توبچابچاکہ نہ رکھ اسے،تیرا آئینہ ہےوہ آئینہ
جوشکستہ ہوتو عزیزترہے نگاہِ آئینہ ساز میں
علامہ محمد اقبالؒ
………………….
میں خیال ہوں کسی اور کا مجھے سوچتا کوئی اور ہے
سر آئینہ میرا عکس ہے پس آئینہ کوئی اور ہے
سلیم کوثر
…………….
عکسِ جمالِ یار بھی کیا تھا کہ دیر تک
آئینے قمریوں کی طرح بولتے رہے
سراج الدن ظفر
…………
آئینہ اپنے سامنے سے ہٹا
یہ نہ ہو خود سے پیار ہو جائے
– فنا بلند شہری –
………
انداز اپنے دیکھتے ہیں آئینہ میں وہ
اور یہ بھی دیکھتے ہیں کہ کوئ دیکھتا نہ ہو
– نظام شام پوری –
………
یہ آئینہ مجھے کس رخ پڑا نظر آیا
میں اپنی عمر سے کتنا بڑا نظر آیا
– رؤف امیر –
………..
آئینہ جب نہ انکے ہاتھـ آیا
مسکرا کے میری غزل مانگی
– گمنام –
……..
تو نے کہا نہ تھا کہ مرا آئینہ ہے تو
میں منتظر رہا ترے عکس جمیل کا
محسن نقوی
……….
آنکھ آئینہ رو چھپاتے ہیں
دل کو لے کر مکر گئے شاید
میر تقی میر
………
جب کسی سے کوئ گلہ رکھتا
سامنے اپنے آئینہ رکھتا
– ندا فاضلی
……..
تمام آئینے دیوار سے اترتے رہے
ترے جمال کی حیرت میں رقص کرتے ہوئے
عارف امام
……..
اپنی آگ کو زندہ رکھنا کتنا مشکل ہے
پتھر بیچ آئینہ رکھنا کتنا مشکل ہے
– عشرت آفرین –
…….
سامنے دنیا بھر کے غم ہیں اور ادھراک تنہا ہم ہیں
سیکڑوں پتھر اور اک آئینہ کب تک آخر کب تک آخر
– کاشف اندوری –
…….
جوش تکلیف تماشا محشرستان نگاہ
فتنۂ خوابیدہ کو آئینہ مشت آب تھا
مرزا غالب
………
تو اپنی شیشہ گری کا ہنر نہ کر ضائع
میں آئینہ ہوں مجھے ٹوٹنے کی عادت ہے
– گمنام –
……..
یہ آئینہ ہے یہ تو سچ ہی کہے گا
کیوں اپنی حقیقت سے کترا رہے ہو
– سید راہی –
……
اپنی صورت لگی پرائی سی
جب کبھی ہم نے آئینہ دیکھا
– سدرشن فاکر –
……..
غزل میری وہ آئینہ ہے جس میں جلوہ گر ہو کر
حقیقت کا بھی چہرہ سوزِ پنہاں سے دمکتا ہے
– فراق گورکھپوری
……….
جڑ دو چاندی چاہے سونے میں
آئینہ جھوٹ بولتا ہی نہیں
– کرشن بہاری نور –
………
دل کے آئینہ میں اس طرح اترتی ہے نگاہ
جیسے پانی میں لچک جائے کرن کیا کہنا
– فراق گورکھپوری –
………
یہ آئینے سر دیوار جاں سنورتے ہیں
ترے جمال کو حیرت میں ڈالنے کے لیے
شاہدکمال
……
وہ آئینے کو بھی حیرت میں ڈال دیتا ہے
کسی کسی کو خدا یہ کمال دیتا ہے
– گمنام
….
پیشکش عمر جاوید خان
جواب دیں
تبصرہ کرنے سے پہلے آپ کا لاگ ان ہونا ضروری ہے۔