التفات امجدی کی منتخب غزلیں اور نظمیں۔
دن کے لمحوں میں مرے دل کی صدا ہے کوئی (غزل)
دن کے لمحوں میں مرے دل کی صدا ہے کوئی
شب کی ظلمت میں تبسم کی ضیا ہے کوئی
چلئے اچھا ہے مرے پیچھے پڑا ہے کوئی
میرے بارے میں تو کچھ سوچ رہا ہے کوئی
سانس لینے نہیں دیتی ہے مسائل کی چبھن
زندگانی کی سزا کاٹ رہا ہے کوئی
کیا تری آنکھ کی گہرائی میں شعلے ہیں نہاں
کس طرح جھیل کے پانی سے جلا ہے کوئی
التفاتؔ اس کی جبیں پر ہے تقدس کی چمک
جب سے کردار کے سانچے میں ڈھلا ہے کوئی
دن کے لمحوں میں مرے دل کی صدا ہے کوئی (غزل)
دن کے لمحوں میں مرے دل کی صدا ہے کوئی
شب کی ظلمت میں تبسم کی ضیا ہے کوئی
چلئے اچھا ہے مرے پیچھے پڑا ہے کوئی
میرے بارے میں تو کچھ سوچ رہا ہے کوئی
سانس لینے نہیں دیتی ہے مسائل کی چبھن
زندگانی کی سزا کاٹ رہا ہے کوئی
کیا تری آنکھ کی گہرائی میں شعلے ہیں نہاں
کس طرح جھیل کے پانی سے جلا ہے کوئی
التفاتؔ اس کی جبیں پر ہے تقدس کی چمک
جب سے کردار کے سانچے میں ڈھلا ہے کوئی
دہقاں خوش ہیں ہریالی پر (نظم)
دہقاں خوش ہیں ہریالی پر
اپنی فصل کی خوشحالی پر
اچھی بات بھلی لگتی ہے
غصہ آتا ہے گالی پر
گل کی نگرانی کرنے کی
ذمہ داری ہے مالی پر
ٹوٹ پڑے ہیں بھوکے بچے
بریانی والی تھالی پر
جھومتے ہیں مستی میں بچے
قوالوں کی قوالی پر
چھت پر ہے کوؤں کی ٹولی
بندر کی ٹولی ڈالی پر
مچھر جاگیں راتوں میں بھی
دن میں ہیں سوتے نالی پر
پیسے والے کیوں ہنستے ہیں
ہم مفلس کی کنگالی پر
ہولی میں ہم گائیں پھگوا
دیپ جلائیں دیوالی پر
صوفی کی نظریں ٹھہری ہیں
ولیوں کے در کی جالی پر
جب چوری گھر میں ہوتی ہے
آنچ آتی ہے رکھوالی پر
جھوم رہے ہیں ڈیڈی ممی
بچوں کی خوش اقبالی پر
ناچ رہا ہے بھالو دیکھو
چھوٹے بچوں کی تالی پر
امجدیؔ کی آنکھیں نم ہیں
اردو تیری بدحالی پر