ابن مفتی کی غزلیں — Ibn E Mufti Ghazals

ابن مفتی کی منتخب غزلیں اور نظمیں۔

کر برا تو بھلا نہیں ہوتا (غزل)

کر برا تو بھلا نہیں ہوتا

کر بھلا تو برا نہیں ہوتا

اک وہی لاپتہ نہیں ہوتا

جس کو اپنا پتا نہیں ہوتا

سب نشانے اگر صحیح ہوتے

تیر کوئی خطا نہیں ہوتا

کون عاشق ہے کون ہے معشوق

پیار میں فیصلہ نہیں ہوتا

کوئی ایسی جگہ ہی دکھلاؤ

جس جگہ پر خدا نہیں ہوتا

کوچۂ یار جو نہ جاتا ہو

راستہ راستہ نہیں ہوتا

کامیابی کے راستوں کی طرف

بیچ کا راستا نہیں ہوتا

ساری دنیا تو ہو گئی میری

اک فقط تو مرا نہیں ہوتا

دل نظر پر اگر نظر رکھتے

پیار کا حادثہ نہیں ہوتا

جب تلک تو نہ ہو خیالوں میں

کوئی سجدہ روا نہیں ہوتا

اس کی مخمور آنکھ کے آگے

مے کدہ مے کدہ نہیں ہوتا

کوششیں خود ہی کرنا پڑتی ہیں

بھیڑ میں راستہ نہیں ہوتا

ایک عرصہ ہوا کہ نیند سے بھی

آمنا سامنا نہیں ہوتا

پیار ہو جائے کب کہاں کس سے

یہ کسی کو پتا نہیں ہوتا

ہم نے دیکھا ہے روبرو ان کے

آئینہ آئینہ نہیں ہوتا

صدقہ خیرات کیجئے صاحب

مسکرانا برا نہیں ہوتا

کیا کرامت بھی اب نہیں ہوگی

مانا اب معجزہ نہیں ہوتا

ہاتھ مشکل میں چھوڑ جاتے ہو

یہ تو پھر تھامنا نہیں ہوتا

پہلے نظریں اٹوٹ تھیں اور اب

ہاتھ دل سے جدا نہیں ہوتا

مفتیؔ ہم ہی بھنور نصیب رہے

ورنہ ساحل پہ کیا نہیں ہوتا

غلط فہمی کی سرحد پار کر کے (غزل)

غلط فہمی کی سرحد پار کر کے

مٹا دو فاصلے ایثار کر کے

یہ کاروبار بھی کب راس آیا

خسارے میں رہے ہم پیار کر کے

لگیں صدیاں بنانے میں جو رشتے

وہ اک پل میں چلے مسمار کر کے

گلے مل کر ہی دوری دور ہوگی

ملے گا کیا ہمیں تکرار کر کے

سگے بھائی بھی اب اک چھت کے نیچے

وہ رہتے ہیں مگر دیوار کر کے

مسائل ہیں کہ بڑھتے جا رہے ہیں

گلوں کا برملا اظہار کر کے

گنوا دی عزت سادات مفتیؔ

محبت میں نگاہیں چار کر کے

خدا کہتا ہے بندوں سے (نظم)

خدا کہتا ہے بندوں سے

مجھے تم سے محبت ہے

تمہاری شہ رگ سے بھی

میں زیادہ پاس رہتا ہوں

تمہیں میں کیسے سمجھاؤں

میں دوں تم کو مثال ایسی

جسے تم سن کے برجستہ

کہو آمنا صدقنا

سنو

ہے کون سی ہستی

جو تم کو جاں سے پیاری ہے

کہ جس کی زیست کا پل پل

تمہیں پہ واری واری ہے

دعا کرتے ہوئے شب شب

سدا جس نے گزاری ہے

یہ سچ ہے وہ تو ماں ہی ہے

بس اتنا جان لو لوگو

کہ اس ماں سے کہیں زیادہ