ادریس بابر کی منتخب غزلیں اور نظمیں۔
دوست کچھ اور بھی ہیں تیرے علاوہ مرے دوست (غزل)
دوست کچھ اور بھی ہیں تیرے علاوہ مرے دوست
کئی صحرا مرے ہمدم کئی دریا مرے دوست
تو بھی ہو میں بھی ہوں اک جگہ پہ اور وقت بھی ہو
اتنی گنجائشیں رکھتی نہیں دنیا مرے دوست!
تیری آنکھوں پہ مرا خواب سفر ختم ہوا
جیسے ساحل پہ اتر جائے سفینہ مرے دوست!
زیست بے معنی وہی بے سر و سامانی وہی
پھر بھی جب تک ہے تری دھوپ کا سایا مرے دوست!
اب تو لگتا ہے جدائی کا سبب کچھ بھی نہ تھا
آدمی بھول بھی سکتا ہے نہ رستا مرے دوست!
راہ تکتے ہیں کہیں دور کئی سست چراغ
اور ہوا تیز ہوئی جاتی ہے اچھا مرے دوست!
دل کا اور حال مضافات کا کب اچھا ہے (غزل)
دل کا اور حال مضافات کا کب اچھا ہے
پر تجھے دیکھ کے لگتا ہے کہ سب اچھا ہے
ایک تصویر میں لگتا ہے کہ ہم بھی خوش تھے
ایک آواز سے لگتا ہے کہ سب اچھا ہے
میری دنیا میں کوئی چیز ٹھکانے پہ نہیں
بس تجھے دیکھ کے لگتا ہے کہ سب اچھا ہے
سوچنے بیٹھیں تو اصلاح کی صورت ہی نہیں
دیکھنے میں یہی لگتا ہے کہ سب اچھا ہے
یہ قطاریں تیرے بیمار کے دیدار کی ہیں
تو نے جب شور مچا رکھا تھا اب اچھا ہے
کوئی استاد کی اصلاح کی صورت یا رب
علم بہتر ہے نہ حضرت کا ادب اچھا ہے
لوگوں کو آئینہ دکھلائیں نہ پتھر کھائیں
ارشمیدس کے لئے باتھ کا ٹب اچھا ہے