( غیــر مطبــوعــہ ) نا گہــاں وقت سے پہلے سانس…
( غیــر مطبــوعــہ )
نا گہــاں
وقت سے پہلے سانس رُک جانا
یا دل کا ضرورت سے زیادہ دھڑکنا
مسلسل صحرا کی پیاس بُجھانے کی سعی کرنا
آنکھ کُھلنے پر بھروسے کی مَوت سے گَلے مِلنا
یا دل کی آنکھ میں موتیا اُتر آنا
برسوں پودوں کی آبیاری کرنے پر اِترانا
یا باوجود ہر ممکِن کوشِش ۔۔۔ آس پر سُوکھا اتر آنا
محبوب کا پاس رہتے ہوئے ساتھ نہ رہنا
یا کسی اور کے محبوب کے ساتھ رہنا
صبح کے انتظار میں گُھپ اندھیرے سے مِلنا
یا اماوَس رات میں جگنُو کا کھو جانا
( فـوزیــہؔ اِشــتیـاق )