لَگ گَیا تو تِیر وَرنہ تُکّا ۔ تُکّا لگانا ۔ یہ …

لَگ گَیا تو تِیر وَرنہ تُکّا ۔

تُکّا لگانا ۔

یہ مُحاوَرے ہَم اَکثَر سُنتے ہَیں ۔ اَب ایک روز خَیال آیا کہ یہ

تُکّا آخِر کِس بَلاء کا نام ہَے ۔ ۔ ۔ ۔ تو اِس کو جَواب جو ہَمیں

سَمَجھ آیا وُہ یہ ہَے کہ تِیر دو حِصّوں پَر مُشتَمِل ہوتا ہَے ۔

ایک تو اُس کی لوہے کی بَنی ہُوئی نوک دار اَنّی / پَھل ، اَور

دُوسرا لَکڑی کی سَلاخ جِس پَر چُوڑِیاں بَنی ہوتی ہَیں ۔ لوہے

کی اَنّی کو چُؤڑِیاں کَس کَر لَکڑی کی سَلاخ پَر چَڑھایا جاتا

ہَے اَور پِھر تِیر کو کَمان پَر چَڑھا کَر نِشانہ لَگایا جاتا ہَے ۔

اَب اَگَر کِسی شَخص کے پاس لوہے کی اَنّی تو نہ ہو ، وُہ

خالی لَکڑی کی سَلاخ کو کَمان پَر چَڑھا کَر شِکار کو نِشانہ

بنائے تو اِمکان کَم ہی رہ جاتے ہَیں کہ شِکار کو کوئی کاری

ضَرب لَگے ۔ تو اَگَر ایسا ہو جائے تو واقَعی میں تِیر سے

مُتَوَقّع کام ہو گَیا ، اَور نہ بھی ہُوا تو بھی خَیر ہَے کہ

شِکاری کے پاس بھی کَونسا مُکَمَّل تِیر تھا ۔ ۔ ۔ ۔ محض تُکّا

ہی تو تھا ۔ ۔ ۔ ۔

اَب تُکّا سے مُراد ہَے لَکڑی کی سَلاخ ۔ صِرف یہی نَہیں ، لَکڑی

کی باریک لَمبی تیلِیوں اَور تِنکوں کو بھی تُکّا کہتے ہَیں ،

اَور اِن تیلِیوں کو گوند سے کاغَذ پَر چِپکا کَر پَتَنگ بَنائی

جاتی ہَے ۔ تُکَّل پَتَنگ تو سُنا ہی ہوگا ۔ ۔ ۔ ۔

مَضامینِ مَولوی تَمیزُالّدین شِبلی
شاھِد پارَس
بشکریہ
https://www.facebook.com/1876886402541884/posts/2127475664149622