پیر • 5 اکتوبر 2026ء
📚 کتب خانہ ۱۴۸٬۸۹۴

عزیز اللہ عزیز دکنی کی غزلیں — Azizullah Aziz Dakni Ghazals

عزیز اللہ عزیز دکنی کی منتخب غزلیں اور نظمیں۔

دو نیناں شوق سوں تیرے رہے دو چار ہر جانب (غزل)

دو نیناں شوق سوں تیرے رہے دو چار ہر جانب

ہوتی ہے آرسی مجھ کوں در و دیوار ہر جانب

اگر تو بزم میں رنداں کے آوے کچھ تعجب نیں

کہ زاہد رشک سوں مارے سر و دستار ہر جانب

جو باندھا مہرۂ دل کوں ترے زلفاں کے ماراں سوں

سراسر جگ میں اس اوپر ہے مارا مار ہر جانب

اگر آوے چمن میں وہ نہال گلشن خوبی

کریں تعظیم اس کی سرو اور گلزار ہر جانب

تیرے داغ محبت سوں سدا یو سینہ دہر خوں

نظر کے بیچ پھولا ہے میرے گلزار ہر جانب

سر تا قدم آج اس پری کا (غزل)

سر تا قدم آج اس پری کا

رکھتا ہے ادائے دلبری کا

از نرگس چشم جادوی او

دیکھیا ہوں سحر ساحری کا

برقد بلند فتنہ انگیز

خورشید ہے چیرہ اک ذری کا

کونین ہوئے گا صحن محشر

مت شوق کر ستم گری کا

از فوج ہجوم نالہ و اشک

ہو نمن صاحب خشکی و تری کا

اس گوہر دل کوں مت کرو چور

یہ کام نہیں ہے جوہری کا

جب سیں کہ ہوا ہوں خاک کویش

برسر رکھا تاج سروری کا

لیتی یو زلف سیں عزیزاں

انکھیاں تیری درس کافری کا

مزید غزلیں از عزیز اللہ عزیز دکنی ←ابھی کوئی غزل منسلک نہیں