کچھ دوست مِل گئے ھیں یہاں ، اتفاق سے ملتے ھیں ورنہ…

کچھ دوست مِل گئے ھیں یہاں ، اتفاق سے
ملتے ھیں ورنہ دوست کہاں ، اتفاق سے

اے دوست خوش ھو ، مجھ سے تیری رسم و راہ ھے
ملتا ھے اھلِ دل کا نشاں ، اتفاق سے

تم آئے ، لب پہ حرفِ تمنا بھی آ گیا
کُھلتی ھے اھلِ دل کی زباں ، اتفاق سے

کوشش کے باوجود ، نہ جس کو سمجھ سکے
اکثر کُھلی وہ بات یہاں ، اتفاق سے

توفیقِ دردِ عشق ، مقدر کی بات ھے
ملتی ھے زندگی سے اَماں ، اتفاق سے

اِک اتفاق اور سہی ، موت بھی حفیظؔ
ھم اتفاق سے ھیں جہاں ، اتفاق سے

”حفیظؔ ھوشیارپوری“

جون ۱۹۵۲ء

بشکریہ
https://www.facebook.com/Inside.the.coffee.house