آدرش دبے کی غزلیں — Aadarsh Dubey Ghazals

آدرش دبے کی منتخب غزلیں اور نظمیں۔

ہم کہیں بھی ہوں مگر یہ چھٹیاں رہ جائیں گی (غزل)

ہم کہیں بھی ہوں مگر یہ چھٹیاں رہ جائیں گی

پھول سب لے جائیں گے پر پتیاں رہ جائیں گی

کام کرنا ہو جو کر لو آج کی تاریخ میں

آنکھ نم ہو جائے گی پھر سسکیاں رہ جائیں گی

اس نئے قانون کا منظر یہی دکھتا ہے اب

پاؤں کٹ جائیں گے لیکن بیڑیاں رہ جائیں گی

صرف لفظوں کو نہیں انداز بھی اچھا رکھو

اس جگت میں صرف میٹھی بولیاں رہ جائیں گی

کیوں بناتے ہو سیاست کو تم اپنا ہم سفر

سب چلے جائیں گے لیکن کرسیاں رہ جائیں گی

تم کو بھی آدرش پر آدرشؔ چلنا ہے یہاں

ورنہ اس دلدل میں دھنستیں پیڑھیاں رہ جائیں گی

میں تمہارا رہا رات بھر (غزل)

میں تمہارا رہا رات بھر

کسمساتا رہا رات بھر

تم نے دل کو جلایا بہت

میں بجھاتا رہا رات بھر

زخم ابھرے تھے تن پر مگر

میں چھپاتا رہا رات بھر

جس کے آنے کی امید تھی

وہ ستاتا رہا رات بھر

بس تمہیں بھولنے کے لیے

خط جلاتا رہا رات بھر

تم سے ملنا بہت ہے کٹھن

سو بھلاتا رہا رات بھر

خیر مقدم کو تیرے دیا

جگمگاتا رہا رات بھر

اشک پانی نہیں تھے مگر

میں بہاتا رہا رات بھر

دل میں تھا ایک پکشی ترا

چھٹپٹاتا رہا رات بھر

وہ مجھے چاہتا تھا بہت

میں بناتا رہا رات بھر

میں ہی ہوں تیرا اک ہم سفر

یہ جتاتا رہا رات بھر

بس تجھے دیکھنے کے لیے

جس پہ ہم کو بہت تھا یقیں

وہ رلاتا رہا رات بھر

یہ تو آدرشؔ بھی نہ ہوا

کون آتا رہا رات بھر