ﺑﮭﯽ ﺍﻣﺮﯾﮑﮧ ﺳﯿﭩﻞ ﮨﻮ ﺟﺎﺋﮯ ﮔﺎ ﻣﮕﺮ ﺗﻢ ﺍﯾﮏ ﺑﺎﺕ ﺫﮨﻦ ﻣﯿﮟ ﺭﮐﮭﻨﺎ ﮐﮧ ﺗﻤﮩﯿﮟ ﺍﭘﻨﮯ ﮔﮭﺮ ﻭﺍﻟﻮﮞ ﮐﻮ ﮈﯾﻮﮈ ﮐﮯ ﺑﺎﺭﮮ ﻣﯿﮟ ﮐﭽﮫ ﻧﮩﯿﮟ ﺑﺘﺎﻧﺎ – ﺟﺐ ﺗﻤﮭﺎﺭﮮ ﭘﯿﭙﺮﺯ ﻣﮑﻤﻞ ﮨﻮ ﺟﺎﺋﯿﮟ ﮔﮯ ﺗﻮ ﺗﻢ ﺧﺎﻣﻮﺷﯽ ﺳﮯ ﮔﮭﺮ ﭼﮭﻮﮌ ﮐﺮ ﺁ ﺟﺎﻧﺎ – ﻣﯿﮟ ﻧﮩﯿﮟ ﭼﺎﮨﺘﺎ، ﺗﻤﮭﺎﺭﮮ ﮔﮭﺮ ﻭﺍﻟﻮﮞ ﮐﻮ ﺍﺱ ﻣﻌﺎﻣﻠﮧ ﮐﺎ ﭘﺘﺎ ﭼﻠﮯ ﺍﻭﺭ ﭘﮭﺮ ﻣﯿﺮﮮ ﺑﯿﭩﮯ ﮐﻮ ﺍﻭﺭ ﻣﯿﺮﯼ ﻓﯿﻤﻠﯽ ﮐﻮ ﮐﻮﺋﯽ ﻧﻘﺼﺎﻥ ﭘﮩﻨﭽﮯ "-
ﺍﻧﮩﻮﮞ ﻧﮯ ﺛﺎﻧﯿﮧ ﮐﻮ ﺳﻨﺠﯿﺪﮔﯽ ﺳﮯ ﺳﺐ ﮐﭽﮫ ﺑﺘﺎ ﺩﯾﺎ ﺗﮭﺎ –
ﺍﺱ ﺩﻥ ﮈﯾﻮﮈ ﮐﮯ ﮔﮭﺮ ﺳﮯ ﻧﮑﻠﺘﮯ ﮨﻮﺋﮯ ﻭﮦ ﺑﮯﺗﺤﺎﺷﺎ ﺧﻮﺵ ﺗﮭﯽ – ﭼﻨﺪ ﮔﮭﻨﭩﻮﮞ ﭘﮩﻠﮯ ﺗﮏ ﻧﺎﻣﻤﮑﻦ ﻧﻈﺮ ﺁﻧﮯ ﻭﺍﻟﯽ ﭼﯿﺰ ﻧﺎﻣﻤﮑﻦ ﻧﮩﯿﮟ ﺭﮨﯽ ﺗﮭﯽ – ﺍﺏ ﻣﻤﮑﻦ ﻧﻈﺮ ﺁﻧﮯ ﻟﮕﯽ ﺗﮭﯽ "- ﺍﺏ ﻣﯿﮟ ﺍﻭﺭ ﮈﯾﻮﮈ ﺳﺎﺭﯼ ﺯﻧﺪﮔﯽ ﺍﮐﮭﭩﮯ ﮔﺰﺍﺭﯾﮟ ﮔﮯ "- ﺍﺱ ﮐﺎ ﺩﻝ ﺟﯿﺴﮯ ﺑﻠﯿﻮﮞ ﺍﭼﮭﻞ ﺭﮨﺎ ﺗﮭﺎ –
” ﮨﺎﮞ ﻣﯿﮟ ﺍﭘﻨﮯ ﮔﮭﺮ ﻭﺍﻟﻮﮞ ﮐﻮ ﮐﭽﮫ ﻧﮩﯿﮟ ﺑﺘﺎﺅﮞ ﮔﯽ – ﻭﺭﻧﮧ ﻭﮦ ﮈﯾﻮﮈ ﺍﻭﺭ ﺍﺳﮑﯽ ﻓﯿﻤﻠﯽ ﮐﻮ ﻧﻘﺼﺎﻥ ﭘﮩﻨﭽﺎ ﺳﮑﺘﮯ ﮨﯿﮟ – ﻣﯿﮟ ﻭﮨﯽ ﮐﺮﻭﮞ ﮔﯽ ﺟﻮ ﮈﯾﻮﮈ ﮐﮯ ﮈﯾﮉﯼ ﭼﺎﮨﺘﮯ ﮨﯿﮟ "-
