ابدال برہانپوری کی منتخب غزلیں اور نظمیں۔
دل جب سیتی تجھ عشق میں مجھ سے جدا ہوا (غزل)
دل جب سیتی تجھ عشق میں مجھ سے جدا ہوا
بھڑکا جلا موا نہیں معلوم کیا ہوا
کیا بے وفا ہے دل کہ تری یک نگاہ سیں
بیگانہ ہو کے مجھ سے ترا آشنا ہوا
کوچے سے آہ آج پری رو کے دل مرا
آیا نہیں ہے پھر کے اسے کیا بلا ہوا
سینے میں آہ دل میں تپش اشک چشم میں
شہرائے عاشقی کا مرے جابجا ہوا
غمزہ سیں مارتا ہے جلاتا ہے نارسیں
کیا ملک حسن کا صنما تو خدا ہوا
کیا مہرباں تھا جب کہ نہ تھا عشق آشکار
اب بھوں چڑھا ہلال نمن کم نما ہوا
ابدالؔ عکس یار ہے دل میں جدھاں ستی
درپن نمن مدھان سے ترا دل صفا ہوا
مزید غزلیں از ابدال برہانپوری ←ابھی کوئی غزل منسلک نہیں