پیر • 5 اکتوبر 2026ء
📚 کتب خانہ ۱۴۸٬۸۹۴

عبدالغفار عزم کی غزلیں — Abdul Ghaffar Azm Ghazals

عبدالغفار عزم کی منتخب غزلیں اور نظمیں۔

یہ اور بات ہے کچھ غم جہاں جہاں نہ ہوا (غزل)

یہ اور بات ہے کچھ غم جہاں جہاں نہ ہوا

ہمارے حال کا چرچا کہاں کہاں نہ ہوا

ہوئے ہو جاں بہ لب اب ہوگا کیا تمنا کا

جہاں پہ ڈھونڈتے ہو دل اگر وہاں نہ ہوا

ملے جو جرم وفا کی سزا یہیں پہ ملے

حساب اپنا کہاں ہوگا جو یہاں نہ ہوا

نہیں ہیں آنسو ہی کوئی زباں مرے دل کی

ہے ایسا اشک بھی آنکھوں سے جو رواں نہ ہوا

ہوا کیا جانیے دل کو مرے شب تاریک

ہزاروں داغ مگر ایک بھی عیاں نہ ہوا

چڑھایا دار پہ اور کر دیا مجھے زندہ

یہ اور کچھ ہوا حسرت ہے امتحاں نہ ہوا

سنا رہے ہو یوں وحشت میں حال غم جو عزمؔ

ہوا وہ نالۂ دل درد کا بیاں نہ ہوا

تصویر کے خطوط وہ شہکار بولتے (غزل)

تصویر کے خطوط وہ شہکار بولتے

سب نقش ہائے صنعت معمار بولتے ہیں

ہم شیش گھر میں اپنا سراپا نہ پڑھ سکے

حسرت رہی کہ آئنے اک بار بولتے

تنہائی کو ملا ہے وہ اعجاز درد ہے

زنداں کے دیکھیے در و دیوار بولتے

کیا کیا نہ گھر جمال کے آباد تھے یہاں

کس دکھ سے شہر ویراں کے آثار بولتے

ہر بات میں اٹھاتا تھا وہ نقطۂ گماں

ہم کیا تھے کوئی محرم اسرار بولتے

چپ کرتی تیری بے دلی کیا عزمؔ نالوں کو

رہتے جو ہم خموش تو اشعار بولتے

مزید غزلیں از عبدالغفار عزم ←ابھی کوئی غزل منسلک نہیں