ﺍﺳﮯ ﯾﮧ ﺳﺐ ﻃﮯ ﮐﺮﺗﮯ ﮨﻮﺋﮯ ﺍﯾﮏ ﺑﺎﺭ ﺑﮭﯽ ﺍﭘﻨﯽ ﻓﯿﻤﻠﯽ ﮐﺎ ﺧﯿﺎﻝ ﻧﮩﯿﮟ ﺁﯾﺎ ﺗﮭﺎ – ﺍﯾﮏ ﺑﺎﺭ ﺑﮭﯽ ﺍﺳﮯ ﺍﭘﻨﮯ ﻓﯿﺼﻠﮯ ﮐﯽ ﺳﻨﮕﯿﻨﯽ ﺍﻭﺭ ﮨﻮﻟﻨﺎﮐﯽ ﮐﺎ ﺍﺣﺴﺎﺱ ﻧﮩﯿﮟ ﮨﻮﺍ ﺗﮭﺎ – ﻭﮦ ﭨﯿﻦ ﺍﯾﺞ ﻣﯿﮟ ﺗﮭﯽ ﺍﻭﺭ ﺍﺱ ﮐﮯ ﻟﯿﮯ ﺍﺗﻨﺎ ﮨﯽ ﮐﺎﻓﯽ ﺗﮭﺎ ﮐﮧ ﺟﺲ ﺷﺨﺺ ﺳﮯ ﻭﮦ ﻣﺤﺒﺖ ﮐﺮﺗﯽ ﮨﮯ، ﻭﮦ ﯾﮑﺪﻡ ﺍﺱ ﮐﯽ ﺩﺳﺘﺮﺱ ﻣﯿﮟ ﺁ ﮔﯿﺎ ﮨﮯ –
ﺍﮔﻠﮯ ﭼﻨﺪ ﮨﻔﺘﻮﮞ ﻣﯿﮟ ﻭﮦ ﮈﯾﻮﮈ ﮐﮯ ﮈﯾﮉﯼ ﮐﮯ ﺳﺎﺗﮫ ﺩﻭ ﺗﯿﻦ ﺑﺎﺭ ﺍﭘﻨﮯ ﭘﯿﭙﺮﺯ ﮐﮯ ﺳﻠﺴﻠﮧ ﻣﯿﮟ ﺍﻣﺮﯾﮑﻦ ﺍﯾﻤﺒﯿﺴﯽ ﺟﺎﺗﯽ ﺭﮨﯽ ﺗﮭﯽ – ﮨﺮ ﮐﺎﻡ ﺑﮩﺖ ﺗﯿﺰ ﺭﻓﺘﺎﺭﯼ ﺳﮯ ﮨﻮ ﺭﮨﺎ ﺗﮭﺎ – ﺍﻣﺮﯾﮑﻦ ﺍﯾﻤﺒﯿﺴﯽ ﮐﮯ ﺍﯾﮏ ﺳﯿﻨﺌﺮ ﺁﻓﯿﺴﺮ ﻧﮯ ﺍﭘﻨﯽ ﺯﻧﺪﮔﯽ ﮐﮯ ﺍﺗﻨﮯ ﺍﮨﻢ ﻓﯿﺼﻠﮯ ﭘﺮ ﺍﺱ ﻃﺮﺡ ‘ ﺟﺮﺍﺕ ﺍﻭﺭ ﺑﮩﺎﺩﺭﯼ ‘ ﺩﮐﮭﺎﻧﮯ ﭘﺮ ﺍﺱ ﮐﯽ ﺗﻌﺮﯾﻒ ﮐﯽ ﺗﮭﯽ –
” ﺗﻢ ﺩﻭﺳﺮﯼ ﭘﺎﮐﺴﺘﺎﻧﯽ ﻟﮍﮐﯿﻮﮞ ﮐﮯ ﻟﯿﮯ ﺍﯾﮏ ﻣﺜﺎﻝ ﮨﻮ "- ﺍﺱ ﻭﻗﺖ ﺍﻥ ﮐﻠﻤﺎﺕ ﭘﺮ ﺑﮯﺗﺤﺎﺷﺎ ﻓﺨﺮ ﻣﺤﺴﻮﺱ ﮨﻮﺍ ﺗﮭﺎ –
” ﮨﺎﮞ ﻭﺍﻗﻌﯽ ﺯﻧﺪﮔﯽ ﮐﺎ ﺍﺗﻨﺎ ﺑﮍﺍ ﻓﯿﺼﻠﮧ ﻣﯿﮟ ﺍﭘﻨﮯ ﻭﺍﻟﺪﯾﻦ ﮐﻮ ﮐﯿﻮﮞ ﮐﺮﻧﮯ ﺩﯾﺘﯽ، ﺧﻮﺩ ﮐﯿﻮﮞ ﻧﮧ ﮐﺮﺗﯽ – ﻣﯿﮟ ﺟﻮ ﮐﺮ ﺭﮨﯽ ﮨﻮﮞ، ﭨﮭﯿﮏ ﮐﺮ ﺭﮨﯽ ﮨﻮﮞ "- ﺍﺳﮯ ﻣﺰﯾﺪ ﺍﻃﻤﯿﻨﺎﻥ ﮨﻮ ﮔﯿﺎ ﺗﮭﺎ –
