”ایک درخواست“ زندگی کے جتنے دروازے ھیں ، مجھ پر ب…
”ایک درخواست“
زندگی کے جتنے دروازے ھیں ، مجھ پر بند ھیں۔
دیکھنا ، حدِ نظر سے آگے ، بڑھ کر دیکھنا بھی جُرم ھے
سوچنا ، اپنے یقین سے نکل کر سوچنا بھی جُرم ھے
آسماں در آسماں اسرار کی پرتیں ھٹا کر , جھانکنا بھی جُرم ھے
کیوں بھی کہنا جُرم ھے , کیسے بھی کہنا جُرم ھے
سانس لینے کی آذادی تو میسر ھے , مگر
زندہ رھنے کے لیے , انسان کو کچھ اور بھی درکار ھے
اور اس “کچھ اور بھی“ کا تذکرہ بھی جُرم ھے
اے ھنر مندان آئین و سیاست ! اے خداوندان ایوانِ عقائد
زندگی کے نام پر ، بس اِک عنایت چاھیے
مجھ کو ، اِن سارے جرائم کی اجازت چاھیے
”احمّد ندیم قاسمیؔ“
بشکریہ
https://www.facebook.com/Inside.the.coffee.house