ﺗﻌﺰﯾﺮِ ﺍﮨﺘﻤﺎﻡِ ﭼﻤﻦ ﮐﻮﻥ ﺩﮮ ﮔ…
ﺗﻌﺰﯾﺮِ ﺍﮨﺘﻤﺎﻡِ ﭼﻤﻦ ﮐﻮﻥ ﺩﮮ ﮔﯿﺎ
ﻣُﺠﮫ ﮐﻮ ﮔُﻼﺏ ﺟﯿﺴﺎ ﮐﻔﻦ ﮐﻮﻥ ﺩﮮ ﮔﯿﺎ
ﺩﯾﮑﮭﮯ ﺟﻮ ﺧﺪّﻭﺧﺎﻝ ﺗﻮ ﺳﻮﭼﺎ ﮨﮯ ﺑﺎﺭِﮨﺎ
ﺻﺤﺮﺍ ﮐﯽ ﭼﺎﻧﺪﻧﯽ ﮐﻮ ﺑﺪﻥ ﮐﻮﻥ ﺩﮮ ﮔﯿﺎ
ﻣﯿﺮﯼ ﺟﺒﯿﮟ ﮐﯽ ﺳﺎﺭﯼ ﻟﮑﯿﺮﯾﮟ ﺗﯿﺮﯼ ﻋﻄﺎ
ﻟﯿﮑﻦ ﺗِﺮﯼ ﻗﺒﺎ ﮐﻮ ﺷِﮑَﻦ ﮐﻮﻥ ﺩﮮ ﮔﯿﺎ
ﺗﯿﺮﮮ ﮨﻨﺮ ﻣﯿﮟ ﺧﻠﻘﺖِ ﺧﻮﺷﺒﻮ ﺳﮩﯽ ﻣﮕﺮ
ﮐﺎﻧﭩﻮﮞ ﮐﻮ ﻋُﻤﺮ ﺑﮭﺮ ﮐﯽ ﭼُﺒﮭﻦ ﮐﻮﻥ ﺩﮮ ﮔﯿﺎ
ﺟﻨﮕﻞ ﺳﮯ ﭘﻮﭼﮭﺘﯽ ﮨﮯ ﮨﻮﺍﺅﮞ ﮐﯽ ﺑﺮﮨﻤﯽ
ﺟُﮕﻨﻮ ﮐﻮ ﺗﯿﺮﮔﯽ ﻣﯿﮟ ﮐِﺮَﻥ ﮐﻮﻥ ﺩﮮ ﮔﯿﺎ
ﮐﺲ ﻧﮯ ﺑﺴﺎﺋﮯ ﺁﻧﮑﮫ ﻣﯿﮟ ﺍﺷﮑﻮﮞ ﮐﮯ ﻗﺎﻓﻠﮯ
ﺑﮯ ﮔﮭﺮ ﻣﺴﺎﻓﺮﻭﮞ ﮐﻮ ﻭﻃﻦ ﮐﻮﻥ ﺩﮮ ﮔﯿﺎ
ﺗُﺠﮫ ﺳﮯ ﺗﻮ ﮨﺮ ﭘَﻞ ﮐﯽ ﻣﺴﺎﻓﺖ ﮐﺎ ﺳﺎﺗﮫ ﺗﮭﺎ
ﻣﯿﺮﮮ ﺑﺪﻥ ﮐﻮ ﺍِﺗﻨﯽ ﺗﮭﮑﻦ ﮐﻮﻥ ﺩﮮ ﮔﯿﺎ
ﺗﻮﮌﺍ ﮨﮯ ﮐﺲ ﻧﮯ ﻧﻮﮎِ ﺳﻨﺎﮞ ﭘﺮ ﺳﮑُﻮﺕِ ﺻﺒﺮ
ﻟﺐ ﺑﺴﺘﮕﯽ ﮐﻮ ﺗﺎﺏِ ﺳﺨﻦ ﮐﻮﻥ ﺩﮮ ﮔﯿﺎ
ﻣﺤﺴﻦؔ ﻭﮦ ﮐﺎﺋﻨﺎﺕِ ﻏﺰﻝ ﮨﮯ ﺍُﺳﮯ ﺑﮭﯽ ﺩﯾﮑﮫ
ﻣُﺠﮫ ﺳﮯ ﻧﮧ ﭘُﻮﭼﮫ ﻣُﺠﮫ ﮐﻮ ﯾﮧ ﻓﻦ ﮐﻮﻥ ﺩﮮ ﮔﯿﺎ
محسنؔ نقوی
المرسل: فیصل خورشید