ﮔﮭﺮ ﻣﯿﮟ ﮐﺴﯽ ﮐﻮ ﺑﮭﯽ ﺍﺱ ﮐﯽ ﺳﺮﮔﺮﻣﯿﻮﮞ ﭘﺮ ﮐﻮﺋﯽ ﺷﺒﮧ ﻧﮩﯿﮟ ﮨﻮﺍ ﺗﮭﺎ – ﻭﮦ ﺑﮩﺖ ﻧﺎﺭﻣﻞ ﻃﺮﯾﻘﮯ ﺳﮯ ﮔﮭﺮ ﻣﯿﮟ ﺭﮨﺘﯽ ﺗﮭﯽ – ﺍﭘﻨﯽ ﺍﻣﯽ ﺍﻭﺭ ﺑﮭﺎﺑﮭﯽ ﮐﮯ ﺳﺎﺗﮫ ﺍﭘﻨﯽ ﺷﺎﺩﯼ ﮐﮯ ﻟﯿﮯ ﭼﯿﺰﻭﮞ ﮐﯽ ﺧﺮﯾﺪﺍﺭﯼ ﮐﮯ ﻟﯿﮯ ﺑﮭﯽ ﺑﺎﺯﺍﺭ ﺟﺎﺗﯽ ﺭﮨﺘﯽ ﻣﮕﺮ ﺩﻭﺳﺮﯼ ﻃﺮﻑ ﺍﺱ ﻧﮯ ﺑﮩﺖ ﺳﯽ ﭼﯿﺰﯾﮟ ﺁﮨﺴﺘﮧ ﺁﮨﺴﺘﮧ ﺭﺑﯿﮑﺎ ﮐﮯ ﮔﮭﺮ ﻣﻨﺘﻘﻞ ﮐﺮ ﺩﯼ ﺗﮭﯿﮟ – ﺍﭘﻨﮯ ﭘﺎﺱ ﻣﻮﺟﻮﺩ ﺳﺎﺭﺍ ﺯﯾﻮﺭ ﺍﻭﺭ ﺑﯿﻨﮏ ﺍﮐﺎﺅﻧﭧ ﻣﯿﮟ ﻣﻮﺟﻮﺩ ﺳﺎﺭﺍ ﺭﻭﭘﯿﮧ ﻭﮦ ﮈﯾﻮﮈ ﮐﮯ ﻭﺍﻟﺪﯾﻦ ﮐﮯ ﺣﻮﺍﻟﮯ ﮐﺮ ﭼﮑﯽ ﺗﮭﯽ – ﭼﻨﺪ ﺩﻥ ﺗﮏ ﺍﺳﮯ ﺍﻣﺮﯾﮑﮧ ﮐﺎ ﻭﯾﺰﺍ ﻣﻠﻨﮯ ﻭﺍﻻ ﺗﮭﺎ ﺍﻭﺭ ﭘﮭﺮ ﻭﮦ ﮨﻤﯿﺸﮧ ﮐﮯ ﻟﯿﮯ ﺍﭘﻨﺎ ﮔﮭﺮ ﭼﮭﻮﮌﻧﮯ ﭘﺮ ﺗﯿﺎﺭ ﺗﮭﯽ –
ﺍﺱ ﺩﻥ ﻭﮦ ﮐﺎﻟﺞ ﺳﮯ ﮈﯾﻮﮈ ﮐﮯ ﺳﺎﺗﮫ ﭼﻠﯽ ﮔﺌﯽ ﺗﮭﯽ – ﺍﺱ ﮐﮯ ﺳﺎﺗﮫ ﻟﻨﭻ ﮐﺮﻧﮯ ﮐﮯ ﺑﻌﺪ ﺟﺐ ﻭﮦ ﭼﺎﺭ ﺑﺠﮯ ﮐﮯ ﻗﺮﯾﺐ ﮔﮭﺮ ﺁﺋﯽ ﺗﻮ ﮔﮭﺮ ﻣﯿﮟ ﺍﺱ ﮐﮯ ﻟﯿﮯ ﺍﯾﮏ ﮨﻨﮕﺎﻣﮧ ﺗﯿﺎﺭ ﺗﮭﺎ – ﺍﺱ ﮐﮯ ﺳﺐ ﺳﮯ ﭼﮭﻮﭨﮯ ﺑﮭﺎﺋﯽ ﻧﮯ ﺍﺳﮯ ﮈﯾﻮﮈ ﮐﮯ ﺳﺎﺗﮫ ﺭﯾﺴﭩﻮﺭﻧﭧ ﻣﯿﮟ ﻟﻨﭻ ﮐﺮﺗﮯ ﺩﯾﮑﮫ ﻟﯿﺎ ﺗﮭﺎ ﺍﻭﺭ ﺍﺱ ﻧﮯ ﮔﮭﺮ ﺁ ﮐﺮ ﯾﮧ ﺑﺎﺕ ﺳﺐ ﮐﻮ ﺑﺘﺎ ﺩﯼ ﺗﮭﯽ –
ﺛﺎﻧﯿﮧ ﺻﺒﺢ ﺍﭘﻨﯽ ﺍﻣﯽ ﺳﮯ ﯾﮧ ﮐﮩﮧ ﮐﺮ ﮔﺌﯽ ﺗﮭﯽ ﮐﮧ ﻭﮦ ﮐﺎﻟﺞ ﺳﮯ ﺭﺑﯿﮑﺎ ﮐﮯ ﮔﮭﺮ ﺟﺎﺋﮯ ﮔﯽ ﻣﮕﺮ ﺟﺐ ﺍﺱ ﮐﮯ ﺑﮭﺎﺋﯽ ﻧﮯ ﮔﮭﺮ ﺁ ﮐﺮ ﺍﺱ ﮐﯽ ﺍﻣﯽ ﮐﻮ ﺑﺘﺎﯾﺎ ﺗﻮ ﺍﻧﮩﻮﮞ ﻧﮯ ﺭﺑﯿﮑﺎ ﮐﮯ ﮔﮭﺮ ﻓﻮﻥ ﮐﯿﺎ – ﺭﺑﯿﮑﺎ ﻧﮯ ﺍﻧﮩﯿﮟ ﺑﺘﺎ ﺩﯾﺎ ﮐﮧ ﻭﮦ ﺍﻥ ﮐﮯ ﮨﺎﮞ ﻧﮩﯿﮟ ﮨﮯ –
ﺛﺎﻧﯿﮧ ﮐﻮ ﺍﺱ ﺑﺎﺕ ﮐﺎ ﺍﻧﺪﺍﺯﮦ ﻧﮩﯿﮟ ﺗﮭﺎ – ﺍﭘﻨﯽ ﺍﻣﯽ ﮐﮯ ﭘﻮﭼﮭﻨﮯ ﭘﺮ ﺍﺱ ﻧﮯ ﯾﮩﯽ ﮐﮩﺎ ﮐﮧ ﻭﮦ ﺭﺑﯿﮑﺎ ﮐﮯ ﮔﮭﺮ ﺳﮯ ﺁ ﺭﮨﯽ ﮨﮯ – ﺍﺱ ﮐﮯ ﺑﮭﺎﺋﯽ ﮐﻮ ﺑﮭﮍﮐﺎﻧﮯ ﮐﮯ ﻟﯿﮯ ﺍﺱ ﮐﺎ ﯾﮩﯽ ﺟﻤﻠﮧ ﮐﺎﻓﯽ ﺗﮭﺎ – ﺍﺱ ﻧﮯ ﺛﺎﻧﯿﮧ ﭘﺮ ﺗﮭﭙﮍﻭﮞ ﮐﯽ ﺑﺎﺭﺵ ﮐﺮ ﺩﯼ ﺗﮭﯽ – ﺍﺱ ﮐﯽ ﺍﻣﯽ ﻧﮯ ﺍﺳﮯ ﺑﭽﺎﻧﮯ ﮐﯽ ﮐﻮﺷﺶ ﮐﯽ ﺗﮭﯽ ﻧﮧ ﮨﯽ ﺑﮭﺎﺑﮭﯽ ﻧﮯ – ﺁﺩﮪ ﮔﮭﻨﭩﮧ ﺑﮭﺮ ﻭﮦ ﺑﺮﯼ ﻃﺮﺡ ﺍﭘﻨﮯ ﺑﮭﺎﺋﯽ ﺳﮯ ﭘﭩﺘﯽ ﺭﮨﯽ ﻟﯿﮑﻦ ﺍﺱ ﻧﮯ ﯾﮧ ﻧﮩﯿﮟ ﻣﺎﻧﺎ ﺗﮭﺎ ﮐﮧ ﻭﮦ ﮐﺴﯽ ﻟﮍﮐﮯ ﮐﮯ ﺳﺎﺗﮫ ﻟﻨﭻ ﮐﺮﻧﮯ ﮔﺌﯽ ﺗﮭﯽ –
ﺭﺍﺕ ﮐﻮ ﺍﺱ ﮐﮯ ﺍﺑﻮ ﺍﻭﺭ ﺑﮍﮮ ﺑﮭﺎﺋﯽ ﮔﮭﺮ ﺁﺋﮯ ﺗﮭﮯ ﺍﻭﺭ ﻧﺌﮯ ﺳﺮﮮ ﺳﮯ ﻋﺪﺍﻟﺖ ﻟﮓ ﮔﺌﯽ ﺗﮭﯽ – ﺗﺐ ﺍﺱ ﮐﮯ ﺻﺒﺮ ﮐﯽ ﺣﺪ ﺧﺘﻢ ﮨﻮ ﮔﺌﯽ ﺗﮭﯽ –
” ﮨﺎﮞ ﮔﺌﯽ ﺗﮭﯽ ﮐﺴﯽ ﻟﮍﮐﮯ ﮐﮯ ﺳﺎﺗﮫ ﻟﻨﭻ ﮐﺮﻧﮯ ﭘﮭﺮ …… ﮐﯿﺎ ﺗﻢ ﻧﮩﯿﮟ ﺟﺎﺗﮯ ﻧﺌﯽ ﻧﺌﯽ ﻟﮍﮐﯿﻮﮞ ﮐﮯ ﺳﺎﺗﮫ ﻟﻨﭻ ﮐﺮﻧﮯ "- ﻭﮦ ﭘﮩﻠﯽ ﺑﺎﺭ ﺍﭘﻨﮯ ﭼﮭﻮﭨﮯ ﺑﮭﺎﺋﯽ ﭘﺮ ﭼﻼﺋﯽ ﺗﮭﯽ –
ﺑﻼﻝ ﻧﮯ ﺟﻮﺍﺑﺎً ﺍﺱ ﮐﮯ ﻣﻨﮧ ﭘﺮ ﺯﻭﺭ ﮐﺎ ﺗﮭﭙﮍ ﻣﺮﺍ ﺗﮭﺎ ﺍﻭﺭ ﺍﺱ ﺑﺎﺭ ﺧﺎﻣﻮﺷﯽ ﺳﮯ ﭘﭩﻨﮯ ﮐﮯ ﺑﺠﺎﺋﮯ ﺍﺱ ﻧﮯ ﺑﻼﻝ ﮐﺎ ﮨﺎﺗﮫ ﭘﮑﮍﻧﮯ ﮐﯽ ﮐﻮﺷﺶ ﮐﯽ ﺗﮭﯽ – ﺍﺱ ﮐﯽ ﺍﺱ ﺣﺮﮐﺖ ﻧﮯ ﺍﺱ ﮐﮯ ﺑﮭﺎﺋﯽ ﮐﻮ ﺍﻭﺭ ﻣﺸﺘﻌﻞ ﮐﯿﺎ ﺗﮭﺎ – ﺍﺱ ﻧﮯ ﺍﺱ ﮐﮯ ﭼﮩﺮﮮ ﭘﺮ ﺍﯾﮏ ﺍﻭﺭ ﺗﮭﭙﮍ ﻣﺎﺭﺍ ﺗﮭﺎ – ﺛﺎﻧﯿﮧ ﻧﮯ ﺗﮭﭙﮍ ﮐﮭﺎﻧﮯ ﮐﮯ ﺑﻌﺪ ﮐﺎﺭﻧﺲ ﭘﺮ ﺭﮐﮭﺎ ﮨﻮﺍ ﺍﯾﮏ ﮔﻠﺪﺍﻥ ﺍﭨﮭﺎﯾﺎ ﺍﻭﺭ ﺍﺷﺘﻌﺎﻝ ﻣﯿﮟ ﭘﻮﺭﯼ ﻗﻮﺕ ﺳﮯ ﺑﻼﻝ ﮐﻮ ﺩﮮ ﻣﺎﺭﺍ ﺗﮭﺎ – ﺍﺱ ﻧﮯ ﮔﻠﺪﺍﻥ ﺑﻼﻝ ﮐﮯ ﻣﺎﺗﮭﮯ ﭘﺮ ﻟﮕﺘﮯ ﺍﻭﺭ ﭘﮭﺮ ﺧﻮﻥ ﮐﯽ ﺍﯾﮏ ﻟﮑﯿﺮ ﻧﮑﻠﺘﮯ ﺩﯾﮑﮭﯽ ﺗﮭﯽ – ﺑﺎﻗﯽ ﺳﺐ ﺟﻮ ﺧﺎﻣﻮﺵ ﺗﻤﺎﺷﺎﺋﯽ ﺑﻨﮯ ﺑﯿﭩﮭﮯ ﺗﮭﮯ، ﯾﮑﺪﻡ ﺟﯿﺴﮯ ﺍﻥ ﻣﯿﮟ ﺣﺮﮐﺖ ﭘﯿﺪﺍ ﮨﻮ ﮔﺌﯽ ﺗﮭﯽ – ﺍﺱ ﮐﮯ ﺍﺑﻮ ﺍﺱ ﺑﺎﺭ ﺍﺱ ﮐﯽ ﻃﺮﻑ ﺁﺋﮯ ﺗﮭﮯ ﺍﻭﺭ ﺍﻥ ﮐﮯ ﮨﺎﺗﮫ ﻣﯿﮟ ﺟﻮ ﭼﯿﺰ ﺁﺋﯽ ﺗﮭﯽ ، ﺍﻧﮩﻮﮞ ﻧﮯ ﺛﺎﻧﯿﮧ ﮐﻮ ﺍﺱ ﺳﮯ ﻣﺎﺭﺍ ﺗﮭﺎ – ﻭﮦ ﺟﻮﺍﺑﺎً ﭼﻼﺗﯽ ﺭﮨﯽ ﺗﮭﯽ –
” ﮨﺎﮞ ﻣﺠﮭﮯ ﺍﺳﯽ ﻟﮍﮐﮯ ﺳﮯ ﺷﺎﺩﯼ ﮐﺮﻧﯽ ﮨﮯ ﺟﺴﮯ ﻣﯿﮟ ﭼﺎﮨﺘﯽ ﮨﻮﮞ – ﻣﯿﮟ ﻣﺮ ﺟﺎﺅﮞ ﮔﯽ ﻟﯿﮑﻦ ﮐﺒﮭﯽ ﻭﮨﺎﮞ ﺷﺎﺩﯼ ﻧﮩﯿﮟ ﮐﺮﻭﮞ ﮔﯽ، ﺟﮩﺎﮞ ﺁﭖ ﭼﺎﮨﺘﮯ ﮨﯿﮟ "-
” ﮐﺲ ﺳﮯ ﺷﺎﺩﯼ ﮐﺮﻭ ﮔﯽ؟ ﺑﺘﺎﺅ، ﮐﺲ ﺳﮯ ﺷﺎﺩﯼ ﮐﺮﻭ ﮔﯽ؟ ” ﺍﺱ ﮐﯽ ﺍﻣﯽ ﮨﺰﯾﺎﻧﯽ ﺍﻧﺪﺍﺯ ﻣﯿﮟ ﭼﯿﺨﻨﮯ ﻟﮕﯽ ﺗﮭﯿﮟ –
” ﮈﯾﻮﮈ ﺳﮯ ﺷﺎﺩﯼ ﮐﺮﻭﮞ ﮔﯽ، ﮈﯾﻮﮈ ﺳﮯ "-
ﻭﮦ ﭘﺎﮔﻠﻮﮞ ﮐﯽ ﻃﺮﺡ ﭼﻼﺋﯽ ﺗﮭﯽ – ﺍﺳﮑﮯ ﺍﺑﻮ ﯾﮑﺪﻡ ﺳﺎﮐﺖ ﮨﻮ ﮔﺌﮯ ﺗﮭﮯ – ﮨﺮ ﺷﺨﺺ ﺍﭘﻨﯽ ﺟﮕﮧ ﺟﯿﺴﮯ ﭘﺘﮭﺮ ﮐﺎ ﻣﺠﺴﻤﮧ ﺑﻦ ﮔﯿﺎ ﺗﮭﺎ – ﻭﮦ ﺍﭘﻨﮯ ﮨﻮﻧﭩﻮﮞ ﺳﮯ ﻧﮑﻠﺘﺎ ﮨﻮﺍ ﺧﻮﻥ ﮨﺎﺗﮫ ﺳﮯ ﭘﻮﻧﭽﮭﺘﮯ ﮨﻮﺋﮯ ﺑﮍﯼ ﺑﮯﺧﻮﻓﯽ ﺳﮯ ﮨﺮ ﺍﯾﮏ ﮐﻮ ﺩﯾﮑﮭﺘﯽ ﺭﮨﯽ –
” ﺭﺑﯿﮑﺎ ﮐﮯ ﺑﮭﺎﺋﯽ ﺳﮯ "- ﺍﺱ ﮐﯽ ﺍﻣﯽ ﮐﯽ ﺁﻭﺍﺯ ﮐﺴﯽ ﮔﮩﺮﯼ ﮐﮭﺎﺋﯽ ﺳﮯ ﺁﺗﯽ ﮨﻮﺋﯽ ﺳﻨﺎﺋﯽ ﺩﯼ ﺗﮭﯽ –
” ﮨﺎﮞ ﺭﺑﯿﮑﺎ ﮐﮯ ﺑﮭﺎﺋﯽ ﺳﮯ "-
ﻭﮦ ﺁﺝ ﺟﺘﻨﯽ ﻧﮉﺭ ﺗﮭﯽ، ﭘﮩﻠﮯ ﮐﺒﮭﯽ ﻧﮩﯿﮟ ﺗﮭﯽ – ﺑﻼﻝ ﮐﯽ ﺁﻧﮑﮭﻮﮞ ﻣﯿﮟ ﺧﻮﻥ ﺍﺗﺮ ﺁﯾﺎ ﺗﮭﺎ –
” ﺍﻭﺭ ﻣﯿﮟ ﻧﮯ ﺗﻢ ﺩﻭﻧﻮﮞ ﮐﻮ ﺯﻧﺪﮦ ﺭﮨﻨﮯ ﺩﯾﺎ ﺗﻮ ﭘﮭﺮ ﮐﮩﻨﺎ – ﺍﺳﮯ ﺗﻮ ﻣﯿﮟ ﺩﯾﮑﮫ ﻟﻮﮞ ﮔﺎ ﻟﯿﮑﻦ ﺗﻢ ﺁﺝ ﮐﮯ ﺑﻌﺪ ﺍﺱ ﮔﮭﺮ ﺳﮯ ﻗﺪﻡ ﺑﺎﮨﺮ ﻧﮑﺎﻟﻨﺎ ﺍﻭﺭ ﭘﮭﺮ ﺩﯾﮑﮭﻨﺎ ﻣﯿﮟ ﺗﻤﮩﺎﺭﺍ ﮐﯿﺎ ﺣﺸﺮ ﮐﺮﻭﮞ ﮔﺎ "-
” ﺛﺎﻧﯿﮧ ! ﺗﻤﮩﺎﺭﺍ ﺩﻣﺎﻍ ﮐﯿﻮﮞ ﺧﺮﺍﺏ ﮨﻮ ﮔﯿﺎ ﮨﮯ – ﺗﻤﮩﯿﮟ ﭘﺘﺎ ﮨﮯ ﺗﻢ ﮐﯿﺎ ﮐﺮ ﺭﮨﯽ ﮨﻮ – ﺗﻢ ﻣﺴﻠﻤﺎﻥ ﮨﻮ ﺍﻭﺭ ﻭﮦ ﮐﺮﺳﭽﯿﻦ ﮨﮯ – ﮨﻤﺎﺭﮮ ﻣﺬﮨﺐ ﻣﯿﮟ ﯾﮧ ﺷﺎﺩﯼ ﺟﺎﺋﺰ ﻧﮩﯿﮟ ﮨﻮ ﺳﮑﺘﯽ – ﺗﻢ ﺩﻭﺯﺥ ﻣﯿﮟ "…… ﺁﻣﻨﮧ ﺑﮭﺎﺑﮭﯽ ﻧﮯ ﺍﺳﮯ ﺳﻤﺠﮭﺎﻧﮯ ﮐﯽ ﮐﻮﺷﺶ ﮐﯽ ﺗﮭﯽ –
” ﻣﯿﮟ ﺍﺏ ﺩﻭﺯﺥ ﻣﯿﮟ ﮨﻮﮞ – ﯾﮧ ﮔﮭﺮ ﺩﻭﺯﺥ ﮨﮯ ﻣﯿﺮﮮ ﻟﺌﮯ – ﺍﻭﺭﺁﭖ ﺟﻮ ﮐﮩﮧ ﺭﮨﯽ ﮨﯿﮟ، ﻏﻠﻂ ﮐﮩﮧ ﺭﮨﯽ ﮨﯿﮟ – ﻣﺤﺒﺖ ﻣﯿﮟ ﮐﻮﺋﯽ ﻣﺴﻠﻤﺎﻥ ﺍﻭﺭ ﮐﺮﺳﭽﯿﻦ ﻧﮩﯿﮟ ﮨﻮﺗﺎ ﺍﻭﺭ ﻣﯿﮟ ﺍﺱ ﺳﮯ ﻣﺤﺒﺖ ﮐﺮﺗﯽ ﮨﻮﮞ "- ﻭﮦ ﺑﻼ ﺟﮭﺠﮏ ﺑﻮﻟﺘﯽ ﮔﺌﯽ ﺗﮭﯽ –
ﺑﻼﻝ ﭼﯿﻞ ﮐﯽ ﻃﺮﺡ ﺍﺱ ﭘﺮ ﺟﮭﭙﭩﺎ ﺗﮭﺎ ﺍﻭﺭ ﺍﺱ ﻧﮯ ﺍﺱ ﮐﺎ ﮔﻼ ﺩﺑﺎﻧﺎ ﺷﺮﻭﻉ ﮐﺮ ﺩﯾﺎ ﺗﮭﺎ – ﺛﺎﻧﯿﮧ ﺳﺎﻧﺲ ﻧﮩﯿﮟ ﻟﮯ ﭘﺎ ﺭﮨﯽ ﺗﮭﯽ – ﻭﮦ ﮐﻮﺷﺶ ﮐﮯ ﺑﺎﻭﺟﻮﺩ ﺍﺱ ﮐﮯ ﮨﺎﺗﮭﻮﮞ ﺳﮯ ﺍﭘﻨﯽ ﮔﺮﺩﻥ ﻧﮩﯿﮟ ﭼﮭﮍﺍ ﭘﺎ ﺭﮨﯽ ﺗﮭﯽ – ﺗﺐ ﮨﯽ ﺍﺳﮑﮯ ﺑﮍﮮ ﺑﮭﺎﺋﯽ ﻧﮯ ﺯﺑﺮﺩﺳﺘﯽ ﺑﻼﻝ ﮐﻮ ﭘﯿﭽﮭﮯ ﺩﮬﮑﯿﻼ ﺗﮭﺎ – ﺍﺱ ﮐﺎ ﺩﻭﺳﺮﺍ ﺑﮭﺎﺋﯽ ﺑﻼﻝ ﮐﻮ ﮐﻤﺮﮮ ﺳﮯ ﻟﮯ ﮔﯿﺎ ﺗﮭﺎ ﺟﻮ ﺍﺏ ﺍﺳﮯ ﮔﺎﻟﯿﺎﮞ ﺑﮏ ﺭﮨﺎ ﺗﮭﺎ –
” ﺍﻣﯽ ! ﺁﺋﻨﺪﮦ ﯾﮧ ﮔﮭﺮ ﺳﮯ ﺑﺎﮨﺮ ﻧﮩﯿﮟ ﺟﺎﺋﮯ ﮔﯽ – ﮐﺎﻟﺞ ﺑﮭﯽ ﻧﮩﯿﮟ "- ﺍﺱ ﮐﮯ ﺑﮍﮮ ﺑﮭﺎﺋﯽ ﻧﮯ ﻓﯿﺼﻠﮧ ﺳﻨﺎ ﺩﯾﺎ ﺗﮭﺎ –
ﺍﮔﻠﮯ ﮐﺌﯽ ﺩﻥ ﻭﮦ ﮔﮭﺮ ﻣﯿﮟ ﻗﯿﺪ ﺭﮨﯽ ﺗﮭﯽ – ﻭﮦ ﮐﻮﺷﺶ ﮐﮯ ﺑﺎﻭﺟﻮﺩ ﮈﯾﻮﮈ ﺳﮯ ﺭﺍﺑﻄﮧ ﻧﮩﯿﮟ ﮐﺮ ﺳﮑﯽ – ﺍﺱ ﺷﺎﻡ ﺍﺱ ﮐﯽ ﺍﻣﯽ ﺍﻭﺭ ﺑﮭﺎﺑﮭﯽ ﺍﺳﮯ ﺍﭘﻨﮯ ﺳﺎﺗﮫ ﻟﮯ ﮐﺮ ﺟﯿﻮﻟﺮ ﮐﮯ ﭘﺎﺱ ﮔﺌﯽ ﺗﮭﯿﮟ ﺍﻭﺭ ﺛﺎﻧﯿﮧ ﻧﮯ ﻃﮯ ﮐﺮ ﻟﯿﺎ ﺗﮭﺎ ﮐﮧ ﮔﮭﺮ ﺳﮯ ﻧﮑﻠﻨﮯ ﮐﮯ ﻟﯿﮯ ﺍﺱ ﮐﮯ ﭘﺎﺱ ﺷﺎﯾﺪ ﺩﻭﺳﺮﺍ ﻣﻮﻗﻊ ﺩﻭﺑﺎﺭﮦ ﻧﮩﯿﮟ ﺁﺋﮯ ﮔﺎ – ﺟﯿﻮﻟﺮ ﮐﯽ ﺩﮐﺎﻥ ﻣﯿﮟ ﺩﺍﺧﻞ ﮨﻮﺗﮯ ﮨﻮﺋﮯ ﺍﺱ ﮐﯽ ﺍﻣﯽ ﺍﻭﺭ ﺑﮭﺎﺑﮭﯽ ﺍﺱ ﮐﮯ ﺁﮔﮯ ﺗﮭﯿﮟ – ﻭﮦ ﺟﯿﻮﻟﺮ ﮐﯽ ﺩﮐﺎﻥ ﻣﯿﮟ ﺩﺍﺧﻞ ﮨﻮ ﮔﺌﯽ ﺗﮭﯿﮟ ﻟﯿﮑﻦ ﺛﺎﻧﯿﮧ ﺍﻧﺪﺭ ﻧﮩﯿﮟ ﮔﺌﯽ ﺗﮭﯽ – ﻭﮦ ﺩﺍﺋﯿﮟ ﺟﺎﻧﺐ ﺑﮭﺎﮔﻨﺎ ﺷﺮﻭﻉ ﮨﻮ ﮔﺌﯽ ﺗﮭﯽ – ﺍﭘﻨﮯ ﭘﯿﭽﮭﮯ ﺍﺱ ﻧﮯ ﺑﮭﺎﺑﮭﯽ ﮐﯽ ﺁﻭﺍﺯ ﺳﻨﯽ ﺗﮭﯽ ﺍﻭﺭ ﺍﺱ ﮐﮯ ﺑﻌﺪ ﭘﺎﮔﻠﻮﮞ ﮐﯽ ﻃﺮﺡ ﺑﮯﺗﺤﺎﺷﺎ ﺩﻭﮌﺗﮯ ﮨﻮﺋﮯ ﺍﺱ ﻧﮯ ﺍﯾﮏ ﭨﯿﮑﺴﯽ ﺭﻭﮎ ﻟﯽ ﺗﮭﯽ – ﺍﺱ ﮐﮯ ﭘﺎﺱ ﺟﺎﻧﮯ ﮐﮯ ﻟﯿﮯ ﺻﺮﻑ ﺍﯾﮏ ﮨﯽ ﺟﮕﮧ ﺗﮭﯽ، ﮈﯾﻮﮈ ﮐﺎ ﮔﮭﺮ –
جاری ہے

جواب دیں
تبصرہ کرنے سے پہلے آپ کا لاگ ان ہونا ضروری ہے۔